Хавсралт

Суралцахуйгаа үнэлэх нь, 2-р хэсэг

Сургаал ба Гэрээнүүд 76; 84; 93; 110; 121–123

Сайжирч, сүнслэг байдлын хувьд өсөж хөгжиж байгаагаа олж харахад цаг гаргах нь биднийг Тэнгэрлэг Эцэг, Есүс Христ хоёртой харилцах харилцаагаа бэхжүүлж, гэрээний зам дээрээ үлдэхэд урамшуулдаг. Энэ хичээл нь Сургаал ба Гэрээнүүд 76; 84; 93; 110; 121–123-ыг судалснаар сүнслэг байдлын хувьд хэрхэн өсөж хөгжсөнөө үнэлж дүгнэхэд тань тусална. Зарим хариултаа бусад суралцагчтай эсвэл гэр бүлийн гишүүдтэйгээ хуваалцах боломжийг эрэлхийл.

Жич: Энэхүү даалгаврыг хийхийн өмнө, хэрэв та уншсан байх ёстой Сургаал ба Гэрээнүүд 76; 84; 93; 110; 121–123 зэргийг уншиж дуусгаагүй байвал уншиж дууссан байхад анхаар.

Сайжирч, өсөж хөгжиж байгаадаа талархах

Ер бусын урт, хүнд хэцүү байдалд гүйж, явган аялж, дугуй унаж байна гэж бод.

• Та нар аяллаасаа таашаал авахын тулд юу хийж болох вэ?

• Бид ийм аяллыг Есүс Христтэй илүү адилхан болох үйл явцтай хэрхэн харьцуулж болох вэ?

• Сүнслэг байдлын хувьд өсөж хөгжих үйл явцдаа илүү баяр баясгалантай байх, талархах ямар арга замууд байдаг вэ?

• Та нар өөрсдийгөө хэр их хөгжиж, Их Эзэнд ойртож байна гэж бодож байна вэ?

• Их Эзэн та нарт хэрхэн тусалж байна вэ?

Алдар суугийн гурван зэрэглэлийг тайлбарлах

Та нарт Оливиа гэдэг дотнын найз байдаг бөгөөд тэр Сүмийн гишүүн биш ч Есүс Христэд бат итгэдэг гэж төсөөл. Нэгэн өдөр тэр тан дээр ирээд, “Танай Сүмийн гишүүд үхлийн дараах амьдралын талаар юу гэж итгэдэг вэ? Надад хүн бүр диваажин эсвэл там руу явна гэж заасан ч Есүс Христийн Хожмын Үеийн Гэгээнтнүүдийн Сүмийн гишүүд олон диваажин байдагт итгэдэг гэж сонссон. Энэ юу гэсэн үг вэ?” гэж асуув.

Алдар суугийн гурван зэрэглэлийн талаарх ойлголт, мэдлэгээ ашиглан Оливиад өгөх хариултаа бичихэд хэдэн минут зарцуул. Хүсвэл Оливиад тайлбараа дүрслэн харуулахын тулд зураг зурж болно. Хэн нэгнийг олж, түүнийг Оливиа гэж бодон, өгөх хариултаа тайлбарлах дадлага хий.

Есүс Христийн үүрэг, нэр цол, зан чанарыг тайлбарлах

Сургаал ба Гэрээнүүдэд орсон Аврагчийн нэг урилга бол “[Түүнийг] мэдэж, [Түүний] үгсийг сонсох” (Сургаал ба Гэрээнүүд 19:23) урилга юм. Дараах үйл ажиллагаануудаас аль нэгийг хийж гүйцэтгэснээр Аврагчийн үүрэг, нэр цол, зан чанарын талаар сурч мэдсэн зүйлээ өөр хүнтэй хуваалцахад бэлтгэ.

