Ti Pamilia ni Joseph Smith

Maysa a pamilia nga addaan iti pammati

Ni Joseph Smith ken ti pamiliana nga agtartrabaho a sangsangkamaysa iti talonda.

Naipasngay ni Joseph Smith idi Disiembre 23, 1805, iti amianan a daya ti Estados Unidos. Napanaganan met ti amana iti Joseph. Lucy ti nagan ti inana. Naaddaan iti adu a kakabsat a lallaki ken babbai. Mannalon ti pamilia ni Joseph. Namatida iti Dios ken naggiinnayatda.

Joseph Smith—Pakasaritaan 1:3–4

Ni Joseph Smith idi ubing pay. Nabalkot iti benda ti kannigid a sakana. Madanagan ni nanangna kenkuana.

Idi ubing pay ni Joseph, adda sakitna a nakaigapu iti problema iti luppona. Nasakit unay kenkuana. Pinadas ti pamilia ni Joseph a tulongan a sumayaat ti riknana, ngem nasakit latta unay ti luppona. Pinadas dagiti doktor a pagimbagen ti luppona, ngem saanda a kabaelan.

Saints, 1:7

Ni Joseph a nakaidda. Agparintumeng ti kabsatna iti igid ti kama. Kasarsarita ni nanangna ti doktorna iti likudan.

Kinuna ti doktor a nasken a putdenda ti luppo ni Joseph tapno maisalakan ti biagna. Ngem saan nga impalubos kadakuada ni nanangna. Dinamagna no adda pay sabali a wagas a makatulong ken ni Joseph. Inkeddeng dagiti doktor a mangiwa ketdi iti paset ti tulang ti luppona. Ammo ni Joseph a nasakit daytoy, ngem adda pammatina a tulongan ti Dios.

Saints, 1:7

Idiaya ti doktor ni Joseph Smith ti arak kenkuana para iti pannakaoperar ti luppona. Agkedked ni Joseph. Iniggaman isuna ti amana.

Kayat dagiti doktor nga ikkan ni Joseph iti arak nga inumen tapno di makarikna iti sakit. Kinuna ni Joseph a saan. Kayatna laeng nga iggaman isuna ti amana.

Saints, 1:7

Rummuar ti ina ni Joseph Smith iti kuarto bayat ti panagsagana ti doktor nga agopera.

Kiniddaw ni Joseph iti inana a rummuar. Dina kayat a makitana isuna a makarikna iti nakaro a sakit bayat ti panangiwa dagiti doktor iti luppona.

Maysa a doktor a mangop-opera iti luppo ni Joseph Smith. Iniggaman isuna ti amana tapno mangted suporta.

Iniggaman isuna ti ama ni Joseph bayat ti panangiwa dagiti doktor kadagiti dakes a paset ti tulang iti luppona. Nasakit unay daytoy, ngem tinulongan ti Dios ni Joseph nga agbalin a natured. Kalpasan ti sumagmamano a tawen, nalaingan ti luppo ni Joseph, ngem nasakit pay la daytoy no ipagnana.

Saints, 1:6–7

Ni Joseph Smith ken ti pamiliana iti New York. Agtrabahoda iti panagtaptap kadagiti kayo ti maple.

Idi natataengan ni Joseph, immakar ti pamiliana iti estado ti New York. Nakurapay ti pamilia ni Joseph. Nagtrabahoda a sipipinget tapno adda umdas a taraon para iti pamiliada. Nasingpet nga ubing ni Joseph. Naragsak ken magustuanna ti agkatawa ken agragragsak.

Saints, 1:5–9

Ti pamilia ni Joseph Smith a sitatalna a nakatugaw a sangkamaysa iti lamisaan a pangrabii.

Inayat ti pamilia ni Joseph ni Jesucristo. Nagkararag ken nagbasada iti Biblia a sangkamaysa. Ngem saan a masigurado dagiti nagannak ni Joseph no ania a simbaan ti nasken a pakaikamenganda. Maysa a rabii, nagkararag ti ina ni Joseph, ni Lucy, ket imbagana iti Dios a kayatna a sapulen ti pudno a Simbaan ni Jesucristo. Sinungbatan ti Dios ti kararagna ket inkarina a sapulenna.

Saints, 1:10–11