“Lesona 189—O Le Faaatoatoaina ia Iesu Keriso: O Se Faagasologa o le Avea Atili e Faapei o le Faaola,” Tusi Lesona a le Faiaoga Seminare o le Mataupu Faavae ma Feagaiga (2025)
“O Le Faaatoatoaina ia Iesu Keriso,” Tusi Lesona a le Faiaoga Seminare o le Mataupu Faavae ma Feagaiga
Lesona 189—Soifua Maloloina Faaletino ma Faalelagona
O Le Faaatoatoaina ia Iesu Keriso
O Se Faagasologa o le Avea Atili e Faapei o le Faaola
O le tele o uunaiga ma faamoemoega i le olaga e mafai ona afua ai ona tatou tauivi ma le fia atoatoa po o le manatu sese e manaomia ona tatou atoatoa ia i tatou lava. Ona o le taulaga sili a le Faaola, ua mafai ai ona “faaatoatoaina i tatou ia te ia” (Moronae 10:32). O lenei lesona e mafai ona fesoasoani i tagata aoga e iloa ai mafaufauga sese e faatatau i le fia atoatoa ma e mafai ona fesoasoani ia i latou e liliu atu ai i le Alii.
Gaoioiga E Ono Mafai Ona Aoao Ai
Faafiaatoatoa
Mafaufau e faaali atu nisi o manatu nei i luga o le laupapa ma faitau faatasi o se vasega. Ia saoloto e fetuunai pe sui i isi mafaufauga fia atoatoa e talafegai ma au tagata aoga.
-
“Ou te le o mautinoa pe o le a lava lo’u lelei.”
-
“Ou te lē lelei tele i lenei mea e pei o le teine lale. Ou te le iloa pe aisea na ou taumafai ai.”
-
“Ou te lagona e tatau ona ou faafoliga e sili atu le fiafia ma le faia o mea e sili atu nai lo au.”
Mo se faataitaiga o nisi o nei manatu, mafaufau e faaali le vitio “Self-Compassion” (2:58) mai le faailo taimi 0:00 i le 0:53.
Self-Compassion
The antidote for the poison of self-criticism is self-compassion, and self-kindness is the key. Become your own best friend by changing how you talk to yourself and learning to embrace your flaws.
Valaulia le vasega e faliu i se paga ma tali fesili nei.
-
O le a le taatele o ou lagona i manatu faapenei?
-
Aisea e ono lagona ai e tagata le faaosoosoina e mafaufau faapea?
E mafai ona e faamalamalama atu o nei faamatalaga e mafai ona mafaufau i ai o ni faataitaiga o mafaufauga o le faafiaatoatoa. E mafai ona e tusia faafiaatoatoa i luga o le laupapa ma valaaulia tagata aoga e tusi ni faamatalaga e ono i ai.
Mafaufau e faaali atu le faamatalaga lenei. Uunaia tagata aoga e vaavaai mo ni malamalamaaga faaopoopo e mafai ona latou faaopoopoina i le laupapa.
Na faamalamalama mai e Elder Vern P. Stanfill o le Au Fitugafulu:
O le faafiaatoatoa e manaomia ai se tulaga faigata, e faia e le tagata lava ia e faatusatusa ai i tatou i isi. O lenei mea e afua ai le ta’usalaina ma le atuatuvale ma e mafai ona tatou mananao ai e o ese ma faaesea i tatou lava. (Vern P. Stanfill, “O Le Seleselega Le Atoatoa,” Liahona, Me 2023, 113)
Ina ia fesoasoani i tagata aoga e iloilo pe faapefea ona latou vaai i le fia atoatoa i o latou olaga ma le auala e faatoilalo ai, e mafai ona e faaali atu fesili nei ma valaaulia tagata aoga e mafaufau loloto i a latou tali.
Mafaufau pe mafai faapefea ona e aafia i mafaufauga faafiaatoatoa. Atonu e te manao e tusi au tali i nisi o fesili nei i lau api faamauau mo suesuega.
-
O a ni tulaga le mautinoa atonu o loo e faatulagaina mo oe lava?
-
E faapefea ona e faatusatusaina oe lava i isi i ni auala le lelei?
-
E mafai faapefea ona e liliu atu i le Alii e talanoaina lenei ituaiga o mafaufauga?
Uunaia tagata aoga e saili faaaliga mai le Tama Faalelagi e ala i le Agaga Paia a o latou suesue i auala e mafai ona latou liliu atu ai i le Faaola e faatoilalo ai mafaufauga faafiaatoatoa.
Faatoatoaina ia Iesu Keriso
Na faasoa mai e Elder Vern P. Stanfill mea e mafai ona tatou taulai atu i ai e faatoilalo ai mafaufauga faafiaatoatoa:
O Le Seleselega Le Atoatoa
Ua aoao mai Elder Stanfill le eseesega i le va o le tuliloaina o le fiaatoatoa faalelalolagi ma le faaatoatoaina ia Keriso.
