1829

Vakalesui Mai na Matabete na Agilosi

Kaukauwa me caka kina na cakacaka ni Kalou

Ni rau vakadewataka tiko o Josefa kei Oliva na peleti koula, rau vulica ni vinakata o Jisu me ra papitaiso kece. A solia talega na kaukauwa vei ira na tamata mera vei papitaisotaki. Se sega ni papitaiso o Josefa. E gadreva me kila vakalevu sara na ka me baleta na papitaiso.

Josefa Simici—Ai Tukutuku 1:68; Yalododonu, 1:65–66

Rau vakataroga o Josefa kei Oliva se o cei e tu vua na kaukauwa me papitaisotaki ira na tamata ena gauna oqo. E rau nanuma merau kerea vua na Kalou. E rau a lako kina veikau ka tekiduru merau masu.

Josefa Simici—Ai Tukutuku 1:68; Yalododonu, 1:66

Ni rau masu tiko, a rairai mai e dua na agilosi. E kaya o koya nio koya o Joni na Dauveipapitaisotaki, ka papitaisotaki Jisu Karisito ena dua na gauna balavu sa oti. A solia vei Josefa kei Oliva na Matabete i Eroni. Na matabete sai koya na kaukauwa ni Kalou. E vakayagataki me vakalougatataki ira na Luve ni Kalou.

Vunau kei na Veiyalayalati 13; Josefa Simici—Ai Tukutuku 1:69, 72; Yalododonu, 1:66–67

E kaya o Joni na Dauveipapitaisotaki ni dua na tamata e tiko vua na Matabete i Eroni e rawa ni vakavulici ira na tamata mera veivutuni ka papitaisotaki ira. A tukuna o Joni vei Josefa kei Oliver merau papitaiso. Erau a lako ki na dua na uciwai ka veipapaisotaki vakai rau. Nirau sa lako cake mai na wai, erau sa vakasinaiti ena Yalo Tabu. E rau marau vakalevu!.

Josefa Simici—Ai Tukutuku 1:70–73

E muri, era qai lako mai eso tale na agilosi. E tolu na iApositolo i Jisu—o Pita, Jemesa, kei Joni—a solia vei Josefa kei Oliva na Matabete i Melikiseteki. Qo sa qai rawa vei Josefa kei Oliva me rau solia na isolisoli ni Yalo Tabu. Rau a yaco talega me iApositolo o Josefa kei Oliver. E rawa nirau liutaka na Lotu ka ivakadinadina digitaki i Jisu Karisito.

Vunau kei na Veiyalayalati 27:12; Yalododonu, 1:84