1823

Lupufacn Moroni El Muhtwacta Yohruhl Joseph Smith

Lutlut ke sie puk muhtahl

Yac tolu somlah tukun Aruhruhma Se Met Lal Joseph Smith ah. Joseph el puhla koluk ke kuhtuh tahfonglac el oraclac ke pacl sac me. El nuhnkuh lah oacna fuhkah puhla luhn God kacl.

Joseph Smith—Sramsram mahtuh 1:28–29; Mwet Luhlahlfongi, 1:20

Sie fong ah, tukun mwet nuhkwewa mutullac, Joseph el sulaclah lacn pruhe. God el topuk pruhe puhs lal met, ac Joseph el etuh lah Elac sifil tohpohkuhltahl pac.

Joseph Smith—sramsram mahtuh 1:29; Mwet Luhlahlfongi, 1:21–22

Ke Joseph el pruhe ah, kahlwem se nwacklah infuckihl sac. Joseph el liye lupufacn se tu lucng sisken pet lal ah. Lupufacn sac fahk muh inel pa Moroni. God el suhpwaclma. El fahk muh God el nuhnak muhnahs nuh sel Joseph ac oasr orekma se elac fah oruh. Mwet nuhkwewa fin facluh nohfohn fah etuh kacl Joseph ac orekma se God el sang nuh sel uh.

Joseph Smith—Sramsram Mahtuh 1:30–33

Moroni el fahk lah oasr puk se oreklac ke sra kol kuh plet. Pihkihnyucki ke ohl soko sisken lohm sel Joseph ah. Puk sac ma ke mwet ma muhta Macrike ke pacl lwoelwoes somlah ah. Elos etuh met ke Jisus Kraist ac wosasuc Lal. Moroni el fahk lah God elac kahsrwel Joseph luhngaslah puk sac mwet nuhkwewa in muh kuh in riti.

Joseph Smith—Sramsram Mahtuh 1:34, 46

Moroni el fahsr pacl tolu ke fong sac ac sulpac lwen tok ah. Joseph el fahk nuh sin pahpah tuhmwacl ah ma el liye ah. Pahpah tuhmwacl Joseph ah engan. “El aruhruhma se sin God me,“ el fahk nuh sel Joseph.

Joseph Smith—Sramsram Mahtuh 1:35–50; Mwet Luhlahlfongi, 1:22–25

Joseph el som nuhke ohl ah ac konwacack kol plet ah ye yot na toasr se. Ke el saplakyang nuhkac, el motko lah oacna luhpahkah mani kac uh. Moroni el tuhkuh ac fahk nuh sel Joseph muh el sonna ahkolah in uslah plet ah. El fahk nuh sel Joseph elan fohlohk nuhke acn se inge ke kais sie yac nuhke el ahkolah.

Joseph Smith—Sramsram Mahtuh 1:51–54; Mwet Luhlahlfongi, 1:25–27