Manatua o le faafiaatoatoa e le tutusa ma le faaatoatoaina ia Keriso….
O le faaatoatoaina ia Keriso … o le faagasologa—e taialaina ma le alofa e le Agaga Paia—o le avea atili e faapei o le Faaola. O tulaga faatonuina ua faatulagaina e se Tama Faalelagi agalelei ma silafia mea uma ma ua faamanino mai i feagaiga ua valaaulia i tatou e talia. E aveesea ai i tatou mai avega o le tausalaina ma le le atoatoa, ma faamamafaina ai pea po o ai i tatou i le silafaga a le Atua. (Vern P. Stanfill, “O Le Seleselega Le Atoatoa,” Liahona, Me 2023, 113)
-
O le a se mea aoga e te maua i lenei tala?
Afai e le masani ona faasoa mai tagata aoga, mafaufau e valaaulia i latou e aotele mai le uiga o le faaatoatoaina ia Keriso. I le faaaogaina o upu a tagata aoga, tusi se mataupu faavae e pei o lea i luga o le laupapa: O le faaatoatoaina ia Iesu Keriso o le faagasologa—taialaina ma le alofa e le Agaga Paia—o le avea atili e faapei o le Faaola. Mafaufau e tusi le Faaatoatoaina ia Keriso i luga o le laupapa i autafa o le ofaafiaatoatoa.
A o asiasi atu i tagata anamua sa nonofo i Amerika, sa toe faamautu mai ai e le Faaola e faapea o le atoatoa o se mea e finagalo ai o Ia ma Lona Tama mo i tatou uma. Faitau le 3 Nifae 12:48 (tagai foi i le Mataio 5:48), ma vaavaai mo mea na fetalai ai le Faaola.
O nisi tagata e ono tauivi ma mafaufauga o le faafiaatoatoa a o latou faitauina lenei fuaiupu.
-
E mafai faapefea e le saunoaga a Elder Stanfill ona fesoasoani ia i tatou e malamalama atili ai i mea o loo aoao mai e le Faaola i lenei fuaiupu?
-
E mafai faapefea e lenei mea ona fesoasoani ia i tatou e liliu atu ai i le Alii pe a tatou tauivi ma mafaufauga faafiaatoatoa?
Avea atili e pei o le Faaola
Ina ia fesoasoani i tagata aoga ia malamalama atili i le mataupu faavae, mafaufau e tufa atu le pepa e tufa atu “Ia Faaatoatoaina ia Iesu Keriso.”
E mafai e tagata aoga ona suesue i mau faasino ma faamatalaga i ni vaega toalaiti, ma tagata taitoatasi o loo aveina se faamatalaga se tasi pe lua ma mau faasino. Pe e mafai foi ona e tuuina atu i vaega taitasi se faamatalaga se tasi ma se mau faasino e suesue ai.
Ia Faaatoatoaina ia Iesu Keriso
Faitau ia mau faasino o mau nei. Vaavaai mo fasifuaitau e faateleina ai lou mautinoa e mafai e le Faaola ona fesoasoani ia i tatou e faatoilalo o tatou le atoatoa ma avea atili ai e faapei o Ia. E mafai ona e faia se lisi o mea e te maua i lau api faamaumau mo suesuega po o tua o le pepa e tufa atu.
Faiitau faamatalaga nei. Vaavaai mo mea e mafai ona tatou faia e faatoilalo ai mafaufauga faafiaatoatoa ma taulai atu i le lelei atu e ala ia Iesu Keriso. E mafai ona e faailoga fuaitau e tulaga ese ia te oe.
Na aoao mai e Elder Dieter F. Uchtdorf o le Korama a Aposetolo e Toasefululua mea e fai e le Alii ma e le o faamoemoe mai ia i tatou:
E le manaomia e le Atua ni tagata e le pona. Na te sailia i latou o e o le a ofoina atu o latou “loto ma se mafaufau malie” [Mataupu Faavae ma Feagaiga 64:34], ma o le a Ia faia i latou ia “atoatoa ia Keriso” [Moronae 10:32–33]. (Dieter F. Uchtdorf, “Five Messages That All of God’s Children Need to Hear” [Brigham Young University Education Week devotional, Aok. 17, 2021], 3, speeches.byu.edu)
Sa faamalamalama mai e Peresitene Russell M. Nelson mea e mafai ona tatou faia pe a tatou vaai i o tatou le atoatoa:
Sei o tatou faia le mea sili tatou te mafai ma taumafai e faaleleia atili i aso taitasi. Pe a alia’e o tatou faaletonu, e mafai ona tatou taumafai pea e faasa’oina. E mafai ona faateleina lo tatou loto faamagalo i o tatou lava faaletonu ma ia i latou tatou te alolofa i ai. (Russell M. Nelson, “O loo Faatali le Faaatoatoaina,” Ensign, Nov. 1995, 88)
A uma ona suesue tagata aoga, valaaulia i latou e faasoa mai i a latou vaega mea sa latou aoaoina. Fesoasoani ia i latou e talanoaina pe faapefea ona talafeagai nei tusitusiga paia ma faamatalaga ia i latou.
