“Parte sa Doktrina kag mga Kasugtanan,” Mga Sugilanon sa Doktrina kag mga Kasugtanan (2024)

“Parte sa Doktrina kag mga Kasugtanan,” Mga Sugilanon sa Doktrina kag mga Kasugtanan

Introduksyon

Parte sa Doktrina kag mga Kasugtanan

Ang Ginuo nagahambal liwat

Si Jesucristo nga nagapakita sa mga tawo sa dumaan nga mga Amerika.

Palangga kita sang aton Amay nga Langitnon. Gusto Niya nga maghimo kita sang mga kasugtanan, ukon mga promisa, sa Iya para mabugayan Niya kita. Ginpadala Niya ang Iya Anak nga si Jesucristo para mangin Manluluwas naton kag buligan kita nga makabalik sa Iya.

Dumaan nga propeta nga nagasulat sa linukot nga papel.

Nagapadala man ang Dios sang mga propeta para tudloan kita parte kay Jesucristo kag sa Iya mga kasuguan. Nagaserbisyo ang mga propeta kay Jesucristo kag nagabulig sa pagpanguna sa Iya Simbahan.

Si Moises nga nagabitbit sang Pulo ka Sugo.

Ginahambal ni Jesus sa mga propeta kon ano ang itudlo sa aton. Ang mga pulong sang mga propeta sang una ginsulat sa balaan nga mga kasulatan pareho sang Biblia kag Libro ni Mormon.

Nagalibog ang ulo ni Joseph Smith kon ano nga tradisyon sa relihiyon ang sundon.

Madamo nga tinuig pagkatapos [sang pag-alagad] ni Jesus sa kalibutan, wala na sang mga propeta. Ang mga tawo wala na nagahimo kag nagatuman sang mga kasugtanan upod sa Dios. Ang Simbahan ni Jesucristo wala sadto sa kalibutan.

Ang Amay nga Langitnon kag si Jesucristo nga nagapakita kay Joseph Smith.

Pero gintawag sadto sang Dios si Joseph Smith para mangin propeta. Solterito pa lang si Joseph sadto, pero may importante kaayo nga ipahimo ang Dios sa iya.

Ginaalsa sang mga tawo ang ila mga kamot para sakdagon si Joseph kag Oliver bilang mga lider sang Simbahan.

Nagtudlo si Joseph Smith parte kay Jesus. Nagbulig sia nga maorganisar ang Simbahan ni Jesus. Gintudloan ni Jesus si Joseph Smith sang Iya ebanghelyo kag kon paano pangunahan ang Iya Simbahan.

Pamilya nga nagabasa sang Doktrina kag mga Kasugtanan.

Madamo nga butang nga ginhambal ni Jesus kay Joseph Smith ang nasulat sa Doktrina kag mga Kasugtanan. Ang Doktrina kag mga Kasugtanan isa ka libro sang balaan nga kasulatan pareho sang Biblia kag LIbro ni Mormon.

Montage nga ilustrasyon nga nagapakita kon ano ang epekto sa mga tawo sang Doktrina kag mga Kasugtanan.

Ang Mga Sugilanon sa Doktrina kag mga Kasugtanan nagaistorya kon paano ginbalik ni Jesus, ukon ginpanumbalik, ang Iya Simbahan, sa bulig ni Propetang Joseph Smith kag iban pa. Ang mga miyembro sang Simbahan ginatawag nga mga Santos. Ini nga mga istorya nagapakita nga palangga sang Dios ang Iya mga kabataan sa bilog nga kalibutan. Gusto Niya nga bugayan kita kon maghimo kita sang mga kasugtanan upod sa Iya.