“Lesson 180—Pagkakaroon ng Pag-asa sa Sariling Kakayahan o Self-Reliance sa Pamamaraan ng Panginoon: Tayo ay Napagpapala sa Temporal at Espirituwal na Paraan ng Pagkakaroon ng Pag-asa sa Sariling Kakayahan o Self-Reliance,” Manwal ng Titser ng Seminary para sa Doktrina at mga Tipan (2025)
“Pagkakaroon ng Pag-asa sa Sariling Kakayahan o Self-Reliance sa Pamamaraan ng Panginoon,” Manwal ng Titser ng Seminary para sa Doktrina at mga Tipan
Lesson 180: Pagkakaroon ng Pag-asa sa Sariling Kakayahan o Self-Reliance
Pagkakaroon ng Pag-asa sa Sariling Kakayahan o Self-Reliance sa Pamamaraan ng Panginoon
Tayo ay Napagpapala sa Temporal at Espirituwal na Paraan ng Pagkakaroon ng Pag-asa sa Sariling Kakayahan o Self-Reliance
Ipinahayag ng Panginoon, “Layunin ko ito na maglaan para sa aking mga banal. … Subalit ito ay talagang kinakailangang magawa sa aking sariling pamamaraan” (Doktrina at mga Tipan 104:15–16). Tinutulungan ni Jesucristo ang Kanyang mga Banal na maging self-reliant upang makapaglaan sila para sa kanilang sarili at matutong pagpalain ang iba tulad ng Kanyang ginagawa. Ang lesson na ito ay makatutulong sa mga estudyante na maunawaan ang pangangailangang magkaroon ng self-reliance sa paraan ng Panginoon.
Mga Posibleng Aktibidad sa Pag-aaral
Pag-asa sa sariling kakayahan o Self-reliance
Maaari mong simulan ang lesson sa pag-alam kung ano ang nauunawaan na ng mga estudyante tungkol sa self-reliance. Maaari mong isulat sa pisara ang Self-reliance at sabihin sa mga estudyante na ilarawan kung ano ang ibig sabihin nito at kung bakit mahalagang magkaroon nito.
Maaari mo silang tulungan na talakayin ang kanilang nalalaman tungkol sa self-reliance sa pamamagitan ng pagpapakita ng mga larawan ng pagkain na isda at ilang kagamitan sa pangingisda. Sabihin sa mga estudyante na talakayin kung aling larawan ang naglalaman ng mga bagay na makatutulong sa isang tao upang magkaroon ng self-reliance sa paglalaan ng pagkain para sa kanyang pamilya. Maaari mong ipakita ang dalawang pahayag sa ibaba bilang bahagi ng talakayan.
Ipinaliwanag ni Pangulong Gordon B. Hinckley (1910–2008) ang kahalagahan ng pagkatutong maglaan para sa ating sarili:
May isang lumang kasabihan na kung bibigyan mo ng isda ang isang tao, may pagkain siya sa loob ng isang araw. Ngunit kung tuturuan mo siyang mangisda, may pagkain siya habang siya ay nabubuhay. (Gordon B. Hinckley, “The Perpetual Education Fund,” Ensign, Mayo 2001, 52)
Itinuro ng Unang Panguluhan ang sumusunod tungkol sa self-reliance:
Ipinahayag ng Panginoon, “Layunin ko ito na maglaan para sa aking mga banal” [Doktrina at mga Tipan 104:15]. Ang paghahayag na ito ay isang pangako mula sa Panginoon na magbibigay Siya ng mga temporal na biyaya at mga oportunidad para maging self-reliant, na ibig sabihin ay kaya nating tustusan ang mga pangangailangan natin at ng ating pamilya sa buhay na ito. …
Magtiwala na kayo ay anak ng ating Ama sa Langit. Mahal Niya kayo at hindi Niya kayo pababayaan. Kilala Niya kayo at handa Siya na ipagkaloob sa inyo ang mga espirituwal at temporal na biyaya ng self-reliance. (Ang Unang Panguluhan, sa My Foundation for Self-Reliance [2016], 3)
-
Ano ang natutuhan mo mula sa mga pahayag na ito tungkol sa self-reliance?
Matapos talakayin ng klase ang mga naunang pahayag, maaari mong anyayahan ang mga estudyante na ibuod ang kanilang pag-unawa sa self-reliance sa isang kapartner. Maaaring makatulong na patuloy na ipakita ang naunang pahayag ng Unang Panguluhan bilang reference. Pagkatapos ay mag-anyaya ng mga boluntaryo na magbabahagi ng kanilang buod sa klase.
