“Ang Pamilya ni Joseph Smith,” Mga Sugilanon sa Doktrina kag mga Kasugtanan (2024)

“Ang Pamilya ni Joseph Smith,” Mga Sugilanon sa Doktrina kag mga Kasugtanan

1805–1817

3:22

Ang Pamilya ni Joseph Smith

Pamilya nga may pagtuo

Si Joseph Smith kag ang ila pamilya nagabuligay sa trabaho sa ila uma.

Si Joseph Smith nabata sang Disyembre 23, 1805, sa northeastern nga Estados Unidos. Joseph man ang ngalan sang iya tatay. Ang ngalan sang iya nanay si Lucy. Madamo sila nga mag-ulutod Mga mangunguma ang pamilya ni Joseph. Nagapati sila sa Dios kag nagapalanggaanay.

Joseph Smith—Kasaysayan 1:3–4

Si Joseph Smith bilang solterito. Naputos ang iya wala nga tiil sang bendahe. Nabalaka ang iya nanay sa iya.

Sang gamay pa si Joseph, nagmasakit sia nga nagresulta sa problema sa iya tiil. Grabe ang ginhatag sini nga sakit sa iya. Ginbuligan si Joseph sang iya pamilya nga maghagan-hagan ang iya pamatyag, pero nagasakit gihapon kaayo ang iya tiil. Gintinguhaan sang mga doktor nga paayuhon ang iya tiil, pero napaslawan sila.

Saints, 1:7

Si Joseph Smith nga nagahigda sa katre. Nagaluhod ang iya utod sa kilid sang katre. Nagaistorya ang iya nanay sa doktor sa likod.

Siling sang mga doktor nga kinahanglan nila utdon ang tiil ni Joseph para maluwas ang iya kabuhi. Pero indi magpasugot ang iya nanay. Namangkot sia kon may iban pa nga paagi para mabuligan si Joseph. Nagdesisyon ang mga doktor nga kuhaon na lang ang isa ka parte sang tul-an sa iya tiil. Kabalo si Joseph nga sakit-sakit ini kaayo, pero nagapati sia nga buligan sia sang Dios.

Saints, 1:7

Ginhatagan si Joseph Smith sang doktor sang makahulubog nga ilimnon para sa iya operasyon. Namalibad si Joseph. Ginakaptan sia sang iya tatay.

Gusto sang mga doktor nga hatagan si Joseph sang ilimnon para indi sia makabatyag sang sakit. Pero nangindi si Joseph. Gusto lang niya nga uyatan sia sang iya tatay.

Saints, 1:7

Naghalin sa kuwarto ang nanay ni Joseph Smith samtang naghanda ang doktor nga mag-opera.

Ginpangabay ni Joseph ang iya nanay nga maggwa. Indi sia gusto nga makita ni nanay niya nga ginasakitan sia samtang ginahiwa sang mga doktor ang iya tiil.

Doktor nga nagaopera sa tiil ni Joseph Smith. Ginakaptan sia sang iya tatay para pabakuron sia.

Ginkaptan sia sang iya tatay samtang ginakuha sang mga doktor ang balatianon nga mga parte sang iya tul-an sa tiil. Sakit-sakit ini kaayo, pero ginbuligan sang Dios si Joseph nga mangin maisog. Pagligad sang pila ka tuig, nag-ayo ang tiil ni Joseph, pero masakit gihapon ini ilakat.

Saints, 1:6–7

Si Joseph Smith kag ang ila pamilya sa New York. Nagapangkolekta sila sang duga sang mga kahoy nga maple.

Sang nagdako-dako na si Joseph, nagsaylo ang ila pamilya sa estado sang New York. Pigado ang pamilya ni Joseph. Nag-obra sila todo para may igo sila nga pagkaon para sa ila pamilya. Mabuot nga bata si Joseph. Malipayon sia kag mahilig magkadlaw kag magsadya-sadya.

Saints, 1:5–9

Ang pamilya ni Joseph Smith nga nagapungko sing matawhay sa kalan-an.

Palangga sang pamilya ni Joseph si Jesucristo. Nagapangamuyo sila kag nagabasa sang Biblia sing ululupod. Pero indi sigurado ang mga ginikanan ni Joseph kon diin sila nga simbahan maentra. Isa ka gab-i, ang nanay ni Joseph nga si Lucy, nangamuyo kag nagsiling sa Dios nga gusto niya makita ang matuod nga Simbahan ni Jesucristo. Ginsabat sang Dios ang iya pangamuyo kag nagpromisa nga makita gid niya ini.

Saints, 1:10–11