“Ang Ginoo Mipadala ni Oliver Cowdery,” Mga Istorya sa Doktrina ug mga Pakigsaad (2024)

“Ang Ginoo Mipadala ni Oliver Cowdery,” Mga Istorya sa Doktrina ug mga Pakigsaad

1828–1829

3:11

Ang Ginoo Mipadala ni Oliver Cowdery

Pagkat-on kon unsaon sa Dios sa pagpakigsulti kanato

Si Joseph ug Emma Smith nga nagtrabaho sa atubangan sa ilang gamay nga panimalay.

Si Joseph ug Emma padayong naghubad sa Basahon ni Mormon. Lisod ang buluhaton, ug kinahanglan usab silang motrabaho sa ilang uma. Nag-ampo si Joseph nga ang Langitnong Amahan mopadala og tawo nga motabang niya sa paghubad sa Basahon ni Mormon.

Mga Santos, 1:56, 58

Si Oliver Cowdery nga nagbagting sa kampana sa eskwelahan.

Layo kaayo didto sa New York, si Oliver Cowdery, usa ka batan-on nga titser sa eskwelahan, nagpuyo uban sa mga ginikanan ni Joseph Smith. Gitudloan ni Oliver ang mga manghod ni Joseph.

Mga Santos, 1:58–59

Si Oliver Cowdery nga naglingkod duol sa daob ug nakig-istorya sa mga ginikanan ni Joseph Smith.

Nadunggan ni Oliver ang mahitungod ni Joseph ug sa bulawang mga palid. Nakuryuso siya. Nakigsulti siya sa mga ginikanan ni Joseph. Gisultihan nila si Oliver nga si Joseph nagbuhat sa buluhaton sa Dios.

Mga Santos, 1:59

Si Oliver Cowdery nga nagluhod kilid sa iyang higdaanan ug nag-ampo aron mahibalo og daghan pa mahitungod ni Joseph Smith.

Karon si Oliver mas nakuryuso pa. Ang mga ginikanan ni Joseph miingon ni Oliver nga kinahanglan siyang mag-ampo aron mahibalo sa iyang kaugalingon kon kini buhat ba sa Dios. Mao nga usa ka gabii, nag-ampo si Oliver sa tibuok niyang kasingkasing. Gihatagan siya sa Dios og kalinaw sa iyang hunahuna. Nasayod si Oliver nga si Joseph Smith sulugoon sa Dios. Gibati niya nga kinahanglan siyang motabang ni Joseph.

Mga Santos, 1:60

Si Oliver Cowdery ug si Joseph Smith nga naglingkod duol sa kalayo. Si Emma naggunit og pipila ka pahina sa manuskrito.

Dihang natapos na ang tuig ting-eskwela, miadto si Oliver aron makighimamat ni Joseph ug Emma. Si Joseph ug Oliver dugay nga nangatulog nga naghisgot bahin sa bulawang mga palid ug sa buluhaton sa Dios.

Mga Santos, 1:60

Si Oliver Cowdery nga nagsulat diha sa pahina sa manuskrito.

Miingon si Oliver nga siya ang magsulat samtang maghubad si Joseph. Giganahan siya sa unsay iyang nakat-onan mahitungod ni Jesus. Duna usab siyay nga pangutana ug gusto nga mas molig-on ang pagtuo.

Mga Santos, 1:61

Si Oliver Cowdery ug si Joseph Smith nga naglingkod sa mga lingkoranan duol sa bintana.

Pinaagi ni Propeta Joseph, ang Ginoo mihatag kang Oliver og usa ka mensahe. Gisultihan Niya si Oliver nga hinumdoman ang gabii dihang nag-ampo siya. Gihatagan siya sa Dios og kalinaw. Ang Dios lamang ang nasayod mahitungod niini nga pag-ampo. Ang pagtuo ni Oliver mas nalig-on. Padayon niyang gitabangan si Joseph, ug ang Ginoo mitudlo kaniya og daghang butang mahitungod kon unsaon sa Dios sa pagpakigsulti kanato.

Doktrina ug mga Pakigsaad 6:14–24; 8:1–3; 9:7–9; Mga Santos, 1:62–64