207-р хичээл: Ариун сүмийн бэлтгэл

Гэр бүлийн түүх ба ариун сүмийн үйлчлэл

Бид нас барсан өвөг дээдсийнхээ төлөө ёслолуудыг Их Эзэний өргөөнд гүйцэтгэх боломжтой

Тэнгэрлэг Эцэгийн нигүүлсэнгүй төлөвлөгөөнд Есүс Христийн сайн мэдээний авралын ёслолуудыг хүлээн авалгүй нас барсан хүмүүс үүрд алдагдахгүй. Бид нас барсан өвөг дээдэстээ гэр бүлийн түүх болон ариун сүмийн үйлчлэлээр дамжуулан хэрэгтэй тусламжийг нь үзүүлж чадна. Энэ хичээл нь нас барсан өвөг дээдсийнхээ нэрсийг олж, Их Эзэний ариун сүмүүдэд тэдний төлөө ёслолуудыг гүйцэтгэхэд суралцагчдад тусална.

Боломжит суралцах үйл ажиллагаа

Гэр бүлийн түүх, ариун сүмийн үйлчлэлээс ирэх адислал

Гэр бүлийн түүх болон ариун сүмийн ажлаар дамжуулан хүлээн авах боломжтой адислалуудын талаар тунгаан бодоход нь суралцагчдад тусал. Хэрэв суралцагчид энэ тал дээр хувьдаа туршлагатай бол та тэднийг өөрсдийн хүлээн авсан адислалуудаа хуваалцахад урьж болно.

Хэрэв шаардлагатай бол ChurchofJesusChrist.org дээрх “Improve Your Temple Experience; Change Your Life” (3:21) видеог цагийн код 1:42-оос 3:21 хүртэл үзүүлж болно.

Improve Your Temple Experience; Change Your Life

Elder Scott speaks of youth doing family history and how the youth in Kansas City embraced and succeeded in the work.

Өөр нэг сонголт бол дараах гэрчлэлийг хуваалцах явдал юм.

Францад амьдардаг 17 настай Пиэр-Албан ариун сүмд очсон туршлагынхаа талаар гэрчлэлээ хуваалцсан юм.

Швейцарын Бэрн ариун сүм рүү анх удаа очихдоо би гэр бүл, найз нөхөдтэйгөө хамт явсан юм. Энэ явдал надад агуу баяр баясгаланг авчирсан. Бид бүгдээрээ Сүнсийг мэдэрсэн. Миний хийж байгаа зүйл сайн гэдгийг, Бурхан бидний ажлаар бахархдагийг би мэдэж байлаа. Ариун сүм бидэнд олон адислал авчирдгийг би мэднэ. Өвөг дээдсийнхээ төлөө цаг гарган ариун сүмийн ажлыг нь хийвэл Тэнгэрлэг Эцэг биднийг адисалдаг. Түүний өргөөнд хүүхдүүдийнх нь төлөө бидний хийсэн зүйлд Тэр баярлах болно. (Pierre-Alban C., For the Strength of Youth, Apr. 2022, inside front cover)

• Гэр бүлийн түүх болон ариун сүмийн үйлчлэлээр дамжуулан хүлээн авах боломжтой ямар адислалуудыг та нар мэдэх вэ?

• Та нар ариун сүм, гэр бүлийн түүхийн ажилд оролцохыг хүсдэг боловч хаанаас эхлэхээ мэдэхгүй байгаа хэн нэгэнд хэрхэн тусалж эхэлж болох вэ?

Нас барсан хүмүүст зориулан ёслолуудыг гүйцэтгэх

Нас барагсдын төлөөх баптисмын тухай энэ эрин үед анх заалгасан хүмүүсийн Сүмийн түүхэд гардаг зарим туршлагаас хуваалц. Та Гэгээнтнүүд, 1-р боть, Үнэний жишиг номоос авсан дараах хэсгүүдийг уншаад, юу сурснаа хамтрагчтайгаа ярилцахад суралцагчдыг урьж болно.

1840 оны 10-р сарын Ерөнхий чуулганд оролцохоор гэгээнтнүүд Наувуд цугларчээ. Иосеф нас барагсдын төлөөх баптисмын талаар тэдэнд илүү дэлгэрэнгүй зааж, нас барагсдын сүнснүүд амьд төрөл төрөгсөд нь өөрсдийнх нь өмнөөс авралын ёслолыг нь хүлээн авахыг хүлээж байгааг тайлбарлав.

