1828–1829

E Talai Oliva Kaudari na Turaga

Vulica na sala e vosa kina vei keda na Kalou

Rau a vakadewataka tikoga na iVola i Momani o Josefa kei Ema. E dredre na cakacaka, ka rau cakacaka talega ena nodrau iteitei. A masulaka o Josefa me tala mai na Tamada Vakalomalagi e dua me vukei koya me vakadewataka na iVola i Momani.

Yalododonu, 1:56, 58

E tiko sara mai Niu Ioka, o Oliva Kaudari, e dua na ivakavuvuli gone, a vakaitikotiko vata kei rau na itubutubu nei Josefa Simici. A vakavulici iratou na taci Josefa kei na ganena gone o Oliva.

Yalododonu, 1:58–59

A rogoca sara o Oliva me baleti Josefa kei na peleti koula. E a lomatarotaro. A vosa vei rau na itubutubu nei Josefa. Erau tukuna vei Oliva ni sa cakava tiko o Josefa na cakacaka ni Kalou.

Yalododonu, 1:59

Qo, sa qai lomatarotaro sara ga vakalevu o Oliva. Erau a tukuna na itubutubu nei Josefa vei Oliva ni dodonu me masu ka vakasaqara vakataki koya kevaka e cakacaka ni Kalou. Dua na bogi, a masu o Oliva ena yalona taucoko. E vakacegui koya na Kalou ena nona vakasama. E kila o Oliva ni o Josefa Simici e italai ni Kalou. E vakila ni dodonu me vukei Josefa.

Yalododonu, 1:60

Ni cava na yabaki ni vuli, a lako o Oliva me laki sotavi Josefa kei Ema. Rau a yadra toka o Josefa kei Oliva ena loma bogi ka rau veitalanoataka na peleti koula kei na cakacaka ni Kalou.

Yalododonu, 1:60

E kaya o Oliva ni na volavola ni vakadewataka tiko o Josefa. E taleitaka na ka e vulica me baleti Jisu. E dau vakatataro tale ga qai vinakata me kaukauwa cake na nona vakabauta.

Yalododonu, 1:61

Mai vua na Parofita o Josefa, a solia kina na Turaga vei Oliva e dua na itukutuku. A tukuna vei Oliva me nanuma na bogi a masu kina. A solia vua na Kalou na vakacegu. Na Kalou duadua ga e kila na masu oqo. Sa qaqaco cake na vakabauta nei Oliva. A vukei Josefa tikoga, ka vakavulica vua na Turaga e vuqa na ka me baleta e dau vosa vakacava na Kalou vei keda.

Vunau kei na Veiyalayalati 6:14–24; 8:1–3; 9:7–9; Yalododonu, 1:62–64