Joseph ac Emma

Tuhkweni orekma in use nuh facluh Puk luhn Mormon.

Emma Hale el muhta sisken infacl soko apkuhran nuh lohm sel ah.

Emma Hale el kapkapwack in sucu luhlahp se fin acn Pensuhlfenia, tiac loes nuh New York, ma Joseph Smith el muhta we ah. Emma ac sucu lal ah luhlahlfongi ke God. Emma el luhngse rit, on, kahsruhsr fin ohsr, ac kalkal fin oak ke infacl soko sisken lohm sel ah.

Mwet Luhlahlfongi, 1:31–32

Joseph Smith ac pahpah tuhmwacl ah fahlac sisken lohm sel Emma ah. Emma el ngetlah ke winto sac ac akihlacnuhl Joseph.

Ke Emma el yac 21, Joseph Smith ac pahpah tuhmwacl ah tuhkuh in orekma luhn sie mwet tuhlan lal Emma ah. Pahpah tuhmwacl Emma ah solwacltahl in muhta lohm sel ah.

Joseph Smith—Sramsram Mahtuh 1:56–57; Mwet Luhlahlfongi, 1:31–32

Joseph ac Emma tuhkweni sramsram lukunum sel Emma ah. Pahpah ac ninac kiacl Emma ah tu ke sruhnguhl ah.

Joseph ac Emma aetuhilac sie sin sie. Eltahl luhngse tuhkweni. Tuhsruhktuh pahpah ac ninac kiacl Emma ah sruhngwacl Joseph. Eltahl tiacna luhlahlfongi muh el liye lupufacn se.

Mwet Luhlahlfongi, 1:32–33

Emma ac Joseph tuhkweni muhta fin sle ulyuck sin ohsr ah.

Apkuhran in yac se tohkoh, Joseph el siyuck sel Emma lacn pahyuckyak sel. Emma ac Joseph a luhngsei. Eltahl pahyuckyak ac som muhta yurin pahpah ac ninac kiacl Joseph ah fin acn New York.

}Joseph Smith—Sramsram Mahtuh 1:57–58; Mwet Luhlahlfongi, 1:34–35

Emma ac Joseph muhta fin mwe wiwac ulyuck sin ohsr som nuh insack ah.

Yac ahkosr somlah tukun Moroni el sruhmuhn kol, plet ah nuh sel Joseph. Ke sun pacl sac, Emma ac Joseph som nuhke ohl ah nuhke acn se plet ah pihkihnyucki we ah.

Joseph Smith—Sramsram Mahtuh 1:59;Mwet luhlahlfongi,1:36–37

Moroni el sang kol plet ah nuh sel Joseph Smith.

Lupufacn Moroni el ohsun nuh sel Joseph fin ohl ah ac sang nuh sel plet ah. El fahk nuh sel Joseph muh el fin sang kuhiyacl in karihngihn plet ah, eltahl ac sef.

Joseph Smith—Sramsram Mahtuh 1:59; Mwet luhlahlfongi, 1:37–38

Joseph Smith el us kol plet ah. Mwet se ukwoacl ac srihke in eslah plet ah.

Mwet uh lohng lah oasr yohruhl Joseph kol plet ah, ac kuhtuh selos srihke in pihsrwaclah plet ah sel. Joseph el enenuh in konwacack acn in okanwuhltahllah we. Ke Joseph el us plet ah liki acn in wihkwihk se insack ah, kuhtuh mukul acnwuck nuh sel. El nonwacltahluh ac kahsruhsr nuh lohm sin pahpah ac ninac kiacl ah.

Joseph Smith—Sramsram Mahtuh 1:60; Mwet luhlahlfongi, 1:38, 40–41

Joseph Smith el use kol plet ah nuh lohm ah ac sang sucu lal ah in kahlyac plet ah.

Ke Joseph el use plet ah nuh lohm ah, muhtwacn se wiacl ah kahswrel akiac fin tepuh ah. Moroni el fahk nuh sel Joseph in tiac sang mwet liye plet ah, tuhsruhk sucu lal ah kuh in puhla plet ah ke eltahl nukumyucklac ke nuknuk.

Mwet Luhlahlfongi, 1:41

Emma ac Joseph som nuhke sie lohm sasuc.

God el kena Joseph lan luhngaslah kol plet ah mwet uh in muh kuh in riti. Tuhsruhktuh mwet fin acn New York srackna srihke in pihsrwaclah plet ah. Joseph el enenuh in ukun na ukun plet ah eltahl in sef. Na Joseph ac Emma som nuhke lohm se fototo nuhke lohm sin pahpah ac ninac kiacl Emma ah. Eltahl finsrak muh eltahl ac kuh in luhngaslah plet ah ke mislac.

Joseph Smith—Sramsram Mahtuh 1:61–62; Mwet Luhlahlfongi, 1:43, 45–46

Joseph Smith el ngokyac motonsrol Emma. El kahsrwel in luhngas liki kol plet ah.

Joseph el muhtwacwacack in luhngas plet ah. El orekmakihn kuhfwen orekma na sacohk ma God el ahkolah in sang kahsrwel. Ke Joseph el lweng, Emma el sihmihs ma el fahk ah. Ao nuhke ao eltahl tuhkweni orekma. Emma el fwefwelac. El etuh lah mukul tuhmwacl ah lweng ke kuh luhn God.

Joseph Smith—Sramsram Mahtuh 1:35; Mwet Luhlahlfongi, 1:49