Чуулганы хуралдаануудын дундуур гэгээнтнүүд Миссиссиппи мөрөн рүү яаран очиж, хэдэн ахлагч усанд бэлхүүс хүртлээ орж зогсон, нас барсан өвөө, эмээ, аав, ээж, ах, эгч, хүүхдүүдийнхээ төлөө баптисм хүртэхэд уриалжээ. Удалгүй Хайрум ах Алвиныхаа өмнөөс баптисм хүртэв.

Вилэйт Кимбалл гол руу орсон ахлагчдыг хараад, 10 гаруй жилийн өмнө нас барсан ээжийнхээ өмнөөс баптисм хүртэхийг маш ихээр хүсэв. Хибэрийг уг ёслолыг гүйцэтгэхээр Англиас буцаж ирсэн байсан ч болоосой гэж бодож байсан ч Иосеф гэгээнтнүүдийг нас барагсдыг аль болох хурдан гэтэлгэхийг уриалсан учраас тэр даруй ээжийнхээ өмнөөс баптисм хүртэхээр шийдсэн аж.

Эмма Смит ч бас гэр бүлийнхээ талаар бодож байлаа. Түүний эцэг Исаак Хэйл 1839 оны нэгдүгээр сард өөд болжээ. …

… Эмма аавдаа хайртай байсан бөгөөд голын усанд түүний өмнөөс баптисм хүртэв. Түүний аав энэ амьдралдаа сэргээгдсэн сайн мэдээг хүлээж аваагүй ч үүрд тэр хэвээр үлдэхгүй гэж найдаж байлаа. (Гэгээнтнүүд, 1:423–24)

• Эдгээр үйл явдлын юу нь та нарт онцгой санагдсан бэ?

Дээр дурдсан бусад зүйлээс гадна та тэдгээр баптисмыг ариун сүмд биш харин Миссиссиппи мөрөнд гүйцэтгэсэн гэдгийг онцолж болох юм. Тухайн үед Наувуд ариун сүм болон баптисмын усан сан байсангүй. Суралцагчид Эмма Смитийг аавынхаа төлөө баптисм хүртсэн гэдгийг мөн анзаарч болох юм. Их Эзэн эмэгтэй хүн эмэгтэй хүний төлөө, эрэгтэй хүн эрэгтэй хүний төлөө ёслолуудыг гүйцэтгэх загварыг хожим нь илчилсэн гэдгийг тайлбарлаж болно (Гэгээнтнүүд, 1:578–579-ийг үзнэ үү).

Сургаал ба Гэрээнүүд 124:29–36-г уншаад, Наувуд гэгээнтнүүдийн нас барагсдын төлөө гүйцэтгэж байсан баптисмын талаар Их Эзэн Иосеф Смитэд юу илчилснийг олж мэд.

• Их Эзэн юу илчилсэн бэ?

• Эдгээр шүлэг Түүний тухай бидэнд юу зааж байна вэ?

  Суралцагчид Их Эзэн ариун сүмд ач холбогдол өгдгийг онцолсон Түүний тухай өөр өөр үнэнийг тодорхойлж болох юм. Их Эзэн Өөрийн ариун сүмд бидний нас барсан өвөг дээдсийнхээ төлөө гүйцэтгэдэг ёслолуудыг хүлээн авдаг гэдэг нь үүний нэг жишээ юм.

  Суралцагчид мөн Их Эзэний зан чанарын тухай үнэнүүдийг дурдаж магад. Есүс Христ ариун сүм барихад гэгээнтнүүдэд “хангалттай цаг” (31, 33-р шүлэг) амласан учраас Түүнийг тэвчээртэй, шударга гэдгийг тэд тодорхойлж болно. Энэ хичээлийн үлдсэн хэсэг нь, онцгойлон өвөг дээдсийнхээ төлөө ариун сүмд ёслолуудыг гүйцэтгэх дээр төвлөрөх ч суралцагчид хүсвэл Есүс Христийн зан чанаруудын талаар ярилцах цаг гарган өгч болно.

• Их Эзэний “та нарын нас барагсдын төлөөх баптисмууд” гэсэн үгсээс бид юу мэдэж авч болох вэ? (Сургаал ба Гэрээнүүд 124:32–33; 127:5-ыг үзнэ үү).

Арван хоёр төлөөлөгчийн чуулгын ахлагч Квинтин Л.Күк бидний өвөг дээдсийн талаар ийн хэлсэн.