Talanoaina po o a fasifuaitau na e maua i nei tusitusiga paia po o faamatalaga e faapea:
-
Na fesoasoani ia te oe i le taimi ua tuanai ma lagona o le le fuaina atu i faamoemoega.
-
E i ai au fesili e uiga i ai.
-
E te manao e faatatau i lou olaga.
Suia o le faafiaatoatoa i le faaatoatoaina ia Iesu Keriso
O le tomai lenei e mafai ona fesoasoani ia i tatou e faasa’o ai mafaufauga faafiaatoatoa ma taulai atu i le taumafai ia lelei atili e ala ia Iesu Keriso.
Faamatala: Ia mautinoa ua manino le tomai lenei mo tagata aoga. Mafaufau e tusi fesili i le laupapa.
Pe a e iloaina se mafaufauga faafiaatoatoa, fesili ifo ia te oe i fesili nei:
-
Mata e faapefea ona finagalo le Faaola ou te vaai ia te au lava ia ma le agaalofa ma le onosai?
-
Nai lo le taumafai e faia mea uma e au lava ia, e mafai faapefea ona ou faailoa atu ma faalagolago i le Faaola ma Lona mana e fesoasoani ai ia te au?
Faataitaiga: Filifili se tasi o mafaufauga faafiaatoatoa mai le amataga o le lesona, e pei o le “Ou te le lelei i lenei mea e pei o le teine lalle. Ou te le iloa pe aisea na ou taumafai ai.” Mafaufau i lenei manatu, fai i le vasega le fesili muamua (“Mata e faapefea ona finagalo le Faaola ou te vaai ia te au lava ia ma le agaalofa ma le onosai?”). Ina ia faalogo i nisi o tali talafeagai, matamata le vaega o totoe o le vitio “Self-Compassion” (2:58) mai le faailo taimio 0:54 i le 2:58.
Self-Compassion
The antidote for the poison of self-criticism is self-compassion, and self-kindness is the key. Become your own best friend by changing how you talk to yourself and learning to embrace your flaws.
Atonu e faasoa mai e tagata aoga nisi o mea nei: E le popole le Alii i le ala o loo tatou i ai pe a faatusatusa atu i isi. E mafai ona tatou onosai ia i tatou lava pe afai tatou te le o alualu i luma i le vave e pei o isi ma iloa o isi e i ai a latou lava tauiviga. E mafai ona tatou iloa o le tele o le alualu i luma e faifai malie. E mafai ona tatou sailia uunaiga a le Agaga e liliu atu i le Alii ma iloa o le a tatou alualu i luma i le taimi a le Alii.
Fai atu le fesili lona lua o loo i luga (“Nai lo le taumafai e faia e au lava ia mea uma, e mafai faapefea ona ou faailoa atu ma faalagolago i le Faaola ma Lona mana e fesoasoani mai ai ia te au?”). Atonu e faasoa mai tagata aoga a o tatou salamo ma liliu atu i le Faaola, ua ia te Ia le mana e faamama ai i tatou mai agasala ma fesoasoani ia i tatou ia faaleleia ma avea e faapei o Ia. Ua Ia valaaulia i tatou e taulai atu ia te Ia, ae le o isi, mo se fesoasoani. E mafai ona tatou taumafai e mulimuli i le faataitaiga a le Faaola ma tatalo o le a faamanuiaina e le Tama Faalelagi a tatou taumafaiga. Tatou te vaavaai ma le agaga tatalo mo faamaoniga o Lana fesoasoani ma auala o loo tatou alualu ai i luma.
Faataitai: Valaaulia tagata aoga e fai paga i le gaoioiga lenei, ma ia mautinoa e maua e tagata aoga taitasi se avanoa e faataitai ai.
Filifili se tasi o faataitaiga o mafaufauga faafiaatoatoa i le amataga o le lesona. Faatasi ai ma lenei manatu i le mafaufau, tali fesili o loo i luga.
A lava le taimi, valaaulia ni nai paga e faasoa mai ni mea na latou aoaoina mai faataitaiga. Atonu e matauina e nisi o le valaauliaina o le Faaola i o latou mafaufauga e fesoasoani latou te lagona ai Lona alofa ma le onosai.
Faamalosi i tagata aoga e mafaufau loloto pe faapefea ona latou faaaoga nei tomai i o latou olaga. Valaaulia i latou e faatino uunaiga atonu na latou mauaina a o latou sailia le fesoasoani a le Faaola.
E mafai ona e faaiuina le vasega e ala i le molimau atu e uiga i faamanuiaga e o’o mai ia tatou taumafaiga faaauau ia avea e pei o Iesu Keriso.