Josefa kei Ema

Cakacaka vata me kauta na iVola i Momani i vuravura

E dabe toka o Ema Ele ena yasa ni uciwai volekata na nona vale.

A tubu cake o Ema Ele ena dua na matavuvale levu mai Penisilivenia, sega ni yawa mai Niu Ioka, na vanua e vakaitikotiko kina o Josefa Simici. Eratou vakabauta na Kalou o Ema kei na nona matavuvale. E dau taleitaka o Emma na wiliwili, lagasere, vodo ose, ka dau voce ena dua na bavelo ena uciwai ena yasa ni nona vale.

Yalododonu, 1:31–32

Rau lako voli o Josefa Simici kei tamana ena yasa ni vale nei Ema Ele. E rai tiko yani ki tautuba o Ema ka raici Josefa tiko.

Ni sa yabaki 21 o Emma, erau a lako mai o Josefa Simici kei tamana me rau laki cakacaka vei dua e tiko volekati iratou o Ema. A sureti rau o tamai Emma me rau tiko ga ena nona vale.

Josefa Simici—Ai Tukutuku 1:56–57; Yalododonu, 1:31–32

Rau veivosaki vata o Josefa kei Ema ena taudaku ni vale nei Ema. Erau sa tu ena katuba na itubutubu nei Ema.

Rau sa veikilai sara o Josefa kei Ema. Erau taleitaka na tiko vata. Ia erau sega ni taleitaki Josefa na itubutubu nei Ema. Era sega ni vakabauta ni a raica e dua na agilosi.

Yalododonu, 1:32–33

Rau vodo vata tiko o Ema kei Josefa Simici ena dua na qiqi.

Ni oti e dua na yabaki, a kerei Ema o Josefa me vakamautaki koya. Rau veilomani o Ema kei Josefa. Erau a vakamau ka laki tiko vata kei rau na itubutubu nei Josefa mai Niu Ioka.

Josefa Simici—Ai Tukutuku 1:57–58; Yalododonu, 1:34–35

Rau vodo qiqidreti na ose o Ema kei Josefa Simici ki na veikau.

Sa oti e va na yabaki mai na gauna a tukuna kina o Moronai vei Josefa na peleti koula. Ni sa yaco mai na gauna, rau a lako o Ema kei Josefa ki na delana ka vunitaki tu kina na peleti.

Josefa Simici—Ai Tukutuku 1:59; Yalododonu, 1:36–37

E solia o Moronai na peleti koula vei Josefa Simici

A sotavi Josefa na agilosi o Moronai ena delana ka solia vua na peleti. A tukuna vei Josefa ni kevaka me cakava na nona vinaka taucoko me qarauna kina na peleti, era na taqomaki.

Josefa Simici—Ai Tukutuku 1:59; Yalododonu, 1:37–38

Kauta tiko o Josefa Simici na peleti koula. E cici muri koya tiko e dua na turaga ka tovolea tiko me taura na peleti.

Era rogoca na tamata ni tiko vei Josefa na peleti koula, ka so vei ira era tovolea me ra butakoca mai vua na peleti. A vaqara o Josefa na vanua me vunitaki ira kina. Ni kauta tiko mai o Josefa na peleti mai na dua na vanua ni vuni ena veikau, era kabai koya e so na tamata. A biligi ira tani ka cici yani ki na nodrau vale na nona itubutubu.

Josefa Simici—Ai Tukutuku 1:60; Yalododonu, 1:38, 40–41

A kauta mai vale o Josefa Simici na peleti koula ka vakatara na nona matavuvale me tara na peleti.

Ni kauta mai vale o Josefa na peleti, a vukei koya o ganena me biuta ena teveli. A tukuna o Moronai vei Josefa me kakua ni dua e raica na peleti, ia e rawa ni vakila na nona matavuvale na peleti ni ratou ologa tu ena dua na isulu.

Yalododonu, 1:41

Rau toki o Ema kei Josefa ki na dua na vale vou.

E vinakata na Kalou me vakadewataka o Josefa na peleti koula me rawa ni ra wilika na tamata. Ia era saga tiko ga na tamata mai Niu Ioka mera butakoca na peleti. A vunitaka tiko ga o Josefa na peleti me taqomaki kina. Rau sa mani toki o Josefa kei Ema ki na dua na vale volekati rau na itubutubu nei Ema. Erau nuitaka ni rawa ni rau vakadewataka na peleti ena vakacegu.

Josefa Simici—Ai Tukutuku 1:61–62; Yalododonu, 1:43, 45–46

A reguca na yadrei Ema o Josefa Simici. E vukei koya tiko me vakadewataka mai na peleti koula.

Sa tekivu vakadewataka o Josefa na peleti. E vakayagataka na iyaya ni cakacaka e vakarautaka na Kalou me vukei koya. Ni vakadewataka o Josefa, a vola o Ema na ka e tukuna. Erau cakacaka vata ena veiauwa. E a kurabui kina o Ema. E kila ni sa vakadewataka tiko o watina ena kaukauwa ni Kalou.

Josefa Simici—Ai Tukutuku 1:35; Yalododonu, 1:49