Их Эзэн эхэн үеийн илчлэлээр өгсөн заавартаа “өөрсдийн нас барагсдын төлөөх баптисм[ын]” тухай дурдсан байдаг [Сургаал ба Гэрээнүүд 127:5; тодотгол нэмэгдсэн]. Бид сургаалын үүрэг хариуцлагаа өвөг дээдсийнхээ өмнө хүлээнэ. Учир нь тэнгэр дэх селестиел байгууллага нь гэр бүл дээр үндэслэгдсэн байдаг. (Ахлагч Квинтин Л.Күк, “Үндэс ба мөчрүүд,” 2014 оны 4-р сарын Ерөнхий чуулган, 64)

• Өвөг дээдсийнхээ тухай мэдэх нь та нарт хэрхэн нөлөөлсөн бэ? Эсвэл хэрхэн нөлөөлж болох вэ?

• Нас барсан өвөг дээдсийнхээ төлөө ариун сүмийн ёслолуудыг гүйцэтгэх нь Тэнгэрлэг Эцэгтэй харилцах харилцаанд тань хэрхэн нөлөөлнө гэж та нар бодож байна вэ?

Их Эзэний авралын ажилд та нарын гүйцэтгэж чадах зүйл

Дараах мэдэгдэл тэдэнд хэр нийцэж байгааг эргэцүүлэн бодож, гэр бүлийн түүх, ариун сүмийн ажлын талаарх туршлагаа эргэцүүлэн бодоход суралцагчдыг урьж болно.

1-ээс 5 хүртэлх (1 = хэзээ ч үгүй, 5 = үргэлж) оноогоор эдгээр мэдэгдэл та нарыг хэр сайн дүрсэлж байгааг тодорхойл.

Би өвөг дээдсийнхээ нэрсийг хэрхэн олохоо мэднэ.

Би өвөг дээдсийнхээ нэрсийг ариун сүмд хэрхэн оруулахаа мэднэ.

Би өвөг дээдсийнхээ нэрсийг олж, ариун сүмд тэдний төлөө ёслолууд гүйцэтгэхийг хүсдэг.

Би нас барсан төрөл төрөгсдийнхөө төлөө ажил хийх нь чухал гэж боддог.

Ариун сүм, гэр бүлийн түүхийн ажилтай холбоотой ойлголт, туршлагаасаа хуваалцахад суралцагчдыг урамшуулан дэмж. Юу сурч мэдэхийг хүсэж байгааг нь мөн ямар тусламж хэрэгтэй байгааг нь тэднээс асуу. Ариун сүм, гэр бүлийн түүхийн ажлаас ирдэг адислалуудын талаар ярилцаж, бие биеэсээ болон Ариун Сүнснээс суралцахад тэднийг урь.

Шаардлагатай бол дараах видеонуудаас аль нэгийг үзүүл.

“Focus on the Temple” (7:18; цагийн код 3:50-аас 4:36 хүртэл үзнэ үү)

Ариун сүмд анхаарлаа төвлөрүүл

Ерөнхийлөгч Нэлсон ариун сүмүүдийг дахин нээх талаар ярьж мөн шинэ ариун сүмүүдийг барих төлөвлөгөөг зарлав.

“Spiritual Dynamite” (2:40)

Spiritual Dynamite

Family history and temple service combine to create a spiritual power that will enable you to become the person God wants you to be. You can read Elder Renlund's talk from Family Discovery Day here.Read about Alfred Nobel - Man of Peace.

“Бурханы гэр бүлийг цуглуулах нь” (4:18)

Gathering the Family of God

Family History enthusiasts share touching experiences they had while finding their ancestors’ stories.

Таны хийж чадах алхам

Гэр бүлийн түүх, ариун сүмийн ажилд оролцоход нь суралцагчдад туслах дараах алхмуудыг үзүүл. Өмнө нь эдгээр алхмын дагуу үйлдэж байсан суралцагчдыг бусад суралцагчид чадахынхаа хэрээр туслахад урамшуулан дэмж.

• 1-р алхам. Сүмийн аккаунт үүсгэ.

• 2-р алхам. Миний гэр бүл: Биднийг нэгтгэдэг түүхүүд товхимол, FamilySearch эсвэл Family Tree аппликэйшныг судал.

• 3-р алхам. Ёслолууд нь бэлэн гэх үйлдлийг ашигла.

