1829

Mga Anghel Mipahiuli sa Pagkapari

Gahom sa pagbuhat sa buluhaton sa Dios

Dihang si Joseph ug Oliver naghubad sa bulawang mga palid, nahibaloan nila nga si Jesus gusto nga ang tanan mabunyagan. Mihatag usab Siya sa katawhan og gahom sa pagbunyag sa uban. Si Joseph wala pa mabunyagi. Gusto siyang masayod pa og dugang mahitungod sa bunyag.

Joseph Smith—Kasaysayan 1:68; Mga Santos, 1:65–66

Naghunahuna si Joseph ug si Oliver kon si kinsa kaha ang dunay gahom sa pagbunyag sa mga tawo karon. Nakahukom sila nga mangutana sa Dios. Nangadto sila sa kakahoyan ug nangluhod aron sa pag-ampo.

Joseph Smith—Kasaysayan 1:68; Mga Santos, 1:66

Dihang nag-ampo sila, usa ka anghel mipakita. Miingon siya nga siya si Juan Bautista, kinsa mibunyag ni Jesukristo dugay na nga panahon ang milabay. Gihatag niya kang Joseph ug Oliver ang Aaronic nga Pagkapari. Ang pagkapari mao ang gahom sa Dios. Gigamit kini sa pagpanalangin sa mga anak sa Dios.

Doktrina ug mga Pakigsaad 13; Joseph Smith—Kasaysayan 1:69, 72; Mga Santos, 1:66–67

Miingon si Juan Bautista nga ang tawo nga dunay Aaronic nga Pagkapari makatudlo sa mga tawo sa paghinulsol ug makabunyag nila. Giingnan ni Juan si Joseph ug Oliver sa pagpabunyag. Nangadto sila sa suba ug nagbunyag sila sa usag usa. Dihang mikawas sila sa tubig, napuno sila sa Espiritu Santo. Nangalipay kaayo sila!

Joseph Smith—Kasaysayan 1:70–73

Wala madugay, uban pang mga anghel ang nangabot. Ang tulo ka mga Apostoles ni Jesus—si Pedro, Santiago, ug Juan—mihatag kang Joseph ug Oliver sa Melchizedek nga Pagkapari. Karon si Joseph ug Oliver makahatag na sa gasa sa Espiritu Santo. Si Joseph ug Oliver nahimong mga Apostoles usab. Makahimo na sila sa pagpangulo sa Simbahan ug mahimong espesyal nga mga saksi ni Jesukristo.

Doktrina ug mga Pakigsaad 27:12; Mga Santos, 1:84