Seminare
Soifua Maloloina Faaletino ma Faalelagona: Vaaiga Aoao

“Soifua Maloloina Faaletino ma Faalelagona: Vaaiga Aoao,” Tusi Lesona a le Faiaoga Seminare o le Mataupu Faavae ma Feagaiga (2025)

“Soifua Maloloina Faaletino ma Faalelagona,” Tusi Lesona a le Faiaoga Seminare o le Mataupu Faavae ma Feagaiga

Soifua Maloloina Faaletino ma Faalelagona

Soifua Maloloina Faaletino ma Faalelagona

Vaaiga Aoao

A o tatou ola ai i le olaga, tatou te feagai ma le tele o tulaga e luitauina ai lagona. E mafai ona tatou liliu atu i le Alii mo se fesoasoani ina ia faateleina ai le maufetuutuunai i lagona. O lesona nei e fautuaina ai tagata aoga e tausia o latou tino faaletino; atiina ae ni mamanu o mafaufauga maloloina; saili le fesoasoani a le Alii i le atuatuvale, popolevale, faanoanoa, ma le lofituina; ma fatu ma faamalosia mafutaga.

Fautuaga o le saoasaoa: O nei lesona e mafai ona aoao atu i soo se taimi i le tausaga aoga po o soo se vaiaso i le saoasaoa o le Sau, Mulimuli Mai ia te A’u . Peitai, atonu e sili atu le aoao atu o le “Fausiaina o le Malosi i Lagona i le Alii” ma lesona na sosoo ai e felata’i le tasi ma le isi. E mafai ona fesoasoani lenei mea i tagata aoga e aoao ai ma faataitai tomai e patino i nei lesona.

Ia Saunia e Aoao Atu

O lenei faamatalaga e tuuina atu ai ni manatu o mea atonu e te manaomia ona muai saunia ai mo lesona taitasi.

O Le Tausia o o Tatou Tino Faaletino

Faamoemoega o le lesona: Ina3o ia mafai ona fesoasoani i tagata aoga e faaali atu ai le lotofaafetai i le Tama Faalelagi ma Iesu Keriso e ala i le tausia o o latou tino faaletino.

  • Sauniuniga a le tagata aoga: Valaaulia tagata aoga e mafaufau loloto pe o a ni o latou lagona e uiga i o latou tino ma mea o loo latou faia e tausia ai i latou. E mafai foi ona latou mafaufau loloto pe faapefea e o latou uiga faaalia ma amioga agai i o latou tino faaletino ona aafia ai lo latou fiafia, malosi, fua mai, ma mafutaga ma le Atua.

  • Pepa e tufa atu: “Tausia o Tatou Tino Faaletino”

Fausia o le Malosi i Lagona i le Alii

Faamoemoega o le lesona: Ina ia fesoasoani i tagata aoga ia lagona le mautinoa o le a lagolagoina i latou e le Faaola i le fausiaina o le malosi faaletino ma le faalelagona.

  • Sauniuniga a le tagata aoga: Valaaulia tagata aoga e mafaufau loloto i tulaga faigata faalelagona latou te feagai, pe ono feagai i le lumanai, ma mea e mafai ona latou faia i na tulaga. Atonu latou te mananao e talanoaina o latou manatu ma se matua po o se tagata o le aiga. E mafai ona e faailoa atu o se vaaiga i fafo e mafai i nisi taimi ona fesoasoani i le taulimaina o luitau i lagona.

Atinaeina o Mafaufauga Maloloina

Faamoemoega o le lesona: Ina ia fesoasoani i tagata aoga e atiina ae le silafia e le tagata lava ia o o latou mafaufauga ma faatuina ni mamanu lelei o mafaufauga.

Sauniuniga a le tagata aoga: Mafaufau e valaaulia tagata aoga e gauai atu i ai ma tusi i lalo ituaiga o manatu latou te maua pe a tali atu i tulaga faigata pe fesootai atu i isi.

Pepa e tufa atu: “Faasa’oina o Mafaufauga Le Aoga pe Le Sa’o”

Puleaina o le Atuatuvale ma le Popolevale

Faamoemoega o le lesona: Ina ia mafai ona fesoasoani i tagata aoga e faailoa ma faataitai tomai e liliu atu ai i le Alii e pulea ai le atuatuvale ma le popolevale.

  • Sauniuniga a le tagata aoga: Valaaulia tagata aoga e mafaufau e uiga i se taimi lata mai na latou lagonaina ai le atuatuvale po o le popolevale e uiga i se mea. Fautuaina i latou e mafaufau loloto po o a faamanuiaga ma luitau na latou maua i le taulimaina o le atuatuvale ma le popolevale.

  • Pepa e tufa atu: “Tulaga e Fa o le Atuatuvale”

Feagai ai ma le Faanoanoa ma le Atuatuvale

Faamoemoega o lesona: Ina ia fesoasoani i tagata aoga ia malamalama i auala e mafai ona latou maua ai le fesoasoani i lagona o le faanoanoa ma le atuatuvale.

  • Sauniuniga a le tagata aoga: Ina ia saunia tagata aoga e suesue i auala talafeagai e feagai ma le faanoanoa ma le lofituina, tuu atu le faamatalaga lenei: “Ou te iloa le ala e mafai ai e le Tama Faalelagi ma Iesu Keriso ona fesoasoani ia te au pe a ou lagona le faanoanoa po o le lofituina.” Valaaulia tagata aoga e iloilo ma le agaga tatalo pe o le a le lelei o le faatatauga o lenei faamatalaga ia i latou ma pe faapefea ona latou faasoa atu ma le mautinoa i isi.

  • Aitema e faaali atu: O se ata po o se vitio o galu o le sami

  • Pepa e tufa atu: “Sailia o le Fesoasoani”

O Le Faaatoatoaina ia Iesu Keriso

Faamoemoega o lesona: Ina ia fesoasoani i tagata aoga ia malamalama i le mafaufau i mea sese e faatatau i le fia atoatoa ma le auala e mafai ona latou liliu atu ai i le Alii.

  • Sauniuniga a le tagata aoga: Valaaulia tagataaoga e mafaufau pe mafai faapefea ona latou faamatalaina le eseesega i le va o le fia atoatoa ma le faaatoatoaina e ala ia Keriso. E mafai ona latou mafaufau loloto i auala latou te ono lagona ai le faaosoosoina e mafaufau e tatau ona latou atoatoa ia i latou lava.

  • Vitio: “Self-Compassion” (2:58); “O Le Seleselega Le Atoatoa“ (11:01; matamata mai le faailo taimi 2:37 i le 3:04)

  • Pepa e tufa atu: “Mauaina o le Faaatoatoaina ia Iesu Keriso”

Fausiaina o Mafutaga Maloloina

Faamoemoega o lesona: Ina ia fesoasoani i tagata aoga e saili le fesoasoani a le Alii e faatulaga ni sootaga e i ai le latou sao i lo latou soifua maloloina ma le soifua manuia atoa.