Dagiti Estoria iti Nasantuan a Kasuratan
Sarungkaran ni Anghel Moroni ni Joseph Smith

“Sarungkaran ni Anghel Moroni ni Joseph Smith,” Dagiti Estoria iti Doktrina ken Katulagan (2024)

“Sarungkaran ni Anghel Moroni ni Joseph Smith,” Doktrina ken Katulagan

1823

Sarungkaran ni Anghel Moroni ni Joseph Smith

Panangsursuro maipapan iti sagrado a libro

Ni Joseph Smith a kumitkita manipud iti tawa ti pagtaenganna.

Tallo a tawen ti napalabas manipud idi Umuna a Parmata ni Joseph Smith. Madi ti rikna ni Joseph maipapan kadagiti biddut nga inaramidna manipud idin. Napanunotna no kasano ti narikna ti Dios maipapan kenkuana.

Joseph Smith—Pakasaritaan 1:28–29; Saints, 1:20

Ni Joseph Smith nga agkarkararag iti abay ti katrena.

Maysa a rabii, kalpasan a nakaturog ti amin, inkeddeng ni Joseph ti agkararag. Sinungbatan ti Dios dagiti kararagna kasakbayanna, ket ammo ni Joseph a sungbatannanto manen dagitoy.

Joseph Smith—Pakasaritaan 1:29; Saints, 1:21–22

Agparang ni Moroni ken ni Joseph Smith.

Bayat ti panagkarkararag ni Joseph, pinunno ti lawag ti siled. Nakita ni Joseph ti maysa nga anghel a nakatakder iti angin iti abay ti katrena. Kinuna ti anghel a Moroni ti naganna. Imbaon isuna ti Dios. Imbagana a pinakawanen ti Dios ni Joseph ken adda trabaho nga aramidenna. Maammuanto dagiti tao iti intero a lubong ti maipapan ken ni Joseph ken ti trabaho nga inted ti Dios kenkuana.

Joseph Smith—Pakasaritaan 1:30–33

Ibaga ni Moroni ken ni Joseph Smith ti maipapan iti maysa a libro a naaramid kadagiti balitok a pinanid.

Kinuna ni Moroni nga adda libro a naaramid kadagiti balitok a panid wenno pinanid. Naikali daytoy iti maysa a turod iti asideg ti pagtaengan ni Joseph. Maipapan ti libro kadagiti tao nga nagnaed iti America iti nabayagen a panawen. Ammoda ti maipapan ken ni Jesucristo ken ti ebangheliona. Kinuna ni Moroni a tulongan ti Dios ni Joseph a mangipatarus iti libro tapno mabasa dagiti tao daytoy.

Joseph Smith—Pakasaritaan 1:34, 46

Kasarita ni Joseph Smith ti amana maipapan iti isasarungkar ni Moroni.

Namitlo a simmarungkar ni Moroni iti dayta a rabii ken naulit iti kabigatanna. Imbaga ni Joseph iti amana no ania ti nakitana. Naragsakan ti ama ni Joseph. Maysa a parmata manipud iti Dios,” imbagana ken ni Joseph.

Joseph Smith—Pakasaritaan 1:35–50; Saints, 1:22–25

Matakuatan ni Joseph Smith dagiti balitok a pinanid iti pandag ti maysa a bato.

Napan ni Joseph iti turod ket nasarakanna dagiti balitok a pinanid iti pandag ti nadagsen a bato. Idi madanonna dagitoy, pinampanunotna no mano a kuarta ti pategda. Immay ni Moroni ket imbagana ken ni Joseph a saan pay a nakasagana a mangala kadagiti pinanid. Imbagana ken ni Joseph nga agsubli ditoy a lugar iti tunggal tawen agingga a nakasagana.

Joseph Smith—Pakasaritaan 1:51–54; Saints, 1:25–27