Aruhruhma Se Met Lal Joseph Smith

Sie top nuhke sie pruhe puhsisacl

Joseph Smith el lohng mwet ma luti ke kain in luhlahlfongi ke alu lalos.

Ke acn ma sucu lal Joserph Smith ah muhta we ah, arulacna puhkantwen alu ma luti kacl Jisus Kraist. Elos nuhkwewa luti ma tiac oacna sie Kacl. Joseph el koflah etuh lah suc kac pwacye. El etuh lah el enenuh Mwet Lahngo, tuhsruhk el tiac etuh lah piac kac alu elac weacng uh.

Joseph Smith—Sramsram mahtuh 1:5–6,Mwet Luhlahlfongi, 1:9

Joseph el nuhnkuh ke ma se inge ke pacl na loes. El ke in nuhnak muhnahs nuh sel ke ma koluk lal. El muhtwacta nuhke alu puhs, tuhsruhk el srackna puhla fohswack.

Joseph Smith—Sramsram mahtuh 1:8–10; Mwet Luhlahlfongi, 1:9–12

Joseph Smith el riti Pwacpuhl ke kahlwem luhn e.

Sie lwen ah, Joseph el riti Jemes 1:5 ke Pwacpuhl ah. Fahk muh kuht fin enenuh lahlmwetmwet, kuht kuh in siyuck sin God. Joseph el etuh insiacl lah pa inge ma se el enenuh in oruh uh.

Joseph Smith—Sramsram Mahtuh 1:11–13

Joseph el som nuh insack ah sisken lohm sel ah in pruhe.

Ke lututwacng woclacna se ke lwen spring in 1820, Joseph el som nuh insack ah sisken lohm sel ah. El luhngse asr acn se ma elac kuhn in muhkwena in pruhe nuh sin Pahpah Lucng.

Joseph Smith—Sramsram Mahtuh 1:14–15

Joseph el sikuck muhtuhntei ac muhtwacwacack in pruhe. Ke el oruh ah, el puhla sie ma koluk fokoko apuhnuhllah. El puhla lohsr raunwellah. Oacna ke mwet se srihke in tulokihnilyac in tiac sramsram nuh sin God. Joseph el sang kwewa kuhiyacl in siyuck God lan molwellah.

Joseph Smith—Sramsram Mahtuh 1:15–16

Pahpah Lucng ac Jisus Kraist sikyang nuh sel Joseph Smith. El sikuck muhtuhntei ye muhtahlos.

Tiac paht, Joseph el liye sie kahlwem wolacna tuhkuh lucng me liki kuhsrao. Lohsr sac wacngihnlac, ac el puhla mislac. Ke kahlwem sac, Joseph el liye Pahpah Lucng ac Jisus Kraist tu yen engyeng uh. Pahpah Lucng el fahk inel Joseph. Na el srihsrihsr nuh yohruhl Jisus ac fahk, “Pa inge Wen Kuloh Nuhtihk. Lohnguhl!”

Joseph Smith—Sramsram Mahtuh 1:16–17

Jisus el fahk nuh sel Joseph Smith lah ma koluk lal nuhnak muhnahs nuh sel.

Jisus el tuh fahk nuh sel Joseph muh ma koluk lal ah tuh nuhnak muhnahs kac. Joseph el siyuck sel Jisus lah piac alu el enenuh in wi uh. Jisus el fahk muh elan tiac wi oacna sie seltahl.

Joseph Smith—Sramsram mahtuh 1:18–19; Mwet Luhlahlfongi, 1:16

Joseph Smith, sikuck muhtuhntei ke un sahk, lohng Mwet Lahngo.

Jisus el fahk lah ma pwacye yohk srihpac ke wosasuc Lal tuhlac. El fahk lah Elac suhpwacma lupufacn in luti ke ma pwacye inge nuh sel Joseph, in akacsruhi kac nuh sin facluh.

Mwet Luhlahlfongi, 1:16–17

Joseph Smith el tuhkuh liki insack uh nuh lohm ah.

Ke sahflah aruhruhma sac, Joseph el sesseslah ke luhngse ac engan. El tia sulpac fohswack. El etuh lah God el luhngse el. Finne kuhtuh mwet uh sruhngwacl ke el fahk muh el liyacl Pahpah Lucng ac Jisus Kraist, Joseph el etuh lah pwacye.

Joseph Smith—Sramsram mahtuh 1:20–26; Mwet Luhlahlfongi, 1:16