• 4-р алхам. Цаг товлож, ариун сүмд оч.

Ёслолууд нь бэлэн гэх үйлдлийг хэрхэн ашиглахыг харуулахад нэг суралцагчийг урь. Family Tree аппликэйшныг татаж аваад, ашиглаж сурахад суралцагчдыг урамшуулан дэмж. Аппликэйшн дээр тэд ариун сүмийн дүрс зураг болон Ёслолууд нь бэлэн холбоосыг дарж, ёслолуудыг нь гүйцэтгэх боломжтой гэр бүлийнхээ гишүүдийн нэрсийг олж болно. Ариун сүм рүү авч явах нэрийн картаа авах хүсэлтийг хэрхэн гаргах, хэвлэж сурахад нь суралцагчдад тусал. Өвөг дээдсийнхээ зарим нэрийг олсных нь дараа, тэд хоорондоо төрөл садны ямар холбоотойг болон тэдний хувийн мэдээллийг олж авахад суралцагчдыг урамшуулан дэмж. Ариун сүмийн зөвшөөрлийн бичигтэй суралцагчдыг ариун сүмд орох цаг товлоход урь.

Шаардлагатай бол дараах мэдээллүүд нэмэлт удирдамж заавар өгч болох юм.

• “How do I create a Church account using ChurchofJesusChrist.org?”

• “How do you want to get started?”

• “FamilySearch дээр Гэр бүлийн модыг хэрхэн эхлүүлэх вэ: Эхний дөрвөн үеэ нэмэх нь”

• Миний гэр бүл: Биднийг нэгтгэдэг түүхүүд

• “Ёслолууд нь бэлэн”

Суралцагчдыг ариун сүм рүү авч явах нэрсээ олоход нь бие биедээ тусалсны дараа та авсан ойлголт, сургамжаа хуваалцахад тэднийг урьж болно. Аврагчийн тухай мөн өвөг дээдэст маань туслах Түүний хүслийн талаар бодоход тэднийг урамшуулан дэмж. Та доорх асуултуудыг тавьж болно.

• Ариун сүм, гэр бүлийн түүхийн ажилд одоо оролцох нь Бурханы ариун сүмд Түүнтэй гэрээ байгуулж, гэрээгээ сахихад та нарыг хэрхэн бэлтгэн тусалж чадах вэ?

• Гэр бүлийн түүх, ариун сүмийн үйлчлэлийг хийх нь Аврагчийг хайрлах та нарын хайрыг хэрхэн гүнзгийрүүлж болох вэ?

Нэмэлт эх сурвалж

Би яагаад өвөг дээдэстээ хэрэгтэй вэ?

Арван хоёр төлөөлөгчийн чуулгын ахлагч Гэррит В.Гонг ийн заасан.

Бид өвөг дээдэстээ зориулан ариун сүм, гэр бүлийн түүхийн ажлыг хийж мөн үе удмаа холбох гагнаас нь болсноор тэдэнд хүндэтгэл үзүүлж чадна. …

… Дотнын хүмүүсийнхээ төлөө ариун сүмд амин хувиа үл хичээн үйлчилснээр Аврагчийн Цагаатгал бидэнд төдийгүй тэдэнд бодитой болж ирдэг. Ариусгагдсан бид Бурханы оршихуйд мөнхөд нэгдсэн гэр бүл болон эргэн очиж чадна. (Гэррит В.Гонг, “Хүн бүр өөрийн гэсэн түүхтэй,” Лиахона, 2022 оны 5-р сар, 44–45)

Ариун сүм, гэр бүлийн түүхийн ажлаас ямар ямар адислал ирдэг вэ?

Арван хоёр төлөөлөгчийн чуулгын ахлагч Квинтин Л.Күк ийн амласан.

Өвөг дээдсийнхээ өмнөөс ёслолуудыг хайраар гүйцэтгэх нь улам бүр ёс бус болж буй дэлхийд өсвөр үеийнхэн, гэр бүлүүдийг маань хүчирхэгжүүлэн хамгаалах болно гэдгийг би амлаж байна. (Квинтин Л.Күк, “Эцэгийнхээ хүүхдүүдийг гэх бидний агуу хайр,” 2019 оны 4-р сарын Ерөнхий чуулган, 79)

Арван хоёр төлөөлөгчийн чуулгын ахлагч Дэйл Г.Рэнланд ийн заасан.

