Pagpapatong ng mga Kamay

Buod

Ang pagpapatong ng mga kamay ang pamamaraang inihayag ng Panginoon sa pagsasagawa ng maraming ordenansa ng priesthood, tulad ng kumpirmasyon, pag-oorden, pagtatalaga sa mga miyembro na maglingkod sa mga tungkulin, pangangasiwa sa maysakit, at pagbibigay ng iba pang mga basbas ng priesthood. Ipinapatong ng mga yaong may wastong awtoridad ng priesthood ang kanilang mga kamay sa ulunan ng taong tatanggap ng ordenansa. Sa paggawa nito, sila ay nagsisilbing mga kasangkapan upang mabasbasan ng Panginoon ang Kanyang mga anak.

Noon pa man, ang pamamaraan ng pagpapatong ng mga kamay ay ginagamit na ng mga maytaglay ng priesthood. Inorden ni Adan ang kanyang mabubuting lalaking inapo sa pamamagitan ng pagpapatong ng mga kamay (tingnan sa Doktrina at mga Tipan 107:40–50). Nang basbasan ni Jacob sina Ephraim at Manases, ipinatong niya ang kanyang mga kamay sa kanilang mga ulunan (tingnan sa Genesis 48:14–19). “Nag-orden [si Alma] ng mga saserdote at elder, sa pamamagitan ng pagpapatong ng kanyang mga kamay alinsunod sa orden ng Diyos” (Alma 6:1). Ibinigay nina Apostol Pedro at Juan ang kaloob na Espiritu Santo sa pamamagitan ng pagpapatong ng mga kamay (tingnan sa Mga Gawa 8:14–17). Sa dispensasyong ito, iginawad ni Juan Bautista ang Aaronic Priesthood kina Joseph Smith at Oliver Cowdery sa pamamagitan ng pagpapatong ng mga kamay (tingnan sa Joseph Smith—Kasaysayan 1:68–69).

AnItala ang Iyong mga Impresyon

Mga Kaugnay na Paksa

Espiritu Santo
Ordinances [Mga Ordenansa]
Priesthood

Mga Banal na Kasulatan

Mga Reperensya sa Banal na Kasulatan

Resources sa Pag-aaral ng mga Banal na Kasulatan

Gabay sa mga Banal na Kasulatan, “Pag-oorden sa Pagkasaserdote”
Gabay sa mga Banal na Kasulatan, “Pangangasiwa sa Maysakit,” “Kamay, Pagpapatong ng mga”