“Na iMatai ni Raivotu nei Josefa Simici,” iTalanoa ni Vunau kei na Veiyalayalati (2024)

“Na iMatai ni Raivotu nei Josefa Simici,” iTalanoa ni Vunau kei na Veiyalayalati

1817–1820

3:23

Na iMatai ni Raivotu nei Josefa Simici

Na isau ni masu malumalumu

A vakarorogo tiko o Josefa Simici vei ira na tamata era vunautaka tiko na veika era vakabauta vakalotu.

Ena vanua era vakaitikotiko kina na matavuvale nei Josefa Simici, e vuqa sara na lotu era vakavulica na veika baleti Jisu Karisito. Era duidui na veika era vakavulica me baleti Koya. A sega ni kila o Josefa se o cei e dina. E kila o koya ni gadreva na iVakabula, ia e sega ni kila o koya na lotu cava me lewena.

Josefa Simici—Ai Tukutuku 1:5–6; Yalododonu, 1:9

A cakacaka tiko o Josefa Simici ena nona iteitei.

A vakasamataka vakabalavu o Josefa na ka oqo. E vinakata me vosoti na nona ivalavala ca. A sikova e vuqa na lotu, ia e se veilecayaki tikoga.

Josefa Simici—Ai Tukutuku 1:8–10; Yalododonu, 1:9–12

Wili iVolatabu o Josefa Simici volekata na cina kadrala

Dua na siga, a wilika na Jemesa 1:5 ena iVolatabu. E tukuni kina keda gadreva na vuku, eda rawa ni kerea vua na Kalou. E kila e lomana o Josefa ni oqo na ka e dodonu me cakava.

Josefa Simici—Ai Tukutuku 1:11–13

A taubale yani o Josefa Simici ki na veikau volekata na nona vale me masu.

Ena mataka ni dua na siga totoka ni vulaitubutubu ena 1820, a lako o Josefa ki na veikau volekata na nona vale. E vinakata me tiko ena dua na vanua me rawa ni tiko duadua kina me masu vua na Tamada Vakalomalagi.

Josefa Simici—Ai Tukutuku 1:14–15

A masu tiko o Josefa Simici e loma ni veikau.

A tekiduru o Josefa ka tekivu masu. Ni cakava qori, e vakila ni sa vesuki koya e dua na kaukauwa ni yalo ca. E qai vakila na butobuto ni wavoliti koya tu. E vaka me dua e saga tiko me tarovi koya mai na nona vosa vua na Kalou. A vakayagataka o Josefa na nona kaukauwa kece me kerea vua na Kalou me vakabulai koya.

Josefa Simici—Ai Tukutuku 1:15–16

Na Tamada Vakalomalagi kei Jisu Karisito erau rairai vei Josefa Simici. E tekiduru e matadrau.

Vakasauri ga, a raica o Josefa e dua na rarama ramase ni lako sobu mai lomalagi. Sa biubiu na butobuto, ka vakila na vakacegu. Ena rarama, a raica na Tamada Vakalomalagi kei Jisu Karisito ni rau tucake tu e macawa. A cavuta na yaca i Joseva na Tamada Vakalomalagi. A dusi Jisu Karisito ka kaya: “Oqo na Luvequ Lomani. Mo Rogoci Koya!”

Josefa Simici—Ai Tukutuku 1:16–17

A tukuna o Jisu vei Josefa Simici ni sa vosoti na nona ivalavala ca.

A tukuna o Jisu vei Josefa ni sa vosoti na nona ivalavala ca. E tarogi Jisu o Josefa se lotu cava me lewena. E kaya o Jisu me kakua ni curuma e dua vei ira.

Josefa Simici—Ai Tukutuku 1:18–19; Yalododonu, 1:16

O Josefa Simici, ni tekiduru tiko ena dua na veikau, e vakarorogo vua na iVakabula.

E kaya o Jisu ni sa yali na dina bibi me baleta na Nona kosipeli. E kaya o Koya ni na talai ira mai na agilosi me ra vakavulica na dina oqo vei Josefa, ka me ra wasea ki vuravura.

Yalododonu, 1:16–17

A taubale yani o Josefa Simici mai na veikau ki vale.

Ni sa oti na raivotu, a vakasinaiti o Josefa ena loloma kei na reki. Sa sega tale n qaii veilecayaki. E kila okoya ni lomani koya na Kalou. Dina ga ni so na tamata era cati koya ena nona kaya ni a raici Tamada Vakalomalagi kei Jisu Karisito, ia e kila o Josefa ni dina.

Josefa Simici—Ai Tukutuku 1:20–26; Yalododonu, 1:16