Matavuvale nei Josefa Simici

Na matavuvale vakabauta

Eratou cakacaka vata o Josefa Simici kei na nona matavuvale ena nodratou iteitei.

A sucu o Josefa Simici ena ika 23 ni Tiseba, 1805, ena vuaicake kei Amerika. Na yaca i tamana o Josefa. Na yaca i tinana o Luci. E levu na tacina kei na ganena. Eratou dauteitei na matavuvale nei Josefa. Eratou vakabauta na Kalou ka veilomani.

Josefa Simici—Ai Tukutuku 1:3–4

Josefa Simici ni se cauravou. E ologi tu na yavana imawi ena dua na ivadreti. E leqataki koya o tinana.

Ni se gonetagane lailai o Josefa, e tauvimate okoya ka vakaleqa na yavana. E vakararawataki koya vakalevu. Eratou a saga na matavuvale nei Josefa me ratou vukei koya me vinaka cake, ia e se mosi tikoga na yavana. Era a saga na vuniwai me vakavinakataka cake na yavana, ia e sega ni rawa.

Yalododonu, 1:7

Josefa Simici ena mocemoce. E tekiduru o tacina ena yasa ni mocemoce. E dau veivosaki o tinana kei nona vuniwai e muri.

Era kaya na vuniwai ni dodonu mera musuka laivi na yavana o Josefa me vakabulai koya. Ia a sega ni vakatara o tinana. A taroga kevaka e tiko tale e dua na sala me vukei Josefa kina. Era nanuma na vuniwai mera musuka laivi e dua na tiki ni sui ena yavana. E kila o Josefa ni na mosi oqo, ia e vakabauta ni na vukei koya na Kalou.

Yalododonu, 1:7

A solia vua na vuniwai nei Josefa Simici na alakaolo me sele kina na yavana. E cata o Josefa. E tauri koya o tamana.

Era vinakata na vuniwai me solia vei Josefa na alakaolo me gunu me mamada kina na mosi. Ia a kaya o Josefa sega. E vinakata ga me tauri koya o tamana.

Yalododonu, 1:7

A biuta na rumu ni moce o tinai Josefa Simici ni sa vakarau tu na vuniwai me veisele.

A kerei tinana o Josefa me lako i tautuba. A sega ni vinakata me raici koya ena kaukauwa ni mosi nira na ceuta na yavana na vuniwai.

A veisele e dua na vuniwai ena yavai Josefa Simici. E tauri koya o tamana me veitokoni.

A tauri koya o tamana o Josefa ka ra musuka laivi na vuniwai na tiki ca ni sui ena yavana. E mosi vakalevu na ka oqo, ia a vukei Josefa na Kalou me yaloqaqa. Ni oti e vica na yabaki, sa vinaka cake na yavana o Josefa, ia e se mosi tikoga ni taubale.

Yalododonu, 1:6–7

Josefa Simici kei na nona matavuvale mai Niu Ioka. Era cakacaka ena nodra tava na vunikau ni maple.

Ni sa qase o Josefa, ratou toki na nona vuvale e na yasana o Niu Ioka. E dravudravua na matavuvale nei Josefa. Erau cakacaka vakaukauwa me rau rawata na kakana me baleta na nodrau matavuvale. O Josefa e dua na gonetagane vinaka. E marau ka taleitaka me dredre ka marau.

Yalododonu, 1:5–9

Eratou dabe vata ena vakacegu na matavuvale nei Josefa Simici ena teveli ni vakayakavi.

Eratou lomani Jisu Karisito na matavuvale nei Josefa. Ratou dau masu ka wilika vata na iVolatabu. Ia erau sega ni kila na itubutubu nei Josefa na lotu cava me rau lewena. Ena dua na bogi, o Lusi, na tinai Josefa, a masu ka tukuna vua na Kalou ni vinakata me kunea na Lotu dina i Jisu Karisito. A sauma na Kalou na nona masu ka yalataka ni na vakakina.

Yalododonu, 1:10–11