1823

A Sikovi Josefa Simici na Agilosi o Moronai

Vulica e dua na ivola tabu

Sa oti e tolu na yabaki mai na iMatai ni Raivotu nei Josefa Simici. A rarawa o Josefa ena so na cala a cakava me tekivu mai na gauna oya. E vakataroga se vakacava na nona nanuma na Kalou me baleti koya.

Josefa Simici—Ai Tukutuku 1:28–29; Yalododonu, 1:20

Dua na bogi, nira sa moce kece, sa nanuma o Josefa me masu. A sauma oti na Kalou na nona masu, ka kila o Josefa ni na sauma tale.

Josefa Simici—Ai Tukutuku 1:29; Yalododonu, 1:21–22

Ni masu tiko o Josefa, a vakasinaita na rumu na rarama. A raica o Josefa e dua na agilosi ni tucake tu e macawa ena yasa ni nona loga. A kaya na agilosi ni yacana o Moronai. A talai koya mai na Kalou. E kaya ni sa vosoti Josefa na Kalou ka tiko e dua na cakacaka me cakava. Era na kila na tamata e vuravura taucoko na veika baleti Josefa kei na cakacaka a solia vua na Kalou.

Josefa Simici—Ai Tukutuku 1:30–33

E kaya o Moronai ni tiko e dua na ivola ka caka mai na draunipepa koula se peleti. A bulu ena dua na delana volekata na vale nei Josefa. Na ivola oqo e baleti ira na tamata era a vakaitikotiko e Amerika ena dua na gauna makawa. Era kila na itukutuku kei Jisu Karisito kei na Nona kosipeli. E kaya o Moronai ni na vukei Josefa na Kalou me vakadewataka na ivola me rawa ni ra wilika na tamata.

Josefa Simici—Ai Tukutuku 1:34, 46

A veisiko mai vakatolu o Moronai ena bogi o ya ka vakakina ena siga ka tarava. A tukuna o Josefa vei tamana na ka a raica. A marau o tamai Josefa. “Oqo e dua na raivotu mai vua na Kalou,” a kaya vei Josefa.

Josefa Simici—Ai Tukutuku 1:35–50; Yalododonu, 1:22–25

A lako o Josefa kina delana ka raica na peleti koula ena ruku ni dua na vatu bibi. Ni dodoliga yani me tara, e vakasamataka na levu ni ilavo e rawa ni rauta. A lako mai o Moronai ka tukuna vei Josefa ni se sebera ni vakarau me taura na peleti. A tukuna vei Josefa me lesu tale mai kina vanua oqo ena veiyabaki me yacova ni sa tu vakarau.

Josefa Simici—Ai Tukutuku 1:51–54; Yalododonu, 1:25–27