Pagtukod og Pagbarog pinaagi sa Kinaugalingong Paningkamot

Pagtukod og Pagbarog pinaagi sa Kinaugalingong Paningkamot

Kinatibuk-ang Pagpasabot

Ang Manluluwas mipahayag nga, “Mao kini ang akong katuyoan sa paghatag sa akong mga santos. … Apan kini kinahanglan nga pagahimoon sa akong kaugalingon nga pamaagi” (Doktrina ug mga Pakigsaad 104:15–16). Kon magpakita kita og hugot nga pagtuo kang Jesukristo, gidapit nato Siya nga tabangan kita nga mahimong mas makabarog pinaagi sa kinaugalingong paningkamot sa tanang bahin sa atong kinabuhi. Gitabangan ni Jesukristo ang Iyang mga Santos sa pagtukod og pagbarog pinaagi sa kinaugalingong paningkamot aron makasangkap sila sa ilang kaugalingon ug makakat-on sa pagpanalangin sa uban sama sa Iyang gihimo.

Sugyot sa gipaspason: Labing maayo tingali nga itudlo ni nga mga leksiyon sa kon unsa ni pagkasunod dinhi niini nga dokumento. Ang unang duha sa leksiyon nagpaila sa mga estudyante sa mga baroganan sa pagbarog pinaagi sa kinaugalingong paningkamot ug motabang nga mas masabtan nila ang kataposang duha ka leksiyon. Ang pagtudlo sa unang duha ka leksiyon sa “Pagtukod og Pagbarog pinaagi sa Kinaugalingong Paningkamot” sa sayong bahin sa tuig makatabang usab aron maandam ang mga estudyante nga masabtan ang mga baroganan nga ilang tun-an diha sa mga leksiyon nga “Edukasyon ug Pagpanarbaho” ug ang mga leksiyon sa “Pisikal ug Emosyonal nga Kahimsog.”

Pangandam sa Pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Pagtukod og Pagbarog pinaagi sa Kinaugalingong Paningkamot diha sa Pamaagi sa Ginoo

Katuyoan sa leksiyon: Aron tabangan ang mga estudyante nga masabtan ang panginahanglan sa pagtukod og pagbarog pinaagi sa kinaugalingong paningkamot diha sa pamaagi sa Ginoo.

• Pagpangandam sa estudyante: Dapita ang mga estudyante nga hunahunaon kon unsaon nila paghatag og kahulogan sa termino nga pagbarog pinaagi sa kinaugalingong paningkamot ug sa pagkonsiderar sa mga paagi nga ang Ginoo makatabang nila sa pagtukod og pagbarog pinaagi sa kinaugalingong paningkamot diha sa ilang kinabuhi.

• Mga hulagway nga ipakita: Sud-an nga isda; pipila ka gamit sa pagpangisda; batan-ong Jesus nga nagtrabaho

• Handout: “Pagtukod og Pagbarog pinaagi sa Kinaugalingong Paningkamot diha sa Pamaagi sa Ginoo”

Hugot nga Pagtuo diha kang Jesukristo sa Pagtukod og Pagbarog pinaagi sa Kinaugalingong Paningkamot

Katuyoan sa leksiyon: Aron tabangan ang mga estudyante sa pagpakita og hugot nga pagtuo diha kang Jesukristo sa pagtukod og pagbarog pinaagi sa kinaugalingong paningkamot.

• Pagpangandam sa estudyante: Dapita ang mga estudyante sa pagtanyag og personal nga pag-ampo nga naghangyo sa Langitnong Amahan nga tabangan sila nga ilhon ang bahin sa ilang kinabuhi diin mahimo silang mas makabarog pinaagi sa kinaugalingong paningkamot.

• Bidyo: “Si Kristo Nabanhaw: Ang Hugot nga Pagtuo diha Kaniya Makabalhin og mga Bukid” (16:22; tan-awa gikan sa time code nga 5:24 hangtod 6:08)

• Materyal nga ipakita: Pamahayag ni Bishop W. Christopher Waddell

Maalamong Pagdumala sa Pinansyal nga mga Kapanguhaan

Katuyoan sa leksiyon: Aron tabangan ang mga estudyante nga masabtan kon unsaon pagpakita og hugot nga pagtuo sa Dios samtang nagtukod sila og pinansyal nga pagbarog pinaagi sa kinaugalingong paningkamot .

• Pagpangandam sa estudyante: Dapita ang mga estudyante nga isulat ang importanteng mga butang nga gilaoman nilang matuman sa ilang kaugmaon nga nagkinahanglan og mga kapanguhaan sa pinansyal. Dapita sila nga pamalandongan ang ilang plano nga mahimong andam sa pinansyal para niining mga butanga o sa ilang mga pangutana bahin sa ilang pagpangandam sa pinansyal.

• Impormasyon para sa mga estudyante: Komon nga mga gasto sa pagserbisyo og misyon ug pagkuha og edukasyon human sa high school, ingon man usab ang nag-unang mga galastohan sa panginabuhi diha sa inyong lugar

• Mga materyal: Mga kopya sa graphic nga nagpakita sa mga baroganan sa pagkasunod-sunod sa pinansyal

• Mga bidyo: “Ang Pinulongan sa Ebanghelyo” (12:27; tan-awa gikan sa time code nga 6:10 hangtod 7:40); “Ang Panaw ni Sedrick” (2:32)

Ang Pagbarog pinaagi sa Kinaugalingong Paningkamot Makapahimo Nato nga Mas Makaatiman sa Uban

Katuyoan sa leksiyon: Aron tabangan ang mga estudyante nga masabtan kon sa unsang paagi ang pagkahimong makabarog sa kinaugalingong paningkamot makatabang aron mas masunod nila ang ehemplo sa Manluluwas sa pagtabang sa uban.

• Pagpangandam sa estudyante: Dapita ang mga estudyante nga maghunahuna og mga paagi nga ang mosunod nga pamahayag mahimong tinuod sa temporal ug espirituwal nga paagi: “Dili mo makabayaw sa laing kalag hangtod nga kamo nagbarog sa mas taas nga dapit kay kaniya” (Harold B. Lee, “Stand Ye in Holy Places,” Ensign, Hulyo 1973, 123).

• Mga materyal: Mga kopya sa pamahayag ni Elder Robert D. Hales sa Korum sa Napulog Duha ka Apostoles aron hisgotan sa gagmayng grupo

• Handout: “Mga Ehemplo sa Pagbarog pinaagi sa Kinaugalingong Paningkamot gikan sa Kasaysayan sa Simbahan”

• Mga bidyo: “Palig-ona ang Imong mga Igsoon” (3:50); “Diha sa Buluhaton sa Ginoo: Ang Kinabuhi ni Thomas S. Monson” (1:00:10; tan-awa gikan sa time code nga 19:54 hangtod 24:18)