“Si Martin Harris Nagtabang ni Joseph,” Mga Istorya sa Doktrina ug mga Pakigsaad (2024)

“Si Martin Harris Nagtabang ni Joseph,” Mga Istorya sa Doktrina ug mga Pakigsaad

1828–1829

4:39

Si Martin Harris Nagtabang ni Joseph

Pagkat-on nga mosalig sa Ginoo

Si Martin Harris ug ang iyang asawa mitimbaya ni Joseph ug Emma Smith.

Usa ka adlaw, samtang si Joseph ug Emma nagpuyo sa Pennsylvania, usa ka higalang ginganlan og Martin Harris miadto sa pagbisita nila. Si Martin nanag-iya og dakong umahan sa New York. Nahibaloan niya ang mahitungod sa buluhaton ni Joseph bahin sa bulawang mga palid. Nakatabang na siya ni Joseph kaniadto, ug karon gusto siyang masayod kon duna pa siyay ikatabang.

Mga Santos, 1:49

Gipadul-an nga paghulagway kang Martin Harris. Nagbarog siya sa kusina sa panimalay ni Joseph ug Emma Smith.

Si Joseph ug Emma mapasalamaton. Daghang tawo nagtuo nga namakak si Joseph. Maayo nga dunay higala sama ni Martin kinsa mituo nga tinuod ang bulawang mga palid.

Mga Santos, 1:49

Si Joseph ug Emma Smith nga nagbarog sulod sa ilang panimalay uban ni Martin Harris. Si Joseph ug Martin naggunit sa mga palid sa manuskrito.

Samtang naghubad si Joseph sa mga palid, gisulat ni Martin ang iyang gisulti. Mahinamon si Martin nga makatabang sa Ginoo niining talagsaon nga buhat.

Mga Santos, 1:50

Si Martin ug Lucy Harris nga naglalis atubang sa ilang karwaheng giguyod og kabayo.

Ang asawa ni Martin, si Lucy, wala malipay. Wala siya motuo nga si Joseph aduna gayoy bulawang mga palid. Nagtuo siya nga gilingla ra ni Joseph si Martin. Gusto niya nga mopauli si Martin sa New York ug ihunong ang pagtabang kang Joseph.

Mga Santos, 1:49–50

Si Joseph Smith nga naggunit og usa ka pahina sa manuskrito. Si Martin Harris nga naghangyo kang Joseph nga hulaman ang manuskrito aron ipakita sa iyang asawa.

Apan si Martin padayon nga nagtrabaho kauban ni Joseph. Naghunahuna siya nga kon makabasa si Lucy sa unsay ilang gitrabaho, motuo usab siya. Gihangyo niya si Joseph kon mahimo bang dad-on niya ang mga pahina nga ilang nahubad sa New York aron ipakita sa iyang asawa. Miingon si Joseph nga mag-ampo siya ug mangutana sa Dios.

Mga Santos, 1:50–51

Si Joseph Smith nga nag-ampo aron mangutana sa Dios kon mahimo bang hulaman ni Martin Harris ang manuskrito.

Gisultihan sa Dios si Joseph nga dili ipadala kang Martin ang mga palid. Mihangyo si Martin nga mag-ampo og usab si Joseph. Nag-ampo si Joseph, ug nakadawat og mao gihapon nga tubag. Apan si Martin ganahan gyod nga ikapakita ngadto sa iyang asawa ang mga palid, ug si Joseph gustong motabang sa iyang higala. Nag-ampo si Joseph sa ikatulong higayon. Niining higayona giingnan sa Dios si Joseph nga pwede ra siyang mohukom unsay buhaton.

Mga Santos, 1:51

Si Martin Harris nga naggunit sa mga pahina sa manuskrito. Si Joseph Smith sa luyo, makita nga nagguol.

Gisultihan ni Joseph si Martin nga mahimo niyang dad-on sa New York ang mga palid, apan ipakita lamang niya kini ngadto sa piho nga mga sakop sa pamilya. Ug kinahanglan niyang ibalik ang mga pahina sulod sa duha ka semana. Miuyon si Martin ug mibiya dala ang mga pahina.

Mga Santos, 1:51

Si Joseph Smith nga nagluhod dapit sa gilubngan sa iyang anak nga namatay.

Samtang wala si Martin, usa ka bata ang natawo ngadto ni Joseph ug Emma. Apan ang bata namatay, ug si Emma nasakit. Nagguol kaayo si Emma ug Joseph.

Mga Santos, 1:51–52

Si Joseph nabalaka mahitungod ni Emma. Nabalaka usab siya mahitungod ni Martin. Duha ka semana ang milabay, ug wala pa mabalik si Martin. Nagguol usab si Emma.

Mga Santos, 1:52

Si Martin Harris nga naglingkod sa may lamesa, nga nakig-istorya kang Joseph Smith ug sa iyang mga ginikanan.

Gisultihan ni Emma si Joseph nga moadto sa New York aron pangitaon si Martin. Nagkita si Joseph ug Martin didto sa balay sa iyang mga ginikanan. Dihang nangutana si Joseph kang Martin bahin sa mga palid, nagguol kaayo si Martin. Miingon siya nga nawala ang mga palid. Gipangita na niya bisan asa apan wala niya kini makit-i .

Mga Santos, 1:52–53

Emma Smith nga naggakos ni Joseph Smith.

Nasubo kaayo si Joseph ug nahadlok. Nasayod siya nga nasayop siya sa pagtugot nga dad-on ni Martin ang mga palid. Mipauli siya ug gisultihan si Emma sa nahitabo. Si anghel Moroni mibalik ug mibawi sa bulawang mga palid. Miingon siya nga kon magpaubos si Joseph ug maghinulsol, makuha niya og balik ang mga palid ug makahubad pag-usab.

Doktrina ug mga Pakigsaad 3:5–11; 10:1–3; Mga Santos, 1:53–54

Si Joseph Smith nga nagluhod dapit sa iyang higdaanan, nangayo og pasaylo sa Dios.

Sulod sa mga semana, naghunahuna si Joseph sa sayop nga iyang nabuhat. Nag-ampo siya ug nangayo og pasaylo. Gipasaylo siya sa Dios. Gisultihan Niya si Joseph nga ang mga palid gikawat sa mga tawo kinsa gustong mahunong ang buhat sa Dios. Apan walay makapahunong sa buhat sa Dios. Dunay plano ang Dios aron mapadayon ang Iyang buhat.

Doktrina ug mga Pakigsaad 3:1–10; Mga Santos, 1:54–55

Si Joseph ug Emma Smith nga nag-istoryahanay kauban ni Martin Harris. Si Joseph nga nakiglamano ni Martin Harris.

Si Moroni mihatag og balik sa mga palid ngadto ni Joseph. Ang Dios misulti kang Joseph ug Martin nga kon sila magmapaubsanon ug mosalig Kaniya, makapadayon sila sa pagtabang sa Iyang buhat sa daghang paagi. Makatabang sila nga madala ang Basahon ni Mormon sa kalibotan. Kini nga basahon makatabang sa mga tawo sa bisan asa nga dapit sa paghinulsol ug sa pagtuo kang Jesukristo.

Doktrina ug mga Pakigsaad 3:16–20; 5:21–35; Mga Santos, 1:56–57