Sanday Joseph kag Emma

Nagabuligay para dalhon sa kalibutan ang Libro ni Mormon

Si Emma Hale nga nagapungko sa kilid sang suba sa unhan sang ila balay.

Nagdako si Emma Hale sa dako nga pamilya sa Pennsylvania, indi malayo sa New York, nga ginaistaran nila ni Joseph Smith. Si Emma kag ang iya pamilya nagapati sa Dios. Nanamian si Emma magbasa, magkanta, magpangabayo, kag magsakay sa baruto sa suba malapit sa ila balay.

Saints, 1:31–32

Si Joseph Smith kag ang iya tatay nga nagalakat malapit sa balay nanday Emma Hale. Si Emma nagagawa sa bintana kag natalupangdan si Joseph.

Sang 21 anyos si Emma, nagkadto si Joseph Smith kag ang iya tatay para mag-obra sa kasilingan nila. Ginhagad sila sang tatay ni Emma nga magtiner sa ila balay.

Joseph Smith—Kasaysayan 1:56–57; Saints, 1:31–32

Si Joseph kag Emma nga nagaistoryahanay sa gwa sang balay nila ni Emma. Ara sa pwertahan ang mga ginikanan ni Emma.

Nagkilalahay si Joseph kag Emma. Nanamian sila nga magkaupod. Pero wala manamii ang ginikanan ni Emma kay Joseph. Wala sila nagapati nga nakakita sia sang anghel.

Saints, 1:32–33

Si Emma kag Joseph Smith nga nagasakay sa karosa sang kabayo.

Mga isa ka tuig ang nagligad, ginhagad ni Joseph si Emma nga magpakasal. Palangga ni Emma kag Joseph ang isa kag isa. Nagpakasal sila kag nag-istar upod sa ginikanan ni Joseph sa New York.

Joseph Smith—Kasaysayan 1:57–58; Saints, 1:34–35

Si Emma kag Joseph Smith nga nagasakay sa karosa sang kabayo pakadto sa kakahuyan.

Apat ka tuig ang nagligad halin sang ginsugiran ni Moroni si Joseph parte sa bulawan nga mga lamina. Sang tiyempo na, nagkadto si Emma kag Joseph sa bungyod kon diin natago ang mga lamina.

Joseph Smith—Kasaysayan 1:59; Saints, 1:36–37

Ginahatag ni Moroni ang bulawan nga mga lamina kay Joseph Smith.

Nakigkita si anghel Moroni kay Joseph sa bungyod kag ginhatag sa iya ang mga lamina. Ginhambal niya kay Joseph nga kon himuon niya ang tanan para halungan ang mga lamina, mangin luwas ini sa peligro.

Joseph Smith—Kasaysayan 1:59; Saints, 1:37–38

Si Joseph Smith nga ginabitbit ang bulawan nga mga lamina. May tawo nga nagalagas sa iya kag ginatilawan nga agawon ang mga lamina.

Nabatian sang mga tawo nga ara ang bulawan nga mga lamina kay Joseph, kag gintinguhaan sang iban sa ila nga kawaton ang mga lamina sa iya. Kinahanglan ni Joseph nga magpangita sang taguan sini sa ila. Samtang ginabitbit ni Joseph ang mga lamina sa talaguan sa kakahuyan, pila ka mga tawo ang nag-atake sa iya. Ginpatumba niya sila kag nagdalagan sa balay sang iya mga ginikanan.

Joseph Smith—Kasaysayan 1:60; Saints, 1:38, 40–41

Gindala ni Joseph Smith pauli ang bulawan nga mga lamina kag ginpahikap sa iya pamilya ang mga lamina.

Sang gindala pauli ni Joseph ang mga lamina, ginbuligan sia sang iya utod nga babayi nga iplastar ini sa lamisa. Ginhambal ni Moroni kay Joseph nga indi pag-ipakita sa iban ang mga lamina, pero pwede nga hikapon sang iya pamilya ang mga lamina nga naputos sa tela.

Saints, 1:41

Si Emma kag Joseph nga nagasaylo sa bag-o nga balay.

Gusto sang Dios nga i-translate ni Joseph ang bulawan nga mga lamina para mabasa ini sang mga tawo. Pero ang mga tawo sa New York padayon nga nagatinguha nga kawaton ang mga lamina. Kinahanglan ni Joseph nga taguon pirme ang mga lamina para indi makuha sang iban. Gani nagsaylo si Joseph kag Emma sa balay nga mas malapit sa mga ginikanan ni Emma. Nagalaum sila nga ma-translate nila ang mga lamina nga may kalinong

Joseph Smith—Kasaysayan 1:61–62; Saints, 1:43, 45–46

Si Joseph Smith nga ginahalukan si Emma sa agtang. Ginabuligan ni Emma si Joseph sa pag-translate halin sa bulawan nga mga lamina.

Nagsugod si Joseph sa pag-translate sang mga lamina. Naggamit sia sang espesyal nga mga kasangkapan nga ginhanda sang Dios para buligan sia. Samtang naga-translate si Joseph, ginasulat ni Emma ang iya ginahambal. Inoras sila nga nagabuligay. Nakadayaw gid si Emma. Kabalo sia nga ang iya bana naga-translate paagi sa gahum sang Dios.

Joseph Smith—Kasaysayan 1:35; Saints, 1:49