« មេរៀនទី ១០៖ ទម្លាប់ប្រចាំថ្ងៃ » កម្មវិធី EnglishConnect ១ សម្រាប់អ្នករៀន ( ឆ្នាំ២០២២ )

« មេរៀនទី ១០ » កម្មវិធី EnglishConnect ១ សម្រាប់អ្នករៀន

Lesson 10

Daily Routines

គោលបំណង ៖ ខ្ញុំនឹងរៀននិយាយអំពីទម្លាប់ប្រចាំថ្ងៃរបស់នរណាម្នាក់ ។

Personal Study

រៀបចំសម្រាប់ក្រុមសន្ទនារបស់អ្នកដោយការបំពេញសកម្មភាព ក ដល់ ង ។

Study the Principle of Learning: You Are a Child of God

អ្នកគឺជាបុត្ររបស់ព្រះ

I am a child of God with eternal potential and purpose.

ខ្ញុំជាបុត្ររបស់ព្រះដែលមានសក្តានុពល និងគោលបំណងដ៏អស់កល្បជានិច្ច ។

អ្នកជាបុត្រី ឬបុត្រារបស់ព្រះ ។ ទ្រង់មានច្រើនណាស់ ដែលទ្រង់ចង់ជួយឲ្យអ្នករៀនចេះ ។ ទ្រង់ចង់ជួយអ្នកសម្រេចសក្ដានុពលដ៏អស់កល្បជានិច្ចរបស់អ្នក ។ ពេលខ្លះរឿងនេះ អាចមើលទៅមិនអាចកើតឡើងបាន ។ នៅក្នុង ព្រះគម្ពីរប៊ីប យើងអានអំពីយុវនារីម្នាក់ដែលមានឈ្មោះ ម៉ារា ។ ទេវតាមួយអង្គបានបង្ហាញកាយមកជួបនាង ហើយបានប្រាប់នាងថា នាងនឹងធ្វើជាមាតារបស់ព្រះយេស៊ូវគ្រីស្ទ ជា ព្រះអង្គសង្គ្រោះ របស់មនុស្សគ្រប់រូប ។ នាងបានចិញ្ចឹមបីបាច់ព្រះរាជបុត្រានៃព្រះនៅលើផែនដីជាកូនរបស់នាងផ្ទាល់ ។ ប្រហែលជាម៉ារាមានអារម្មណ៍លើសលប់ជាមួយនឹងអ្វីដែល ព្រះវរបិតាសួគ៌ ចង់ឲ្យនាងធ្វើ និងប្រែក្លាយ ប៉ុន្តែទេវតាបានប្រាប់នាង ៖

« ដ្បិតការណ៍អ្វីដែលព្រះទ្រង់ធ្វើពុំបាននោះគ្មានសោះឡើយ » ( លូកា ១:៣៧ ) ។

ជាមួយព្រះ រឿងដែលធ្វើពុំបាន ក្លាយទៅជារឿងដែលអាចធ្វើទៅបាន ។ ម៉ារា បានក្លាយជាមាតារបស់ព្រះរាជបុត្រានៃព្រះ ។ ដូចជាម៉ារា ព្រះចង់ជួយអ្នកឲ្យសម្រេចនូវសក្ដានុពលរបស់អ្នក ហើយបំពេញគោលបំណងរបស់អ្នកនៅក្នុងជីវិត ។ អធិស្ឋាន ទៅកាន់ទ្រង់ ហើយទូលសូមទ្រង់នូវអ្វីដែលទ្រង់ចង់ឲ្យអ្នកធ្វើ ។ ធ្វើតាមគំនិត និងអារម្មណ៍ដែលអ្នកបានទទួលមកពី ព្រះវិញ្ញាណរបស់ទ្រង់ ។ ទ្រង់នឹងដឹកនាំអ្នក ។ ប្រហែលជាអ្នកចាំបាច់ត្រូវរៀនចេះភាសាអង់គ្លេសដើម្បីអាចទទួលបានការអប់រំមួយ ឬផ្គត់ផ្គង់ដល់គ្រួសារអ្នកបាន ។ សូមចាំថា « ដ្បិតការណ៍អ្វីដែលព្រះទ្រង់ធ្វើពុំបាននោះគ្មានសោះឡើយ » ។ ជាមួយព្រះ នោះអ្នកអាចរៀនចេះភាសាអង់គ្លេសបាន ។ ជាមួយព្រះ អ្នកអាចសម្រេចនូវសក្ដានុពលដ៏អស់កល្បរបស់អ្នកបាន ។

Ponder

តើអ្នកមានអារម្មណ៍ថាព្រះចង់ឲ្យអ្នកធ្វើអ្វីខ្លះ ?
នៅពេលព្រះអញ្ជើញអ្នកឲ្យធ្វើអ្វីដែលអ្នកគិតថាធ្វើពុំបាន តើអ្នកអាចជ្រើសរើសដើម្បីធ្វើតាមដោយសេចក្ដីជំនឿដោយរបៀបណា ?

