Lupufacn Ah Fohlohkuhnma Pristut

Kuh in oruh orekma luhn God

Joseph Smith ac Oliver Cowdery sramsram, weacng nguhnal Jisus ac mwet muhta Macrike met ah.

Ke Joseph ac Oliver luhngaslah kol plet ah, eltahl etwacack lah Jisus el kena mwet nuhkwewa in pacptaislac. El oacyacpac sang kuh nuh sin mwet in pacptaisi mwet sahyac. Joseph el sonna pacptaislac. El ke etuh yohk ke pacptais.

Joseph Smith—Sramsram Mahtuh 1:68; Mwet Luhlahlfongi, 1:65–66

Joseph Smith ac Oliver Cowdery oasr insack ah, sikuck muhtuhntei pruhe.

Joseph ac Oliver motko lah suc oasr kuh la in pacptaisi mwet uh ingena. Eltahl sulaclah in siyuck sin God. Eltahl som nuh insack ah ac sikuck muhtuhntei in pruhe.

Joseph Smith—Sramsram Mahtuh 1:68; Mwet Luhlahlfongi, 1:66

Lupufacn se, John the Baptist, el sang nuh sel Joseph Smith Aaronic Pristut.

Ke eltahl pruhe, sie lupufacn sikyak. El fahk muh el pa John the Baptist, suc pacptaisellah Jisus Kraist ke pacl loeloes somlah. El sang nuh sel Joseph ac Oliver Aaronic Pristut. Pristut pa kuh luhn God. El orekmakihnyuck in ahkinsewowoye tuhlihk nuhtin God.

Olweacng ac Wuhlweacng 13; Joseph Smith—Sramsram Mahtuh 1:69,72; Mwet Luhlahlfongi, 1:66–67

Joseph Smith el pacptaisellah Oliver Cowdery ke infacl soko.

John the Baptist el fahk lah mwet oasr Aaronic Pristut yohroh kuh in luti mwet uh in auliyak ac pacptaiseltahllah. John el fahk nuh sel Joseph ac Oliver in pacptaislac. Eltahl tuhkweni som nuh infacl ah ac pacptaiselah sie sin sie. Ke eltahl tuhkuh liki infacl ah, eltahl sesseslah ke Nguhn Muhtahl. Eltahl tuh arulacna engan!

Joseph Smith—Sramsram Mahtuh 1:70–73

Peter, James, ac John sang nuh sel Joseph Smith Melchizedek Pristut.

Tok kuhtuh, kutuh pac lupufacn tuhkuh Tolu sin Mwet Sap luhn Jisus—Peter, James, and John—sang nuh sel Joseph ac Oliver Melchizedek Pristut. Ingena Joseph ac Oliver kuh in sang mwe sang luhn Nguhn Muhtahl. Joseph ac Oliver eklac Mwet Sap pac. Eltahl kuh in kol Alu uh ac in mwet loh yohk srihpac luhn Jisus Kraist.

Olweacng ac Wuhlweacng 27:12; Mwet Luhlahlfongi, 1:84