Pagpangandam alang sa Umaabot nga Edukasyon ug Pagpanarbaho

Pagpangandam alang sa Umaabot nga Edukasyon ug Pagpanarbaho

Kinatibuk-ang Pagpasabot

Gisugo kita sa Ginoo nga tinguhaon ang edukasyon ug pagpanarbaho. Makatabang kini nato nga mas mahisama Kaniya ug mag-andam kanato para sa umaabot nga mga oportunidad. Pinaagi sa Sistema sa Edukasyon sa Simbahan [Church Educational System], naghatag ang Ginoo og mga opsiyon nga makatabang natong unahon ang espirituwal nga pagkat-on samtang atong ipadayon ang edukasyon. Uban sa Iyang tabang, makapangandam ug makaplano kita para sa edukasyon ug pagpanarbaho.

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Ang Kaimportante sa Edukasyon

Sugyot sa gipaspason: Ikonsiderar ang pagtudlo niini nga leksiyon diha sa sinugdanan sa tuig sa pag-eskwela. Ang paghimo isa ingon makatabang sa mga estudyante nga makita ang kaimportante sa pagseryoso sa ilang pag-eskwela. Kon ang Doktrina ug mga Pakigsaad 88 gitudlo diha sa sinugdanan sa tuig sa pag-eskwela, pwede nimong ikonsiderar ang pagtudlo niini nga leksiyon atol niana nga semana.

Katuyoan sa leksiyon: Aron tabangan ang mga estudyante nga masabtan ang kaimportante sa edukasyon.

• Pagpangandam sa estudyante: Dapita ang mga estudyante nga makighisgot uban sa usa ka hamtong o lider bahin sa kaimportante sa edukasyon. Pwede nilang hisgotan ang mga oportunidad sa pag-eskwela nga nahimong labing importante ngadto kanila ug kon ngano.

• Handout: “Ang Kaimportante sa Edukasyon”

Edukasyon alang sa Tibuok Kalag

Sugyot sa gipaspason: Kon aduna kay mga estudyante nga naa na sa kataposang tuig sa high school o secondary school, mas maayo ang pagtudlo niini nga leksiyon sa dili pa sila magsugod og apply sa mga kolehiyo o mga opsiyon human sa sekondarya. Pananglitan, ang tagal sa prayoridad sa pag-apply para sa fall semester sa BYU sa sinugdanan sa Nobiyembre. Para sa BYU–Idaho ug BYU–Hawaii, ang tagal sa prayoridad para sa fall semestersa sinugdanan sa Pebrero.

Katuyoan sa leksiyon: Aron tabangan ang mga estudyante nga maghimog plano para sa pagpadayon sa relihiyosong edukasyon samtang ilang gikuha ang sekyular nga edukasyon.

• Pagpangandam sa estudyante: Dapita ang mga estudyante nga isulat ang kasamtangang mga plano nila sa pag-eskwela ug ang ilang mga tumong. Dapita sila sa paghunahuna kon unsaon nila paglakip ang Ginoo samtang gipadayon kini nga mga opsiyon.

• Bidyo: “The Growth and Momentum of the Church Educational System” (5:25)

• Mga handout: “Hain nga CES Institution ang Angay para Nako?” ug “Sistema sa Edukasyon sa Simbahan”

Pagdiskobre sa Imong mga Kalig-on ug mga Abilidad

Sugyot sa gipaspason: Kini nga leksiyon kinahanglang itudlo sa dili pa ang leksiyon nga nag-ulohan og “Pag-ugmad og mga Kahanas ug mga Abilidad.” Kon kinahanglan nimong iponon ang mga leksiyon tungod sa imong eskedyul sa pagtudlo, epektibo tingali kon usahon pagtudlo kining duha ka leksiyon.

Katuyoan sa leksiyon: Aron tabangan ang mga estudyante sa pagpangandam sa umaabot nga mga tahas ug pagpanarbaho pinaagi sa pag-ila sa kasamtangang mga kalig-on ug mga abilidad nga kinahanglan nilang ugmaron.

• Pagpangandam sa estudyante: Ikonsiderar ang pagdapit sa mga estudyante sa pag-ila sa mga kalig-on ug mga abilidad nga anaa nila nga pwedeng moandam nila para sa umaabot nga mga tahas ug mga karera. Mahimo nila ni pinaagi sa pagbasa sa ilang patriyarkal nga panalangin o pagpakigtambag uban ang mga sakop sa pamilya.

• Handout: “Pagsusi sa Kaugalingong mga Kahanas ug mga Abilidad”

Pag-ugmad og mga Kahanas ug mga Abilidad

Sugyot sa gipaspason: Kini nga leksiyon kinahanglang itudlo human sa leksiyon nga nag-ulohan og “Pagdiskobre sa Imong mga Kalig-on ug mga Abilidad.” Kon kinahanglan nimong iponon ang mga leksiyon tungod sa imong eskedyul sa pagtudlo, epektibo tingali kon usahon pagtudlo kining duha ka leksiyon.

Katuyoan sa leksiyon: Aron tabangan ang mga estudyante nga magplano sa pag-ugmad og mga kahanas ug mga abilidad nga moandam nila para sa umaabot nga pagpanarbaho ug uban pang tahas.

Pagpangandam sa estudyante: Dapita ang mga estudyante sa paghunahuna bahin sa mga kahanas ug mga abilidad nga kinahanglan tingali nilang ugmaron para sa umaabot nga pagpanarbaho o mga tahas. Pwede silang magbase sa ilang mga nadiskobrehan sa leksiyon nga nag-ulohan og “Pagdiskobre sa Imong mga Kalig-on ug mga Abilidad.” Dapita sila sa paghunahuna og mga paagi aron ilang maugmad kini nga mga kahanas o mga abilidad samtang tin-edyer pa.

• Mga imahe: Duha ka tin-edyer; ug usa ka graph nga naay mga linya nga nagpaingon sa lainlaing direksyon

• Mga bidyo: “Becoming More in Christ: The Parable of the Slope” (10:01; tan-awa gikan sa time code 2:05 hangtod 3:18); “Faith and the Goal” (4:40); Small and Simple” (3:31)

• Handout: “Pag-ugmad og mga Kahanas ug mga Abilidad”