Бид гэр бүлийн түүх, ариун сүмийн ажлаар дамжуулан нас барагсдыг гэтэлгэхэд тусалж чадна гэдэг нь үнэхээр гайхамшигтай.

Бид өнөөдөр ариун сүм, гэр бүлийн түүхийн ажилд оролцсоноор бошиглогч, төлөөлөгчдийн амласан “эдгээх” адислалуудаас хүртэх эрхтэй болдог. … Энэ урт жагсаалтад дараах адислалуудыг багтаадаг. Үүнд:

• Аврагч болон Түүний цагаатгагч золиослолын талаарх өсөн нэмэгдсэн ойлголт;

• Амьдралдаа хүч чадал, чиг баримжааг мэдрэхэд нөлөөлөх Ариун Сүнсний өсөн нэмэгдсэн нөлөө;

• Аврагчид хөрвөгдөх хөрвөлтийг гүнзгийрүүлж, бат бөх болгох өсөн нэмэгдсэн итгэл;

• Бид хэн болох, хаанаас ирсэн тухай ойлголт болон хаашаа явж байгаа талаарх илүү тодорхой алсын харааны улмаас суралцах болон наманчлах өсөн нэмэгдсэн чадвар, урам зориг;

• Зүрх сэтгэлд маань өсөн нэмэгдсэн цэвэршүүлэх, ариусгах, зөөлрүүлэх нөлөө;

• Их Эзэний хайрыг мэдрэх өсөн нэмэгдсэн чадвараар дамжуулан өсөн нэмэгдсэн баяр баясгалан;

• Бидний одоогийн болон өнгөрсөн үеийн мөн ирээдүйн гэр бүлийн нөхцөл байдал эсвэл гэр бүлийн мод маань хэр төгс бус байхаас үл хамааран өсөн нэмэгдсэн гэр бүлийн адислалууд;

• Өвөг дээдэс болон амьд байгаа хамаатан саднуудаа хайрлах өсөн нэмэгдсэн хайр, талархал, үүнээс уламжлаад бид ахиад хэзээ ч ганцаардахгүй байх;

• Эдгээх хэрэгцээ шаардлагыг ялган таних, мөн Их Эзэний тусламжтайгаар бусдад үйлчлэх өсөн нэмэгдсэн хүч чадал;

• Уруу таталт болон хурдацтай өсөж байгаа дайсны нөлөөнөөс хамгаалах өсөн нэмэгдсэн хамгаалалт;

• Зовсон, цөхөрсөн, түгшсэн зүрх сэтгэлийг засаж, шархадсаныг анагаах өсөн нэмэгдсэн тусламж дэмжлэг зэрэг нь багтдаг.

Хэрэв та эдгээр адислалын аль нэгний төлөө залбирч байсан бол гэр бүлийн түүхийн болон ариун сүмийн ажилд оролцоорой. Ингэснээр залбирал тань хариулагдах болно. (Дэйл Г.Рэнланд, “Гэр бүлийн түүх, ариун сүмийн ажил: Лацдан холболт ба эдгээлт,” 2018 оны 4-р сарын Ерөнхий чуулган, 59)

Хэрэв би ариун сүмээс хол амьдардаг бол юу хийж болох вэ?

Арван хоёр төлөөлөгчийн чуулгын ахлагч Гари Э.Стивэнсон ийн хэлсэн.

Ариун сүм танд улам бүр ойртсоор байна. Харин ариун сүмээс хол амьдардаг, нөхцөл байдлын улмаас ариун сүмд үргэлж орох боломжгүй хүмүүст хандан хэлэхэд, өөрсдийгөө үргэлж ариун сүмд орохуйц зохистой байлгах хэрэгтэй. Үүнээс гадна гэр бүлийнхээ нэрсийг судлан, тэдгээрийг ариун сүм рүү илгээхээр хийж буй чухал ажил тань санваарын эдгээр түлхүүр үнэхээр ажиллаж байгаагийн нотолгоо билээ. (Гари Э.Стивэнсон, “Санваарын түлхүүр ба эрх мэдэл хаана байна вэ?,” 2016 оны 4-р сарын Ерөнхий чуулган, 14)

Өвөг дээдсээ хэрхэн олохоо мэдэхгүй бол яах вэ?

Далын ахлагч Бэнжамин Дэ Хоёос ийн хэлсэн.

