“Ginbisitahan ni Anghel Moroni si Joseph Smith,” Mga Sugilanon sa Doktrina kag mga Kasugtanan (2024)

“Ginbisitahan ni Anghel Moroni si Joseph Smith,” Mga Sugilanon sa Doktrina kag mga Kasugtanan

Ginbisitahan ni Anghel Moroni si Joseph Smith

Paghibalo parte sa sagrado nga libro

Si Joseph Smith nga nagagawa sa bintana sang ila balay.

Tatlo ka tuig na ang nagligad halin sang Una nga Panan-awon ni Joseph Smith. Nasubuan si Joseph tungod sa pila ka mga sala na nahimo niya halin sadto. Ginapanumdom niya kon ano ang nabatyagan sang Dios parte sa iya.

Joseph Smith—Kasaysayan 1:28–29; Saints, 1:20

Si Joseph Smith nga nagapangamuyo sa kilid sang iya katre.

Isa ka gab-i, sang nagakatulog na ang tanan, nagdesisyon si Joseph nga magpangamuyo. Ginsabat sang Dios ang iya mga pangamuyo sadto, kag kabalo si Joseph nga sabton Niya liwat ang iya mga pangamuyo.

Joseph Smith—Kasaysayan 1:29; Saints, 1:21–22

Si Moroni nga nagapakita kay Joseph Smith.

Samtang nagapangamuyo si Joseph, napuno sang kasanag ang iya kuwarto. Nakita ni Joseph ang isa ka anghel nga nagatindog sa hangin sa kilid sang iya katre. Nagsiling ang anghel nga Moroni ang iya ngalan. Ginpadala sia sang Dios. Nagsiling sia nga ginpatawad na sang Dios si Joseph kag may ipaobra Sia sa iya. Makilala sang mga tawo sa bilog nga kalibutan si Joseph kag ang buluhaton nga ginhatag sang Dios sa iya.

Joseph Smith—Kasaysayan 1:30–33

Ginsugiran ni Moroni si Joseph Smith parte sa libro nga ginhimo halin sa bulawan nga mga lamina.

Siling ni Moroni nga may libro nga himo sa bulawan nga mga pahina ukon lamina. Nalubong ini sa bungyod malapit sa balay nila ni Joseph. Ang libro parte sa katawhan nga nag-estar sa mga kadutaan sang Amerika sang una nga panahon. Nakahibalo sila parte kay Jesucristo kag sang Iya ebanghelyo. Siling ni Moroni nga buligan sang Dios si Joseph nga i-translate ang libro para mabasa ini sang mga tawo.

Joseph Smith—Kasaysayan 1:34, 46

Gin-istorya ni Joseph Smith sa iya tatay ang pagbisita ni Moroni.

Katatlo nagbisita si Moroni sinang gab-i kag liwat pagkadason nga adlaw. Ginsugid ni Joseph sa iya tatay ang iya nakita. Nalipay gid ang tatay ni Joseph. “Isa ini ka panan-awon halin sa Dios,” siling niya kay Joseph.

Joseph Smith—kasaysayan 1:35–50; Saints, 1:22–25

Nadiskubrehan ni Joseph Smith ang bulawan nga mga lamina sa idalom sang bato.

Nagkadto si Joseph sa bungyod kag nakita niya ang bulawan nga mga lamina sa idalom sang mabug-at nga bato. Sang ginalab-ot niya ini, ginpanumdom niya kon pila ang bili sini tanan. Nag-abot si Moroni kag ginhambalan si Joseph nga indi pa sia handa para kuhaon ang mga lamina. Ginhambalan niya si Joseph nga magbalik sia sa sining lugar kada tuig hasta nga mangin handa na sia.

Joseph Smith—Kasaysayan 1:51–54; Saints, 1:25–27