Tantara ao amin’ny soratra masina
Naniraka an’i Oliver Cowdery ny Tompo

“Naniraka an’i Oliver Cowdery ny Tompo”, Tantara ao amin’ny Fotopampianarana sy Fanekempihavanana (2024)

“Naniraka an’i Oliver Cowdery ny Tompo”, Tantara ao amin’ny Fotopampianarana sy Fanekempihavanana

1828–1829

Naniraka an’i Oliver Cowdery ny Tompo

Mamantatra ny fomba iresahan’ Andriamanitra amintsika

Miasa eo anoloan’ny trano kelin’izy ireo i Joseph sy i Elma Smith.

Nanohy nandika ny Bokin’i Môrmôna i Joseph sy i Emma. Mafy ny asa ary tsy maintsy niasa tao amin’ny toeram-piompiana sy fambolen’izy ireo ihany koa izy ireo. Nivavaka i Joseph mba handefasan’ny Ray any An-danitra olona iray hanampy azy handika ny Bokin’i Môrmôna.

Olomasina, 1:56–58

I Oliver Cowdery mampaneno lakolosin-tsekoly.

Lavitra be tany New York, i Oliver Cowdery, izay mpampianatra mbola tanora, dia niara-nipetraka tamin’ny ray aman-drenin’i Joseph Smith. Nampianatra an’ireo zandrin’i Joseph lahy sy vavy i Oliver.

Olomasina, 1:58–59

Mipetraka eo amorom-patana i Oliver Cowdery sady miresaka amin’ny ray aman-drenin’i Joseph Smith.

Nahare momba an’i Joseph sy ireo takela-bolamena i Oliver. Liana izy. Niresaka tamin’ireo ray aman-drenin’i Joseph izy. Nolazain’izy ireo an’i Oliver fa nanao asan’ Andriamanitra i Joseph.

Olomasina, 1:59

Nandohalika teo akaikin’ny fandrinany i Oliver Cowdery ka nivavaka mba hahalala bebe kokoa momba an’i Joseph Smith.

Vao mainka aza lasa liana bebe kokoa i Oliver. Nilaza tamin’i Oliver ny ray aman-drenin’i Joseph fa tokony hivavaka sy hamantatra ho an’ny tenany manokana izy raha toa ka asan’ Andriamanitra izany. Koa indray alina dia nivavaka tamin’ny fony manontolo i Oliver. Nanome fiadanana tao an-tsainy Andriamanitra. Fantatr’i Oliver fa mpanompon’ Andriamanitra i Joseph Smith. Nahatsapa izy fa tokony hanampy an’i Joseph.

Olomasina, 1:60

Mipetraka eo amorom-patana i Oliver Cowdery sy i Joseph Smith. Mihazona takelaka ana sora-tanana vitsivitsy i Emma.

Rehefa tapitra ny taom-pianarana dia nandeha nihaona tamin’i Joseph sy i Emma i Oliver. Niari-tory i Joseph sy i Oliver niresaka momba ireo takela-bolamena sy ny asan’ Andriamanitra.

Olomasina, 1:60

Manoratra eo amin’ny takelaka ana sora-tanana i Oliver Cowdery.

Nilaza i Oliver fa hanoratra izy rehefa mandika teny i Joseph. Tiany ny zavatra nianarany momba an’i Jesoa. Nanam-panontaniana ihany koa izy ary naniry ny hanam-pinoana matanjaka kokoa.

Olomasina, 1:61

Mipetraka amin’ny seza eo akaikin’ny varavarankely iray i Oliver Cowdery sy i Joseph Smith.

Tamin’ny alalan’ny Mpaminany Joseph no nanomezan’ny Tompo hafatra ho an’i Oliver. Noteneniny i Oliver mba hahatsiaro ilay takariva tamin’ny fotoana nivavahany. Nanome fiadanam-po azy Andriamanitra. Andriamanitra irery ihany no nahafantatra momba izany vavaka izany. Lasa natanjaka kokoa ny finoan’i Oliver. Nanohy nanampy an’i Joseph izy, ary nampianatra azy zavatra maro momba ny fomba firesahan’ Andriamanitra amintsika ny Tompo.

Fotopampianarana sy Fanekempihavanana 6:14–24; 8:1–3; 9:7–9; Olomasina, 1:62–64