Энэ ажлыг хийж чадахгүй гэж бодож байгаа хүмүүст хандан хэлэхэд, та нар ганцаараа биш гэдгээ мэдэх хэрэгтэй. Бид бүгд өмнө нь Гэр бүлийн түүхийн төв гэж нэрлэдэг байсан FamilySearch төвүүд дэх Сүмийн хэрэгслүүдийг ашиглах боломжтой. Эдгээр FamilySearch төв нь бараг хүн бүр багахан тусламж авсныхаа дараа өвөг дээдсийнхээ мэдээллийг олж, зохих ёсоор эмхлэн цэгцэлж, Их Эзэний өргөө рүү авч явахад бэлэн болгосон байхаар зохион байгуулагдсан юм. Алхам бүрийг тань чиглүүлэх тойрог, салбарынхаа гэр бүлийн түүхийн зөвлөхүүдтэй холбоо бариарай. (Бэнжамин Дэ Хоёос, “Ариун сүм, гэр бүлийн түүхийн ажил нь нэг зоосны хоёр тал юм,” Лиахона, 2023 оны 5-р сар, 53–54)

Нэмэлт суралцах үйл ажиллагаа

Өвөг дээдэстэйгээ холбогдох

Өвөг дээдсийнхээ талаар мэдэх зүйлээ хуваалцахад хэдэн суралцагчийг урь. Тэдгээр гэр бүлийнхээ гишүүнтэй холбоотой гэдгээ мэдрэхэд тусалдаг зүйлсээсээ хуваалцахад суралцагчдыг урамшуулан дэмж. Та ёслолын карт үзүүлээд, эдгээр карт нь ариун сүмд өвөг дээдсийнхээ төлөө ёслолуудыг гүйцэтгэхэд бидэнд хэрхэн тусалдаг талаар хуваалцахыг суралцагчдаас хүсэж болно. Шаардлагатай бол ариун сүмийн ёслолын картууд нь өвөг дээдсийнхээ төлөө ёслолуудыг гүйцэтгэх ажлаа хянахад тусалдаг гэдгийг тайлбарла.

“Preparing Your Child for Temple Baptisms and Confirmations” нийтлэл нь өвөг дээдсийнхээ нэрсийг олж ариун сүм рүү илгээхэд бэлтгэхэд нь суралцагчдад тань тусалж болно.

“Glad Tidings: The History of Baptisms for the Dead”

Энэ эрин үеийн нас барагсдын төлөөх баптисмын түүхээс суралцах нь суралцагчдад тустай байж болох юм. Дараах видеог ашиглан, үе үе түр зогсон суралцагчдад асуулт тавих эсвэл бодол санаагаа хуваалцах боломж олго.

“Glad Tidings: The History of Baptisms for the Dead” (6:55)

Glad Tidings: The History of Baptisms for the Dead

Joseph Smith's struggle with his brother Alvin's death led eventually to the introduction of baptisms for the dead. This new ordinance was embraced by saints in Nauvoo who did the first genealogical and family history research in Church history.

Гэр бүлээ цуглуулснаар ирэх амлагдсан адислал

Хэрэв суралцагчид нас барсан өвөг дээдсийнхээ төлөө ариун сүмд ёслолуудыг гүйцэтгэснээр ирэх адислалуудад төвлөрмөөр байвал та дараах видеонуудын нэгийг үзүүлж болно. Их Эзэний амласан адислалуудыг тэмдэглэж, нэг эсвэл хоёр адислалыг сонсон эрэлхийлэхэд суралцагчдыг урамшуул.

• “Бурханы гэр бүлийг цуглуулах нь” (2:10)

  Gathering the Family of God

  President Henry B. Eyring describes how we can grow closer to our ancestors through family history and temple work.

• “The Promised Blessings of Temple and Family History Work” (3:26)

  The Promised Blessings of Family History

  Modern apostles, including David A. Bednar, Quentin L. Cook, Neil L. Andersen and Dale G. Renlund have promised many powerful blessings to those who participate in Family History and Temple Service.

• “The Promised Blessings of Temple and Family History Work 2” (4:04)

  The Promised Blessings of Temple and Family History Work 2

  Temple and family history work can provide you with purpose and strength as you selflessly engage in it. It can also help you understand that you are precious in the eyes of God.

Нас барсан олон хүн гэр бүлтэйгээ лацдан холбуулахыг хүсдэг

Олон өвөг дээдэс ариун сүмийн ёслолуудыг нь гүйцэтгээсэй хэмээн хүсдэгийг ойлгоход нь суралцагчдад тусал. Та Сүмийн удирдагчдын Ерөнхий чуулган дээр ярьсан түүхүүдийг хуваалцаж болно.

