Sucu Lal Joseph Smith

Sie Sucu Luhlahlfongi

Joseph Smith ac sucu lal ah tuhkweni orekma ke imac lalos ah.

Joseph Smith el isuslac ke Tisacmpuh 23, 1805, in acn acir kuhtuhlacp United States. Pahpah tuhmwacl ah oacyacpac pahngpahng Joseph. Inen ninac kiacl ah pa Lucy. Puhkantwen mukul ac muhtwacn wiacl. Sucu lal Joseph ah mwet imac. Eltahl luhlahlfongi ke God ac luhngse sie sin sie.

Joseph Smith—Sramsram Mahtuh 1:3–4

Joseph Smith oacna sie tuhlihk mukul srihsrihk. niyacl lacsac lal ah pihplac ke pacntet se. Ninac kiacl ah fosrngah sel.

Ke Joseph el srihk ac, oasr mas se lal ma pwacnacng ma sikyak ke niacl uh. Ahkngalyacl na pwacye. Sucu lal Joseph ah srihke in kahsrwel, tuhsruhk niacl srackna ngal na upac. Taktuh ah srihke in oraclah niacl in wolac, tuhsruhk eltahl tiac kuh.

Mwet Luhlahlfongi, 1:7

Joseph Smith oacn ke pet lal ah. Tamuhlwel wiacl ah sikuck muhtuhntei sisken pet lal ah. Ninac kiacl ah sramsram nuh sin taktuh lal tohkohltahl.

Taktuh sac fahk muh eltahl enenuh in pakwelah niacl Joseph in sefiyac moul lal ah. Tuhsruhktuh ninac kiacl ah tiacna lwelah. El siyuck lah oasr kuhtwena inkacnek sahyac in kahsrwel Joseph. Taktuh sac otwelah in tari suhpuhklah kuhtuh ip ke srin niacl ah. Joseph el etuh lah ac ngal, tuhsruhk oasr luhlahlfongi lal muh God elac kahsrwel.

Mwe Luhlahlfongi, 1:7

Taktuh lal Joseph ah is nuh sel mwe sruhi nuhke laslas se ke nial ah. Joseph el sruhnga. Pahpah tuhmwacl ah sruokilyac.

Taktuh sac ke sang nuh sel Joseph mwe sruhi sac elan nihm in muh ahkmahtoltolyelah ngal ah. Tuhruhk Joseph el fahk muh moh. El luhngse na pahpah tuhmwacl ah in sruokilyac.

Mwet Luhlahlfongi, 1:7

Ninac kiacl Joseph ah som liki infuckihl sac ke taktuh sac ahkolah in muhtwacwack orekma.

Joseph el siyuck ninac kiacl ah in tufoki nuh lukunum ac. El sruhnga elan liyacl ke elac ngal ke taktuh sac sihpihk niacl uh.

Taktuh se oruh laslas ke niacl Joseph Smith. Pahpah tuhmwacl ah sruokilyac in sang kahsruh.

Pahpah tuhmwacl Joseph ah sruokilyac ke pacl se taktuh sac suhpuhklah acn koluk ke srin niacl ah. Ma se inge arulacna ngal, tuhsruhk God el kahsrwel Joseph in puhlaik. Tukun kuhtuh yac, niacl Joseph wolac kuhtuh, tuhsruhk srackna ngal ke fahsr uh.

Mwet Luhlahlfongi, 1:6–7

Joseph Smith ac sucu lal fin acn New York. Eltahl orekma ke sahk mepuhl.

Ke Joseph el mahtuhack, sucu lal ah mukuilac nuhke stet New York. Sucu lal Joseph ah suhkahsruhp. Eltahl orekma upac in muh oasr mongo nacn sucu laltal ah. Joseph el tuhlihk mukul wowo se. El engan ac luhngse isrwacsr ac ahkpwacr.

Mwet Luhlahlfongi,1:5–9

Sucu lal Joseph Smith ah tuhkweni muhta mihslac ke tepuh in ekuh ah.

Sucu lal Joseph Smith ah luhngse Jisus Kraist. Eltahl tuhkweni pruhe ac riti Pwacpuhl. Tuhsruhktuh pahpah ac ninac kiacl Joseph ah nihkihn lah piac alu se ma eltahl ac wi uh. Sie fong ah, ninac kiacl Joseph ah, Lucy, pruhe ac fahk nuh sin God lah el ke konwacack Alu pwacye luhn Jisus Kraist. God el topuk pruhe lal ah ac olweacng muh elac konwacack.

Mwet Luhlahlfongi, 1:10–11