Seminare
Sauniuniga mo le Malumalu: Vaaiga Aoao

“Sauniuniga mo le Malumalu: Vaaiga Aoao,” Tusi Lesona a le Faiaoga Seminare o le Mataupu Faavae ma Feagaiga (2025)

“Sauniuniga mo le Malumalu,” Tusi Lesona a le Faiaoga Seminare o le Mataupu Faavae ma Feagaiga

Sauniuniga mo le Malumalu

Sauniuniga mo le Malumalu

Vaaiga Aoao

I le talafaasolopito atoa lava, na poloaiina ai e le Alii Ona tagata ia fausia ni malumalu. I totonu o malumalu, tatou te aoao ai e uiga ia Iesu Keriso ma osia feagaiga paia. O se tasi o uluai feagaiga tatou te osia o le ola ai lea i le tulafono o le faapaiaga. E mafai ona tatou auauna atu ma tapuai i le Alii i o tatou olaga atoa e ala i le auai i galuega o le malumalu ma talafaasolopito o aiga.

Fautuaga o le saoasaoa: O nei lesona e mafai ona aoao atu i soo se taimi i le tausaga aoga po o soo se vaiaso i le saoasaoa o le Sau, Mulimuli Mai ia te A’u . O loo lisiina i lalo ni avanoa patino mo lesona taitasi.

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia ai mo lesona taitasi.

O Iesu Keriso o loo i le Totonugalemu o Tapuaiga Uma i le Malumalu

Fautuaga o le saoasaoa: Atonu e te mafaufau e aoao atu lenei lesona i le taimi lava e tasi e te aoao atu ai le lesona “Mataupu Faavae ma Feagaiga 95,” pe a aoao tagata aoga e uiga i le poloaiga a le Alii e fausia le Malumalu o Katelani; po o le lesona “Mataupu Faavae ma Feagaiga 109,” pe a aoao tagata aoga e uiga i le faapaiaga o le Malumalu o Katelani; po o le lesona “Mataupu Faavae ma Feagaiga 124,” pe a aoao tagata aoga e uiga i le Malumalu o Navu.

Faamoemoega o le lesona: Ina ia fesoasoani i tagata aoga ia lagonaina se manao faateleina e tapuai ia Iesu Keriso i Lona malumalu.

  • Sauniuniga a le tagata aoga: Uunaia tagata aoga e mafaufau i le taua o fuaitau e lua o loo tusia i luga o malumalu taitasi: “Paia i le Alii” ma le “O Le Maota o le Alii.”

  • Ata e faaali atu: Autalavou o loo aai ma feinu i le faamanatuga; talavou o loo auai i le lotu; faifeautalai faamisiona; o le fale fetafai i le taimi o Mose; malumalu o Solomona; o le malumalu o sa Nifae i Nuumau

  • Vitio: “O Le Malumalu ma Lou Faavae Faaleagaga” (18:59; matamata mai le faailo taimi 4:27 i le 5:03); “O Lena Nofoaga Paia” (4:36)

Faia o Tapuaiga i le Malumalu o se Sailiga i le Olaga Atoa

Fautuaga o le saoasaoa: Atonu e te mafaufau e aoao atu lenei lesona i le taimi lava e tasi a o e aoao atu le lesona “Mataupu Faavae ma Feagaiga 95,” pe a aoao tagata aoga e uiga i le poloaiga a le Alii e fausia le Malumalu o Katelani; po o le lesona “Mataupu Faavae ma Feagaiga 109,” pe a aoao tagata aoga e uiga i le faapaiaga o le Malumalu o Katelani; po o le lesona “Mataupu Faavae ma Feagaiga 124,” pe a aoao tagata aoga e uiga i le Malumalu o Navu.

Faamoemoega o le lesona: O lenei lesona e mafai ona fesoasoani i tagata aoga ia lagonaina le taua o le tapuai i le Alii i malumalu i o latou olaga atoa.

  • Sauniuniga a le tagata aoga: E mafai ona e valaaulia tagata aoga e fesili atu i se tagata o le aiga po o se taitai o le Ekalesia pe na faapefea ona faamanuiaina i latou e ala i le auai i le malumalu.

  • Vitio: “Faapotopotoina o le Aiga o le Atua” (18:01; matamata mai le faailotaimi 15:16 e oo i le 15:44)

I totonu o le Malumalu, Tatou te Osifeagaiga ai e Tausia le Tulafono o le Faapaiaga

Fautuaga o le saoasaoa: Atonu e te mafaufau e aoao atu lenei lesona i le taimi lava e tasi e te aoao atu ai le lesona “Mataupu Faavae ma Feagaiga 42:29–42,” pe a aoao tagata aoga e uiga le tulafono o le faapaiaga.

Faamoemoega o le lesona: Ina ia fesoasoani i tagata aoga ia malamalama i le tulafono paia o le faapaiaga, lea tatou te osifeagaiga ai i le malumalu ma le Atua e usiusitai i ai.

  • Sauniuniga a le tagata aoga: Valaaulia tagata aoga e tusi pe faapefea ona latou faaaogaina o latou taimi, taleni, po o punaoa e saofaga ai i le Ekalesia ma le malo o le Alii.

  • Ata e faaali atu: Keke e i ai teuteuga i luga

  • Pepa e tufa atu: “O le Tulafono a le Alii o le Faapaiaga”

Talafaasolopito o Aiga ma le Auaunaga i le Malumalu

Fautuaga o le saoasaoa: Atonu e te mafaufau e aoao atu lenei lesona i le taimi lava e tasi e te aoao atu ai le lesona “Mataupu Faavae ma Feagaiga 127–128, Vaega 2,” pe a aoao tagata aoga e uiga i le auai i le malumalu ma talafaasolopito o aiga.

Faamoemoega o le lesona: Ina ia fesoasoani i tagata aoga e sue igoa o o latou tuaa ua maliliu ma saunia e faatino sauniga mo i latou i totonu o le malumalu a le Alii.