Pag-asa sa Sariling Kakayahan, Self-Reliance

Buod

Ang layunin ng pagiging self-reliant sa espirituwal at temporal ay magkaroon ng kakayahan na higit na mapaglingkuran ang Panginoon at mapangalagaan ang iba (tingnan sa Juan 15:8). Inaanyayahan tayong lahat ng Tagapagligtas na kumilos, umasa sa sarili, at maging katulad Niya. Tutulungan Niya tayo. Ipinangako Niya: “Layunin ko ito na maglaan para sa aking mga banal, sapagkat lahat ng bagay ay akin. Subalit ito ay talagang kinakailangang magawa sa aking sariling pamamaraan” (Doktrina at mga Tipan 104:15–16). Kabilang sa paraan ng Panginoon ang matutuhan at ipamuhay ang mga alituntunin ng self-reliance—“ang abilidad, tapat na pangako, at pagsisikap na tustusan ang sariling pangangailangan sa buhay at ng pamilya” (Pagtulong Ayon sa Paraan ng Panginoon: Buod ng Gabay ng Lider sa Gawaing Pangkawanggawa [2009]).

Ang tanggapin at ipamuhay ang mga sumusunod na alituntunin ng self-reliance ay tutulong sa atin na matanggap ang mga pagpapalang espirituwal at temporal na ipinangako ng Panginoon.

Manampalataya kay Jesucristo. Ang Panginoon ang pinakamakapangyarihan sa lahat. Siya ay maaaring magkaloob at magkakaloob ng dakilang magiliw na awa sa mga nagtitiwala sa Kanya sa lahat ng bagay. Kapag nananampalataya tayo kay Jesucristo, makagagawa Siya ng mga himala.
Maging Masunurin. Ang pagsunod sa mga batas, alituntunin, at pahiwatig ng Diyos ay nagdudulot ng mga pagpapalang espirituwal at temporal.
Kumilos. Ang pagiging responsable at pagkilos ng bawat isa ay nagdudulot ng mga pagpapala.
Maglingkod at magkaisa. Ang Sion ay naitayo dahil sa paglilingkod at pagkakaisa—ito ang paraan ng Panginoon. Sinabi ni Elder Robert D. Hales ng Korum ng Labindalawang Apostol, “Sa pag-asa sa sarili lang natin tunay na matutularan ang Tagapagligtas sa paglilingkod at pagpapala sa iba” (“Isang Pananaw ng Ebanghelyo sa Pagkakawanggawa: Pagkilos ayon sa Pananampalataya,” sa Mga Pangunahing Tuntunin sa Pagkakawanggawa at Pag-asa sa Sarili [buklet, 2009], 2).

AnItala ang Iyong mga Impresyon

Mga Pangako ng Propeta

Sinabi ng Unang Panguluhan: “Inaanyayahan namin kayo na pag-aralang mabuti at isabuhay ang mga alituntuning ito at ituro ang mga ito sa mga miyembro ng inyong pamilya. Kapag ginagawa ninyo ito, mabibiyayaan ang inyong buhay. Matututo kayo kung paano kumilos sa inyong pagsulong patungo sa lalo pang pagiging self-reliant. Mabibiyayaan kayo ng mas malaking pag-asa, kapayapaan, at pag-unlad.

“Kayo ay tunay na anak ng ating Ama sa Langit. Mahal Niya kayo at hindi kayo pababayaan. Kilala Niya kayo at handa Siyang ipagkaloob sa inyo ang mga espirituwal at temporal na biyaya ng self-reliance” (Liham ng Unang Panguluhan, sa My Foundation: Principles, Skills, Habits [2014], 2).