Tiyakin na nauunawaan ng mga estudyante na sa tulong ng Panginoon, maaari tayong maging self-reliant upang matustusan ang mga pangangailangan sa buhay para sa ating sarili at pamilya.
-
Sa iyong palagay, bakit mahalagang maunawaan na masanay na maging self-reliant habang ikaw ay bata pa?
-
Kung may taong nahihirapan sa ideya na maging self-reliant, ano ang maipapaalala mo sa kanya tungkol sa Ama sa Langit at kay Jesucristo na makapagbibigay sa kanya ng pag-asa?
Upang matulungan ang mga estudyante na makita ang mga praktikal na paraang naaangkop sa kanila ang mga alituntunin ng self-reliance, maaari mong isulat ang mga sumusunod na paksa sa pisara: edukasyon, kalusugan, trabaho, pananalapi, espirituwal na lakas. Hatiin sa mga grupo ang mga estudyante at bigyan ng isang paksa ang bawat grupo. Sabihin sa mga estudyante na talakayin ang sumusunod sa kanilang mga grupo at pagkatapos ay ibahagi sa klase ang tinalakay nila.
Sagutin ang mga sumusunod na tanong batay sa isa sa mga paksang ito: edukasyon, kalusugan, trabaho, pananalapi, o espirituwal na lakas:
-
Paano mo mailalarawan ang isang taong self-reliant sa aspektong iyon?
-
Paano sisimulan ng isang tinedyer na masanay na maging self-reliant sa aspektong iyon? Paano niya maaaring anyayahan ang Panginoon na tulungan siya?
-
Ano ang maitutulong ng pagkatuto na gumawa ng mas maraming bagay para sa ating sarili sa aspektong ito?
Hikayatin ang mga estudyante na bigyang-pansin ang mga pahiwatig ng Espiritu Santo tungkol sa kung paano sila makapaglalaan para sa kanilang sarili. Tulungan ang mga estudyante na maunawaan na kahit kaya nilang gawin ang mga bagay nang mag-isa, kailangan pa rin nilang magtiwala sa Panginoon. Mainam ding humingi ng tulong sa iba kung minsan.
Self-reliance sa pamamaraan ng Panginoon
Upang matulungan ang mga estudyante na maunawaan ang mga alituntunin tungkol sa self-reliance na matututuhan natin mula sa Panginoon at sa Kanyang mga tagapaglingkod, maaari mong gawin ang isa sa mga sumusunod na opsiyon:
-
Hatiin ang mga estudyante sa maliliit na grupo, at ipamahagi ang handout na “Pagkakaroon ng Pag-asa sa Sariling Kakayahan o Self-Reliance sa Pamamaraan ng Panginoon.” Maaaring hatiin ng bawat grupo ang mga scripture reference at pahayag sa mga miyembro ng grupo para pag-aralan. Pagkatapos ay maaari nilang ibahagi sa isa’t isa ang kanilang natutuhan at sagutin ang mga tanong nang sama-sama.
-
Kung may resources at karanasan ang mga estudyante sa paghahanap ng mga scripture reference at pahayag ng mga lider ng Simbahan nang mag-isa, ilagay sa pisara ang mga tanong mula sa handout. Sabihin sa mga estudyante na maghanap ng mga banal na kasulatan at salita ng mga propeta bilang mga sagot sa bawat tanong. Ang isang resource na maaaring pag-aralan ng mga estudyante ay ang bahaging Mga Paksa at Tanong na may pamagat na ”Pag-asa sa Sariling Kakayahan, Self-Reliance.” Makikita ito sa Gospel Library app at sa ChurchofJesusChrist.org.
Pagkakaroon ng Pag-asa sa Sariling Kakayahan o Self-Reliance sa Pamamaraan ng Panginoon
Pag-aralan ang mga talata sa banal na kasulatan at mga pahayag sa ibaba, at alamin ang mga sagot sa sumusunod na dalawang tanong:
-
Ano ang itinuro ng Panginoon sa mga banal na kasulatan at sa pamamagitan ng Kanyang mga propeta na makatutulong sa ating masanay na maging self-reliant?
-
Anong mga balakid ang maaaring kaharapin ng isang tao kung kaya’t kakailanganin niya ang tulong ng Ama sa Langit upang madaig ang mga ito?
