“Umuna a Parmata ni Joseph Smith,” Dagiti Estoria iti Doktrina ken Katulagan (2024)

“Umuna a Parmata ni Joseph Smith,” Dagiti Estoria iti Doktrina ken Katulagan

1817–1820

Umuna a Parmata ni Joseph Smith

Maysa a sungbat iti napakumbaba a kararag

Ni Joseph Smith a dumdumngeg kadagiti tao a mangaskasaba maipapan kadagiti nadumaduma a pammatida iti relihion.

Iti lugar a nagnaedan ti pamilia ni Joseph Smith, adu dagiti simbaan a nangisuro maipapan ken ni Jesucristo. Insuroda iti amin a nadumaduma a banag maipapan Kenkuana. Saan a sigurado ni Joseph no asino ti husto. Ammona a kasapulanna ti Mangisalakan, ngem dina ammo no ania a simbaan ti pakikappenganna.

Joseph Smith—Pakasaritaan 1:5–6; Saints, 1:9

Ni Joseph Smith nga agtartrabaho iti talonna.

Napanunot ni Joseph maipapan iti daytoy iti napaut a panawen. Tinarigagayanna a mapakawan dagiti basolna; Sinarungkaranna ti adu a simbaan ngem natikaw pay laeng.

Joseph Smith—Pakasaritaan 1:8–10; Saints, 1:9–12

Ni Joseph Smith nga agbasbasa iti Biblia iti silaw ti kandela

Maysa nga aldaw, binasa ni Joseph ti Santaiago 1:5 iti Bibla. Kinunana a no kasapulantayo ti sirib, makapagdawattayo iti Dios. Ammo ni Joseph iti pusona a kastoy ti nasken nga aramidenna.

Joseph Smith—Pakasaritaan 1:11–13

Napan ni Joseph Smith iti kakaywan nga asideg iti pagtaenganna tapno agkararag.

Iti maysa nga agsapa ti napintas nga aldaw ti panagsusulbod idi 1820, napan ni Joseph iti kakaywan iti asideg ti pagtaenganna. Kayatna nga adda iti lugar a makapagmaymaysa tapno agkararag iti Nailangitan nga Ama.

Joseph Smith—Pakasaritaan 1:14–15

Ni Joseph Smith nga agkarkararag iti kakaywan.

Nagparintumeng ni Joseph ket nangrugi nga agkararag. Idi aramidenna, nakarikna iti bileg ti sairo a nangtengngel kenkuana. Nariknana ti kinasipnget iti aglawlawna. Kasla adda mangpadpadas a manglapped kenkuana a makisarita iti Dios. Inusar ni Joseph ti amin a pigsana a nagdawat iti Dios a mangisalakan kenkuana.

Joseph Smith—Pakasaritaan 1:15–16

Agparang ti Nailangitan nga Ama ken ni Jesucristo ken ni Joseph Smith. Agparintumeng ni Joseph Smith iti sanguananda.

Pagammuan, nakita ni Joseph ti napintas a naraniag a lawag a bumabbaba manipud langit. Pimmanaw ti sipnget, ket nariknana ti talna. Iti lawag, nakita ni Joseph ti Nailangitan nga Ama ken ni Jesucristo a nakatakder iti tangatang. Insao ti Nailangitan nga Ama ti nagan ni Joseph. Kalpasanna intudona ni Jesus ket kinunana: “Daytoy ti Ay-ayatek nga Anakko. Dumngegka Kenkuana!”

Joseph Smith—Pakasaritaan 1:16–17

Imbaga ni Jesus ken ni Joseph Smith a mapakawan dagiti basolna.

Imbaga ni Jesus ken ni Joseph a napakawanen dagiti basolna. Sinaludsod ni Joseph ken ni Jesus no ania a simbaan ti nasken a pakikappenganna. Kinuna ni Jesus a nasken nga awan ti pakippangenna kadagitoy.

Joseph Smith—Pakasaritaan 1:18–19; Saints, 1:16

Ni Joseph Smith, a nagparintumeng iti maysa a kakaywan, a dumdumngeg iti Mangisalakan.

Kinuna ni Jesus a napukaw dagiti napateg a kinapudno maipapan iti ebangheliona. Kinunana nga ibaonna dagiti anghel a mangisuro kadagitoy a kinapudno ken ni Joseph, tapno ibinglayna iti lubong.

Saints, 1:16–17

Ni Joseph Smith a magmagna manipud iti kakaywan nga agawid iti pagtaengan.

Kalpasan a naggibus ti sirmata, napno ni Joseph iti ayat ken rag-o. Saanen a natikaw pay. Ammona nga inayat isuna ti Dios. Nupay kinagura ti sumagmamano a tattao gapu iti panagkunana a nakitana iti parmata ti Nailangitan nga Ama ken ni Jesucristo, ammo ni Joseph Smith a pudno daytoy.

Joseph Smith—Pakasaritaan 1:20–26; Saints, 1:16