1828–1829

Leum El Suhpwacllah Oliver Cowdery

Lotwelah lah Leum el sramsram nuh sesr fuhkah

Joseph ac Emma srackna luhngas Puk luhn Mormon. Orekma se inge upac, ac eltahl enenuh in orekma ke imac laltahl ah. Joseph el pruhe tuh Pahpah Lucng elan suhpwacma sie mwet ah in kahsrwel luhngas Puk luhn Mormon.

Mwet Luhlahlfongi,1:56, 58

Yen loesuhlah fin acn New York, Oliver Cowdery, sie mukul fuhsr mwet luti in lutlut, muhta yurin ninac ac pahpah tuhmwacl Joseph smith ah. Oliver el tuh luti tuhlihk mukul ac muhtwacn srihsrihk wiacl Joseph Smith ah.

Mwet Luhlahlfongi, 1:58–59

Oliver el lohng kacl Joseph Smith ac plwet kol ah. El ke etuh na pwacye. El sramsram nuh sin pahpah ac ninac kiacl Joseph ah. Eltahl fahk nuh sel Oliver lah Joseph el oruh orekma luhn God.

Mwet Luhlahlfongi,1:59

Ingena Oliver el arulacna ke etuh yohk likina met ah. Pahpah ac ninac kiacl Joseph ah fahk nuh sel Oliver muh el enenuh in konwacack sel sifacna lah orekma luhn God pa inge. Na sie fong ah, Oliver el pruhe ke insiacl nohfohn. God el sang mislac nuhke nuhnak lal. Oliver el etuh lah Joseph Smith el mwet kuhlwacnsap se luhn God. El puhla muh el enenuh in kahsrwel Joseph.

Mwet Luhlahlfongi,1:60

Ke yac in lutlut sac sahflah ah, Oliver el som in ohsun nuh sel Joseph ac Emma. Joseph ac Oliver ngetnget pahtlac ke eltahl sramsramkihn plet kol ah ac orekma luhn God.

Mwet Luhlahlfongi,1:60

Oliver el fahk muh el fah sihm na Joseph el lweng. El luhngse ma el tuh lotwelah kacl Jisus ah. Oasr kihsen siyuck pac lal ac luhngse luhlahlfongi fokoko.

Mwet Luhlahlfongi, 1:61

Tuhkuh kacl Joseph Smith, Leum el sang nuh sel Oliver sie pweng. El fahk nuh sel Oliver in esam fong se el tuh pruhe ah. God el sang tari nuh sel mislac. God muhkwena etuh ke pruhe se. Luhlahlfongi lal Oliver ah fokokoi. El sikalweni in kahsrwel Joseph, na Leum el lotwel ma puhs in etuh lah God el sramsram nuh sesr fuhkah.

Olweacng ac Wuhlweacng 6:14–24; 8:1–3; 9:7–9; Saints, 1:62–64