• Сургаал ба Гэрээнүүд 76:1–7, 22–24; 93:1–10-аас саяхан судалсан Есүс Христийн үүрэг, нэр цол, зан чанаруудын жагсаалтыг эмхэтгэж бич. Дараа нь тэдгээрээс нэг эсвэл хэд хэдийг сонгож, дараах асуултуудад хариул. (1) Энэ нэр, цол хэргэм эсвэл зан чанар танд Есүс Христийн талаар юу зааж байна вэ? (2) Энэ нэр, цол хэргэм эсвэл зан чанар нь Түүний хэрхэн тусалж болох талаар ойлгоход тань яаж тусалж байна вэ?

• Өөрийн дуртай Есүс Христийн нэг буюу хэд хэдэн үүрэг, цол хэргэм, зан чанарыг харуулсан үзүүлэн бүтээ. Энэ нь үүл эсвэл зураас гэсэн үг байж болно. Бүтээлтийнхээ нэг хэсэг болгон, холбогдох судрын эшлэлүүдийг оруул.

• Есүс Христийн үүрэг, цол хэргэм эсвэл зан чанаруудыг багтаасан өөрийн дуртай шүлэг эсвэл дууны үг бич.

• Та Есүс Христ гэж хэн болох, Тэр бидний төлөө юу хийж чадах талаар заах боломж хэн нэгэнд олдсон гэж төсөөл. Христийн үүрэг, цол хэргэм эсвэл зан чанараас хамгийн багадаа гурвыг багтаасан доод тал нь нэг догол мөрийн урттай тайлбар бич.

Юу хийхээр шийдсэнээ гэр бүлийнхээ гишүүн, найз эсвэл ангийнхаа хэн нэгэнтэй хуваалц.

Их Эзэнийг ариун сүмд шүтэн бишрэхэд бэлтгэ

Та Сургаал ба Гэрээнүүд 110:5–10-аас зохистой байх нь хэрхэн бидэнд Түүний ариун сүмд Их Эзэнтэй ойр байгаагаа мэдрэхэд тусалж болохыг анзаарсан байх.

Дараах асуултуудын аль нэгд эсвэл хэд хэдэд судлах тэмдэглэлдээ хариулахдаа хувийн илчлэл хүлээн авахыг эрэлхийл.

• Та ариун сүм дотор Их Эзэнийг шүтэн бишрэхийг эн тэргүүнд тавихын тулд юугаа золиосолсон эсвэл золиослоход бэлэн байна вэ?

• Та нар ариун сүмийн зөвшөөрлийн бичиг авах асуултуудын талаар эргэцүүлэн бодох үедээ ямар адислалууд хүлээн авсан бэ?

• Их Эзэнийг ариун сүмд шүтэн бишрэхээр зохистой байхыг хичээхийн тулд та юу хийсэн бэ?

Хичээл зүтгэл гаргасны улмаас хэрхэн адислагдсанаа бод. Та Түүний ариун сүмд шүтэн бишрэхэд илүү сайн бэлтгэгдэхийн тулд юуг үргэлжлүүлэн хийх эсвэл хийж эхлэх вэ?

Зовлон бэрхшээлийн үед Бурханд улам их итгэж найдах

Бид Сургаал ба Гэрээнүүд 121–122-оос зовлон бэрхшээлийн талаар чухал үнэнүүдийг мэдэж авч чадна.

• Та эдгээр зовлон бэрхшээлийн хэсгээс юу сурч мэдсэн бэ?

• Эдгээр үнэн нь сорилт бэрхшээлийнхээ талаар өөр бодолтой болоход тань тусалсан уу? Хэрхэн тусалсан бэ?

• Та хүнд хэцүү цаг үеийг биеэр туулсан үедээ Тэнгэрлэг Эцэг, Есүс Христ хоёрын талаар юу мэдэж авсан бэ?

Бэрхшээлийг даван туулахад Тэнгэрлэг Эцэг, Есүс Христ хоёр таныг хэрхэн дэмжиж байсан тухай сэтгэгдлээ тэмдэглэлдээ бич. Та нарын сурч, мэдэрсэн зүйлс Есүс Христэд итгэх итгэлд тань хэрхэн нөлөөлснийг тунгаан бод.