Itinuro ni Pangulong Ezra Taft Benson (1899–1994):
Binabago ng Panginoon ang [kaibuturan ng] puso. Binabago ng mundo ang panlabas na anyo. Maiaalis ng daigdig ang mga tao sa magulo at maruming lugar. Inaalis ni Cristo ang di-magagandang ugali ng mga tao, at inaalis naman nila ang kanilang sarili sa magulo at maruming lugar. Hinuhubog ng daigdig ang mga tao sa pamamagitan ng pagbabago ng kanilang kapaligiran. Binabago ni Cristo ang mga tao, na siya namang nagbabago ng kanilang kapaligiran. Mahuhubog ng daigdig ang kilos ng mga tao, subalit mababago ni Cristo ang ugali ng mga tao. (Ezra Taft Benson, “Born of God,” Ensign, Nob. 1985, 6)
Ipinaliwanag ni Pangulong Dieter F. Uchtdorf, na noon ay kabilang sa Unang Panguluhan:
Ang paraan ng Panginoon ay hindi pag-upo sa tabing-ilog at paghihintay na mawala ang tubig bago tayo tumawid. Ito ay pagtutulungan, paghahanda, pagtatrabaho, at paggawa ng tulay o bangka para matawid ang ilog ng mga pagsubok. (Dieter F. Uchtdorf, “Pagtulong sa Paraan ng Panginoon,” Liahona, Nob. 2011, 54)
Bigyan ng pagkakataon ang mga grupo na magbahagi sa klase ng kanilang mga naging sagot at ideya sa kanilang pag-aaral. Maaari din silang magbahagi ng mga halimbawa kung paano sila pinagpala ng Panginoon sa kanilang mga pagsisikap na ipamuhay ang mga alituntunin ng self-reliance.
Umunlad ang Tagapagligtas nang biyaya sa biyaya
Maaaring matukoy ng mga estudyante na maaaring mahirap sikaping maging self-reliant sa maraming iba’t ibang aspekto nang biglaan. Ipaliwanag na matututuhan natin mula sa halimbawa ng Tagapagligtas na ang pagiging self-reliant ay nangangailangan ng panahon. Maaari mong ipakita ang sumusunod na larawan habang binabasa ng mga estudyante ang sumusunod na scripture passage.
Basahin ang Doktrina at mga Tipan 93:11–13, at alamin ang itinuro ni Juan Bautista tungkol sa Pag-unlad ng Tagapagligtas. (Isang bahagi ng mga isinulat ni Juan Bautista ang inihayag kay Joseph Smith at nakatala sa bahagi 93.)
Kung kailangan ng mga estudyante ng tulong sa pagsagot sa mga sumusunod na tanong, maaari mong ipaliwanag na ang pagpapatuloy nang biyaya sa biyaya ay nangangahulugang pagbuti nang paunti-unti sa pamamagitan ng banal na tulong. Maaari mong ipabasa sa mga estudyante ang 2 Nephi 28:30 para matulungan silang makita kung paano rin natin kailangang umunlad nang “taludtod sa taludtod.“
-
Sa iyong palagay, ano ang ibig sabihin na ang Tagapagligtas ay “nagpatuloy nang biyaya sa biyaya”? (talata 13).
-
Paano makatutulong sa iyo ang halimbawa ng Tagapagligtas na magpatuloy nang biyaya sa biyaya sa pagsisikap mong magkaroon ng espirituwal at temporal na self-reliance?
Pagkakaroon ng self-reliance sa sarili mong buhay
Sabihin sa mga estudyante na pagnilayan kung ano ang maaaring itinuro sa kanila ng Espiritu Santo tungkol sa paggiging self-reliant. Para matulungan silang magnilay, maaari mong ipakita ang mga sumusunod na tanong. Sabihin sa mga estudyante na i-assess kung gaano nila masasabing self-reliant na sila sa pamamagitan ng pagninilay o pagsagot sa mga sumusunod na tanong sa kanilang study journal.
-
Gaano ako kakumpiyansa sa pagiging self-reliant sa iba’t ibang aspekto ng buhay ko?
-
Bakit makatutulong na magsimulang magkaroon ng kakayahang tustusan ang aking sarili sa mga aspektong ito?
-
Paano ko maisasama ang Panginoon sa pagsasanay ko na maging self-reliant sa aking buhay?
Sabihin sa mga estudyante na mag-isip ng mga partikular na paraan kung paano nila maaaring simulang maging self-reliant sa kanilang buhay. Maaari mo ring ibahagi ang iyong mga saloobin at patotoo tungkol sa magandang epekto ng pagiging self-reliant at kung paano nito napagpala ang iyong buhay.