Memorize Vocabulary

រៀនអំពីអត្ថន័យ និងការបញ្ចេញសំឡេងនៃពាក្យនីមួយៗ ពីមុនក្រុមសន្ទនារបស់អ្នក ។ ព្យាយាមប្រើពាក្យមកពីវគ្គ « Memorize Vocabulary » នៅក្នុងការហាត់រៀនប្រចាំថ្ងៃរបស់អ្នក ។

daily routine

ទម្លាប់ប្រចាំថ្ងៃ

Nouns

morning	ព្រឹក
afternoon	រសៀល
evening	ល្ងាច

Verbs

brush my teeth/brushes his teeth	ដុសធ្មេញ របស់ខ្ញុំ /ដុសធ្មេញ របស់គាត់
clean the house/cleans the house	សម្អាត ផ្ទះ/សម្អាត ផ្ទះ
do my hair/does her hair	ធ្វើ សក់ /ធ្វើ សក់
exercise/exercises	លំហាត់ប្រាណ/លំហាត់ប្រាណ
get dressed/gets dressed	ស្លៀកពាក់/ស្លៀកពាក់
get ready/gets ready	រៀបខ្លួន/រៀបខ្លួន
go to bed/goes to bed	ទៅដេក/ទៅដេក
go to school/goes to school	ទៅសាលារៀន/ទៅសាលារៀន
go to the store/goes to the store	ទៅ ហាង/ទៅ ហាង
go to work/goes to work	ទៅធ្វើការ/ទៅធ្វើការ
make breakfast/makes breakfast	ចម្អិន អាហារពេលព្រឹក/ចម្អិន អាហារពេលព្រឹក
make the bed/makes the bed	រៀបចំគ្រែ/រៀបចំគ្រែ
shave/shaves	កោ/កោ
take a shower/takes a shower	ងូតទឹក/ងូតទឹក
wake up/wakes up	ក្រោកឡើង/ក្រោកឡើង

Practice Pattern 1

ហាត់ប្រើលំនាំរហូតដល់អ្នកអាចសួរ និងឆ្លើយសំណួរដោយទំនុកចិត្ត ។ អ្នកអាចជំនួសពាក្យដែលមានគូសបន្ទាត់ពីខាងក្រោមជាមួយនឹងពាក្យនៅក្នុងវគ្គ « Memorize Vocabulary » ។

Q: Do you (verb) in the (noun)?A: Yes, I (verb) in the (noun).

លំនាំទី ១ សំណួរ តើអ្នក កិរិយាសព្ទ នៅក្នុង នាម

លំនាំទី ១ ឆ្លើយ បាទ/ចាស ខ្ញុំ កិរិយាសព្ទ នៅក្នុង នាម

Examples

Q: Do you exercise in the morning?A: Yes, I exercise in the morning.

Q: Does he make breakfast in the morning?A: No, he makes the bed in the morning.

Q: Does she brush her teeth in the evening?A: Yes, she brushes her teeth in the evening.

Q: Do you go to the store in the morning?A: No, I go to the store in the afternoon.

Practice Pattern 2

ហាត់ប្រើលំនាំរហូតដល់អ្នកអាចសួរ និងឆ្លើយសំណួរដោយទំនុកចិត្ត ។ ព្យាយាមកត់សម្គាល់លំនាំទាំងនេះ អំឡុងការហាត់រៀនប្រចាំថ្ងៃរបស់អ្នក ។

Q: What do you do before you (verb)?A: Before I (verb), I (verb).

លំនាំទី ២ សំណួរ តើអ្នកធ្វើអ្វីខ្លះពីមុនអ្នក កិរិយាសព្ទ

លំនាំទី ២ ចម្លើយ ពីមុនខ្ញុំ កិរិយាសព្ទ ខ្ញុំ កិរិយាសព្ទ

Examples

Q: What do you do before you make breakfast?A: Before I make breakfast, I exercise.

Q: What does he do after he gets ready?A: After he gets ready, he goes to the store.

Q: What does she do after she makes breakfast?A: She goes to work.

