Ang Libro ni Mormon nagatudlo nga “ang tanan palareho sa Dios,” kalakip ang “itom kag puti, ulipon kag hilway, lalaki kag babayi” (2 Nefi 26:33). Sa bug-os nga kasaysayan sang Simbahan, ang mga tawo sang tagsa ka rasa kag ginhalinan sa madamo nga pungsod nabunyagan kag nagkabuhi bilang tampad nga mga miyembro sang Simbahan. Sang nagakabuhi si Joseph Smith, may pila ka itom nga lalaki nga miyembro sang Simbahan ang gin-ordinan sa pagkapari. Sa panugod sang kasaysayan sini, ang mga lider sang Simbahan nag-untat sa paghatag sang pagkapari sa itom nga mga lalaki nga may kaliwatan nga Aprikano. Ang mga rekord sang Simbahan wala nagahatag sing maathag nga mga panan-aw sa mga ginhalinan sining kagawian. Ang mga lider sang Simbahan nagpati nga ang isa ka rebelasyon halin sa Dios kinahanglanon agud tadlongon ining kagawian kag mainampuon sila nga nagpangayo sang giya. Ang rebelasyon nag-abot sa Pangulo sang Simbahan nga si Spencer W. Kimball kag ginpamatud-an sa iban nga mga lider sang Simbahan sa Salt Lake Temple sang ika-1 sang Hunyo 1978. Ginkakas sang rebelasyon ang tanan nga pagdumili parte sa rasa nga sadto may kaangtanan sa pagkapari.