1828–1829

Ibaon ti Apo ni Oliver Cowdery

Panagsursuro no kasano a makisao ti Dios kadatayo

Intuloy da Joseph ken Emma ti panagipatarus iti Libro ni Mormon. Narigat ti trabaho, ket nasken pay nga agtrabahoda iti talonda. Inkararag ni Joseph a mangibaon ti Nailangitan nga Ama iti maysa a tao a tumulong kenkuana a mangipatarus iti Libro ni Mormon.

Saints, 1:56, 58

Iti adayo a lugar ti New York, ni Oliver Cowdery, maysa nga agtutubo a mannursuro iti eskuelaan, ket nakipagnanaed kadagiti nagannak ni Joseph Smith. Insuro ni Oliver dagiti naub-ubing a kakabsat ni Joseph.

Saints, 1:58–59

Nangngeg ni Oliver maipapan ken ni Joseph ken dagiti pinanid a balitok. Nagusioso isuna. Nakisarita kadagiti nagannak ni Joseph. Imbagada ken ni Oliver nga ar-aramiden ni Joseph ti trabaho ti Dios.

Saints, 1:59

Ita ad-adda pay a nagusioso ni Oliver. Imbaga dagiti nagannak ni Joseph ken ni Oliver a nasken nga agkararag ken ammuenna mismo no aramid ti Dios daytoy. Gapuna iti maysa a rabii, nagkararag ni Oliver iti amin a pusona. Pinagtalna ti Dios ti panunotna. Ammo ni Oliver a katulongan ti Dios ni Joseph Smith. Nariknana a nasken a tulonganna ni Joseph.

Saints, 1:60

Idi naggibus ti tawen ti panageskuela, napan nakipagkita ni Oliver kada Joseph ken Emma. Nagtalinaed da Joseph ken Oliver iti naladaw a panagsaritada maipapan kadagiti pinanid a balitok ken ti aramid ti Dios.

Saints, 1:60

Kinuna ni Oliver nga agsurat bayat ti panagipatarus ni Joseph. Impategna no ania ti nasursurona maipapan ken ni Jesus. Adda pay dagiti saludsodna ken kayatna ti natibtibker a pammati.

Saints, 1:61

Babaen ken ni Propeta Joseph, nangted ti Apo iti mensahe ken ni Oliver. Imbagana ken ni Oliver a lagipenna ti rabii a panagkararagna. Nangted ti Dios kenkuana iti talna. Ti Dios laeng ti nakaammo maipapan iti daytoy a kararag. Pimmigsa ti pammati ni Oliver. Intuloyna a tinulongan ni Joseph, ket insuro kenkuana ti Apo ti adu a banag maipapan iti no kasano a makisao ti Dios kadatayo.

Doktrina ken Katulagan 6:14–24; 8:1–3; 9:7–9; Saints, 1:62–64