Use the Patterns

សរសេរសំណួរចំនួនបួន ដែលអ្នកអាចសួរដល់នរណាម្នាក់ ។ សរសេរចម្លើយចំពោះសំណួរនីមួយៗ ។ អានវាឲ្យឮៗ ។

Additional Activities

បំពេញសកម្មភាពមេរៀន និងការវាយតម្លៃតាមអនឡាញនៅលើគេហទំព័រ englishconnect.org/learner/resources ឬនៅក្នុង សៀវភៅលំហាត់ EnglishConnect ១ ។

Act in Faith to Practice English Daily

សូមបន្ដហាត់រៀនភាសាអង់គ្លេសប្រចាំថ្ងៃ ។ សូមប្រើ « ការតាមដានការសិក្សាផ្ទាល់ខ្លួន » ។ សូមរំឭកគោលដៅភាសារបស់អ្នកឡើងវិញ ហើយវាយតម្លៃការខិតខំរបស់អ្នក ។

Conversation Group

Activity 1: Practice the Patterns

(10–15 minutes)

រំឭកបញ្ជីវាក្យសព្ទជាមួយដៃគូ ។

ហាត់តាមលំនាំទី ១ ជាមួយដៃគូ ៖

ហាត់រៀនសួរសំណួរ ។
ហាត់ឆ្លើយសំណួរ ។
ហាត់សន្ទនាដោយប្រើលំនាំ ។

សូមធ្វើលំនាំទី ២ ឡើងវិញ ។

Activity 2: Create Your Own Sentences

(10–15 minutes)

មើលទៅរូបភាព ។ សួរ ហើយឆ្លើយសំណួរអំពីសកម្មភាពនៅក្នុងរូបភាពនីមួយៗ ។ ប្តូរវេនគ្នា ។

Example

A: Do you brush your teeth in the morning?
B: Yes, I brush my teeth in the morning.
A: What do you do after you brush your teeth?
B: After I brush my teeth, I get dressed.

Activity 3: Create Your Own Conversations

(15–20 minutes)

Part 1

ដៃគូ-ក គឺជាមនុស្សល្បីឈ្មោះម្នាក់ ។ ដៃគូ-ខ កំពុងសម្ភាសមនុស្សល្បីឈ្មោះរូបនោះអំពីទម្លាប់ប្រចាំថ្ងៃរបស់គាត់ ឬនាង ។ និយាយឲ្យបានច្រើនតាមដែលអ្នកអាចធ្វើបាន ។ ប្ដូរតួ ។

Example

A: Do you make your bed in the morning?
B: No, I don’t make my bed in the morning.

Part 2

ជ្រើសរើសសមាជិកគ្រួសារបីនាក់ សួរ និងឆ្លើយសំណួរអំពីទម្លាប់ប្រចាំថ្ងៃរបស់បុគ្គលម្នាក់ៗ ។ និយាយឲ្យបានច្រើនតាមដែលអ្នកអាចធ្វើបាន ។ ប្តូរវេនគ្នា ។ ប្ដូរដៃគូ ហើយហាត់រៀនម្ដងទៀត ។

Example

A: What does your sister do before she goes to work?
B: Before she goes to work, she does her hair.

Act in Faith to Practice English Daily

« រៀនដោយខ្លួនអ្នក ថាតើអ្នកជានរណាពិតប្រាកដ ។ ចូរទូលសួរព្រះវរបិតាសួគ៌របស់អ្នក នៅក្នុងព្រះនាមនៃព្រះយេស៊ូវគ្រីស្ទថា តើទ្រង់មានព្រះទ័យយ៉ាងដូចម្ដេចចំពោះអ្នក និងបេសកកម្មរបស់អ្នកលើផែនដីនេះ ។ ប្រសិនបើអ្នកទូលសួរដោយស្មោះអស់ពីចិត្ត ឲ្យបានច្រើនដង នោះព្រះវិញ្ញាណនឹងខ្សឹបប្រាប់សេចក្ដីពិតដែលផ្លាស់ប្ដូរជីវិតដល់អ្នក ។ សូមកត់ត្រាអារម្មណ៍ទាំងនោះ ហើយមើលវាជាញឹកញាប់ រួចធ្វើតាមដោយប្រាកដប្រជា ។

ខ្ញុំសូមសន្យានឹងអ្នកថា បើអ្នកចាប់ផ្ដើមមើលឃើញតែបន្តិចអំពីអ្វីដែលព្រះវរបិតាសួគ៌ទតឃើញក្នុងអ្នក និងអ្វីដែលទ្រង់រំពឹងឲ្យអ្នកធ្វើដើម្បីទ្រង់ នោះជីវិតអ្នកនឹងមានការផ្លាស់ប្ដូរ ! » ( រ័សុល អិម ណិលសុន Facebook ថ្ងៃទី១០ ខែកញ្ញា ឆ្នាំ២០១៩ facebook.com/russell.m.nelson ) ។