Ерөнхийлөгч Рассэлл М.Нэлсон дараахыг 2016 оны 4-р сард ийн хуваалцсан.

Би өнгөрсөн чуулганы захиасдаа олон жилийн өмнө зүрхний мэс засалч байхдаа хоёр бяцхан эгч дүүгийн амийг аварч чадаагүй тухай эмгэнэлт туршлагаа хуваалцсан. …

Рут болон Жимми Хатфилд нарын гурван хүүхэд төрөлхийн зүрхний өвчтэй байсан. Тэдний ууган хүү Бага Жимми тодорхой оношгүйгээр нас барсан байв. Эцэг эх нь Лорал Анн болон түүний дүү Гэй Линн хэмээх хоёр охиндоо тусламж эрэлхийлж байх үед нь би таарсан юм. Хоёр охин нь хоёул хагалгааныхаа дараа нас барахад би ихэд гашуудаж билээ. Рут, Жимми хоёр сүнслэг байдлын хувьд унасан нь ойлгомжтой. …

Гэтэл өнгөрсөн 5-р сард, тэр хоёр бяцхан охин хөшигний нөгөө талаас зүүдэнд минь ирэв. Хэдийгээр би тэднийг биеэрээ харж сонсоогүй ч тэдний тэнд байгааг мэдэрсэн юм. Тэдний гуйлтыг би сүнслэг байдлаар сонсов. Тэдний захиас товчхон бөгөөд тодорхой байлаа: “Нэлсон ах аа, бид хэнтэй ч лацдан холбогдоогүй! Та бидэнд тусалж чадах уу?” …

Зургаадугаар сард би өдгөө 88 настай Жиммигийн өмнө сөгдөн, чин сэтгэлээсээ ярилцлаа. Би түүнд охидынх нь гуйлтын талаар дурдаж, гэр бүлийнх нь лацдан холбох ёслолыг гүйцэтгэхдээ баяртай байна гэдгээ хэлэв. …

… Саяхан надад Ютагийн Пэйсон ариун сүмд Рутыг Жиммитэй мөн дөрвөн хүүхэдтэй нь лацдан холбох эрхэм үүрэг оногдсон юм. Энэ эрхэм дээд үйл явдалд оролцож байхдаа Вэнди бид хоёр нулимс дуслуулж байсан билээ. Тэр өдөр олон шархалсан зүрх эдгэсэн. (Рассэлл М.Нэлсон, “Санваарын хүчний үнэ цэн,” 2016 оны 4-р сарын Ерөнхий чуулган, 55)

Ахлагч Гари Э.Стивэнсон 2016 оны 4-р сард дараах туршлагыг хуваалцсан.

Санваарын түлхүүр ба эрх мэдэл хаана байна вэ?

Elder Stevenson teaches about how priesthood keys and authority were restored and how they can bless young men and young women.

Саяхан би бусдын төлөө баптисм хүртэхээр хүүхдүүдээ ариун сүмд байнга дагуулан авчирдаг нэгэн ээжийн талаар олж мэдсэн юм. Тэр өдөр уг гэр бүлийг баптисм хүртэж дуусаад, ариун сүмээс гарч байхад нь нэгэн эрэгтэй баптисмын санд гэр бүлийнхээ олон хүний нэрийг барьсаар орж ирэв. Түүнийг баптисмын санд гэр бүлийнх нь нэрээр ёслол гүйцэтгэхэд туслах хүн алга даа гэж бодож байх зуур ариун сүмийн ажилтан гарч явсан гэр бүлийг зогсоон, хүүхдүүдээс нь буцаж орж хувцсаа солиод тэдгээр баптисмыг гүйцэтгэхэд туслахыг хүслээ. Тэд ч шууд зөвшөөрөн, буцаж орсон байна. Тун удалгүй хүүхдүүдийг баптисм хүртэж байхад ээж нь танил нэрсийг сонсоод, тэр эрэгтэйн барьж байсан нэрс мөн адил өөрийнх нь өвөг дээдсийн нэрс болохыг ойлгожээ. Ямар гайхамшигтай тохиолдол вэ! (Гари Э.Стивэнсон, “Санваарын түлхүүр ба эрх мэдэл хаана байна вэ?,” 2016 оны 4-р сарын Ерөнхий чуулган, 13)