Seksyon 13
Pinili nga bahin sa kasaysayan ni Joseph Smith nga nagasugid sang ordinasyon sang Propeta kag ni Oliver Cowdery sa Pagkapari ni Aaron sa may pangpang sang Susquehanna River malapit sa Harmony, Pennsylvania sang ika-15 sang Mayo 1829. Ang ordinasyon ginhimo paagi sa mga kamot sang anghel nga nagpakilala sang iya kaugalingon bilang si Juan, ang amo man nga ginatawag nga Juan Bautista sa Bag-ong Katipan. Nagpaathag ang anghel nga nagahikot sia sa idalom sang direksyon nanday Pedro, Santiago, kag Juan, ang dumaan nga mga Apostoles nga nagkapot sang mga yabi sang mas mataas nga pagkapari nga gintawag nga Pagkapari ni Melquisedec. Ginhatag ang promisa kanday Joseph kag Oliver nga sa nagakaigo nga tion ining mas mataas nga pagkapari ihatag sa ila. (Tan-awa sa seksyon 27:7–8, 12.)
Ang mga yabi kag mga gahum sang Pagkapari ni Aaron ginhatag.
1 Sa inyo kapareho ko nga mga alagad, sa ngalan sang Mesias ginahatag ko ang Pagkapari ni Aaron nga nagakapot sang mga yabi sang pag-alagad sang mga anghel, kag sang ebanghelyo sang paghinulsol, kag sang bunyag paagi sa pagtugmaw para sa kapatawaran sang mga sala; kag indi na ini pagkuhaon pa liwat sa duta tubtob nga ang mga anak nga lalaki ni Levi magdulot liwat sang halad sa Ginuo sa pagkamatarong.