“Ginpanumbalik sang mga Anghel ang Priesthood,” Mga Sugilanon sa Doktrina kag mga Kasugtanan (2024)

“Ginpanumbalik sang mga Anghel ang Priesthood,” Mga Sugilanon sa Doktrina kag mga Kasugtanan

2:12

Ginpanumbalik sang mga Anghel ang Priesthood

Gahum para himuon ang buluhaton sang Dios

Si Joseph Smith kag Oliver Cowdery nga nagaistoryahanay, nga may gindugang nga imahe ni Jesus kag sang katawhan sang dumaan nga Amerika.

Samtang gina-translate ni Joseph kag Oliver ang bulawan nga mga lamina, natun-an nila nga gusto ni Jesus nga mabunyagan ang tanan. Ginhatagan man Niya ang mga tawo sang gahum para bunyagan ang iban. Wala pa mabunyagi si Joseph. Gusto niya nga makabalo pa gid sing dugang parte sa bunyag.

Joseph Smith—Kasaysayan 1:68; Saints, 1:65–66

Si Joseph Smith kag Oliver Cowdery sa kakahuyan, nga nagaluhod sa pagpangamuyo.

Nagpanumdom si Joseph kag Oliver kon sin-o ang may gahum sa pagbunyag sa karon. Nagdesisyon sila nga mamangkot sa Dios. Nagkadto sila sa kakahuyan kag nagluhod para mangamuyo.

Joseph Smith—Kasaysayan 1:68; Saints, 1:66

Ang anghel nga si Juan Bautista, nga nagahatag kay Joseph Smith sang Aaronic Priesthood.

Samtang nagapangamuyo sila, may anghel nga nagpakita. Siling niya nga sia si Juan Bautista, nga nagbunyag kay Jesucristo sang una nga panahon. Ginhatag niya kay Joseph kag Oliver ang Aaronic Priesthood. Ang priesthood amo ang gahum sang Dios. Ginagamit ini para bugayan ang mga anak sang Dios.

Doktrina kag mga Kasugtanan 13; Joseph Smith—Kasaysayan 1:69, 72; Saints, 1:66–67

Si Joseph Smith nga ginabunyagan si Oliver Cowdery sa suba.

Siling ni Juan Bautista nga ang tawo nga may Aaronic Priesthood pwede magtudlo sa mga tawo nga maghinulsol kag magbunyag sa ila. Ginsugo ni Juan si Joseph kag Oliver nga magpabunyag. Nagkadto sila sa suba kag ginbunyagan ang isa kag isa. Sang magtakas sila sa tubig, napuno sila sang Balaan nga Espiritu. Malipayon sila kaayo!

Joseph Smith—Kasaysayan 1:70–73

Ginhatag ni Pedro, Santiago, kag Juan kay Joseph Smith ang Melchizedek Priesthood.

Sang ulihi, nag-abot ang iban pa gid nga mga anghel. Ginhatag sang tatlo ka Apostoles ni Jesus—si Pedro, Santiago, kag Juan—ang Mechizedek Priesthood kay Joseph kag Oliver. Karon pwede na makahatag si Joseph kag Oliver sang dulot sang Balaan nga Espiritu. Nangin mga Apostoles man si Joseph kag Oliver. Pwede na nila pangunahan ang Simbahan kag mangin espesyal nga mga saksi ni Jesucristo.

Doktrina kag mga Kasugtanan 27:12; Saints, 1:84