“Si Anghel Moroni Mibisita ni Joseph Smith,” Mga Istorya sa Doktrina ug mga Pakigsaad (2024)

“Si Anghel Moroni Mibisita ni Joseph Smith,” Mga Istorya sa Doktrina ug mga Pakigsaad

2:29

Si Anghel Moroni Mibisita ni Joseph Smith

Ang pagkat-on mahitungod sa sagradong basahon

Si Joseph Smith nga namintana didto sa iyang balay.

Tulo ka tuig ang milabay sukad sa Unang Panan-awon ni Joseph Smith. Lain ang gibati ni Joseph bahin sa pipila ka sayop nga iyang nahimo sukad niadto. Naghunahuna siya unsa kahay gibati sa Dios bahin kaniya.

Joseph Smith—Kasaysayan 1:28–29; Mga Santos, 1:20

Si Joseph Smith nga nag-ampo dapit sa kilid sa iyang higdaanan.

Usa ka gabii, human nga natulog na ang tanan, mihukom si Joseph nga mag-ampo. Gitubag sa Dios ang iyang mga pag-ampo kaniadto, ug nasayod si Joseph nga Siya motubag na usab niini.

Joseph Smith—Kasaysayan 1:29; Mga Santos, 1:21–22

Samtang nag-ampo si Joseph, ang kahayag mipuno sa lawak. Nakakita si Joseph og usa ka anghel nga nagbarog sa hangin dapit sa iyang higdaanan. Miingon ang anghel nga ang iyang ngalan si Moroni. Gipadala siya sa Dios. Miingon siya nga ang Dios mipasaylo ni Joseph ug dunay buluhaton nga ipabuhat kaniya. Ang mga tawo sa tibuok kalibotan masayod bahin ni Joseph ug sa buluhaton nga gihatag sa Dios kaniya.

Joseph Smith—Kasaysayan 1:30–33

Giingnan ni Moroni si Joseph Smith bahin sa usa ka basahon nga hinimo sa bulawang mga palid.

Miingon si Moroni nga adunay basahon nga hinimo sa bulawang mga pahina, o mga palid. Gilubong kini sa usa ka bungtod duol sa panimalay ni Joseph. Ang basahon bahin sa katawhan nga nagpuyo sa Amerika dugay nang panahon ang milabay. Nasayod sila bahin ni Jesukristo ug sa Iyang ebanghelyo. Miingon si Moroni nga ang Dios motabang ni Joseph sa paghubad sa basahon aron mabasa kini sa mga tawo.

Joseph Smith—Kasaysayan 1:34, 46

Nakig-istorya si Joseph Smith sa iyang amahan bahin sa pagbisita ni Moroni.

Mibisita si Moroni tulo ka higayon niana nga gabii ug pagkasunod adlaw usab. Gisultihan ni Joseph ang iyang amahan sa unsay iyang nakita. Ang amahan ni Joseph nalipay. “Usa kadto ka panan-awon gikan sa Dios,” giingnan niya si Joseph.

Joseph Smith—Kasaysayan 1:35–50; Mga Santos, 1:22–25

Nadiskobrehan ni Joseph Smith ang bulawang mga palid ilawom sa dakong bato.

Miadto si Joseph sa bungtod ug nakita ang mga palid ilawom sa bug-at nga bato. Dihang gikab-ot niya kini, naghunahuna siya sa gidak-on sa kantidad niini. Mitungha si Moroni ug giingnan si Joseph nga dili pa siya andam nga mokuha sa mga palid. Giingnan niya si Joseph nga mobalik dinhi niini nga dapit matag tuig hangtod nga andam na siya.

Joseph Smith—Kasaysayan 1:51–54; Mga Santos, 1:25–27