Mësoni – Koha Maksimale: 45 Minuta

Veprimtari _{(5 minuta)}

Secili të ngrihet në këmbë. Flisni me të paktën tre anëtarë të tjerë të grupit dhe tregojini njëri‑tjetrit një përvojë në të cilën i treguat dikujt se po kërkonit për punë ose ndoshta iu qasët personalisht një punëdhënësi të mundshëm. Cilat ishin rezultatet?

Diskutoni:Çfarë mësuat nga përvojat e njëri‑tjetrit?

Lexoni:Një kërkim i suksesshëm vendi pune ndjek një formulë të thjeshtë:

Veproni me Besim + Punoni Fort + Punoni me Mençuri = Sukses

Në kapitullin e mëparshëm, ju mësuat rreth besimit dhe të punuarit fort. Në këtë kapitull, ne do të fillojmë të mësojmë aftësitë për të punuar me mençuri. Ne do të fillojmë me krijimin e rrjetit.

Kërkimi i Xhoshit për Vend Pune

Lexoni:Xhoshi i ka gjeur në internet ose në agjenci punësimi të gjitha orientimet e tij për vend pune. Megjithatë, ai pothuajse nuk ka pasur sukses dhe shumicën e kohës nuk ka marrë asnjë përgjigje. Ai është i bindur se ka një mënyrë më të mirë për të gjetur një vend pune. Ai ka dëgjuar për gjëra si krijimi i rrjetit, por nuk është i sigurt çfarë është ai apo si t’ia fillojë.

Diskutoni:Si krahasohet përvoja juaj në kërkim të vendit të punës me të Xhoshit?

1. Si Gjejnë Njerëzit Vend Pune në të Vërtetë

Lexoni:Ju do të gjeni punë më shpejt nëse kërkoni në mënyrat më të efektshme.

Shikoni:“How Jobs Are Really Filled” [“Si Plotësohen në të Vërtetë Vendet e Punës”], në dispozicion te srs.lds.org/videos. (Nuk keni material filmik? Lexoni faqen 35.)

Lexoni:Krahasoni këta dy grafikë.

Diskutoni:Ç’do të ndryshonte në kërkimin tuaj për vend pune nëse do të punonit më shumë për krijimin e një rrjeti?

2. Bisedoni me Këdo

Lexoni:Krijimi i rrjetit është mënyra më e mirë për të gjetur vend pune. Të krijosh rrjet do të thotë të flasësh me njerëz që mund t’ju ndihmojnë të gjeni njerëz dhe organizata që kanë nevojë për aftësitë tuaja. I thoni kujtdo që po kërkoni punë. Njerëzit do t’ju ndihmojnë. Presidenti Spenser W. Kimball tha: “Perëndia na vështron dhe kujdeset për ne. Por zakonisht është nëpërmjet një personi tjetër që Ai i plotëson nevojat tona” (“Small Acts of Service”, Ensign, dhjetor 1974, f. 5).

Ndonjëherë ju nevojitet të punoni në rrjet nëpër shumë nivele për të gjetur personin me informacionin që ju nevojitet. Puna në rrjet nëpër nivele do të thotë t’u kërkosh njerëzve t’ju japin emrat e njerëzve të tjerë që mund të kenë informacion që mund t’ju ndihmojë. Ju mund të punoni në rrjet drejtpërdrejt, me telefon ose postë elektronike. Ju mund të përdorni gjithashtu faqe interneti të rrjeteve profesionale dhe shoqërore.

Veprimtari _{(2 minuta)}

Ky është një konkurrim! Kushdo që rendit kontaktet më të shumta të mundshme, fiton.

Hapi 1: Vendosni një kohëmatës për 60 sekonda. Kur ndërmjetësi thotë filloni, secili nga ju shkruani sa më shumë njerëz ose punëdhënës të mundshëm për të cilët mund të mendoni. Përdorni listën e kontakteve në celularin tuaj, lidhjet në mjetet shoqërore të komunikimit, internetin dhe më tej.

Vini re, gati, filloni!

Kontakte të Mundshme

Hapi 2: Numërojini listat tuaja. Kush pati më shumë? Ai ose ajo është fituesi!

Këshillë:Çdo person dhe biznes që sapo e shkruat, mund të përdoret për synimin tuaj të përditshëm për të gjetur burime.

Diskutoni:

• Çfarë mund të ndodhte nëse do të bisedonit me secilin nga këta njerëz dhe biznese rreth vendit të punës që po kërkoni?

• Si do të qe nëse do të flisnit me gjithë njerëzit e tjerë që njihni?

3. Unë në 30 Sekonda

Lexoni:Puna në rrjet me njerëz të tjerë jep rezultatin më të mirë nëse dini çfarë të thoni. Një deklaratë Unë në 30 Sekonda është mjeti më i mirë për t’u vënë në kontakt me njerëz apo biznese. Ajo i ndihmon njerëzit të kuptojnë se çfarë vendi pune po kërkoni dhe si mund t’ju ndihmojnë. Ajo ndjek këto katër hapa.

Këshillë:Pyetje të Mundshme në Deklaratën Unë në 30 Sekonda

• Me kë do të më rekomandonit të flas?

• Çfarë mundësish dini për dikë si unë?

• Çfarë dini rreth (kompania, sektori)?

• Çfarë biznese ka në zonë që po kërkojnë për (lloji i vendit të punës ose pozicioni)?

• Cilin njihni që bën atë që bëj unë?

Kërkimi i Xhoshit për Vend Pune

Lexoni:Ja se si e përdori Xhoshi deklaratën Unë në 30 Sekonda për të krijuar rrjet me ungjin e tij, Dejvidin. Shënoni katër pjesët e veprimit.

“Ungji Dejvid, jam nipi juaj, ➀ Xhoshi. Si jeni? A keni një minutë?Ju mund të mos ta keni ditur këtë, por ➁ unë po kërkoj një vend pune të ri për shërbim kompjuterash. ➂ Kam dy vjet përvojëdhe kam disa certifikata teknike. Në kompaninë time të fundit unë quhesha tekniku më i mirë i shërbimit për shkak të efektshmërisë sime. Unë jam i mirë në atë që bëj dhe më pëlqen puna.➃ Cilin njihni qëmund të vihem në kontakt lidhur me mundësitë?”

Veprimtari (5–8 minuta)

Tani ju do të krijoni deklaratën tuaj Unë në 30 Sekonda dhe do ta ushtroni atë.

Hapi 1: Secili nga ju shkruani katër pjesët e deklaratës suaj Unë në 30 Sekonda në hapësirat e mëposhtme:

Hapi 2: Pasi secili nga ju ta keni shkruar deklaratën tuaj Unë në 30 Sekonda, ngrihuni një nga një dhe prezantojeni veten me deklaratën tuaj Unë në 30 Sekonda. Caktoni dikë të matë kohën e secilit prezantim që të dini se sa afër jeni te 30 sekondat. Duartrokitni dhe brohoritni pas çdo prezantimi.

Lexoni:Në kapitullin e mëparshëm ne mësuam rreth kontakteve. Mbani mend, kontakt është çdo komunikim punësimi me një burim. Jo të gjithë kontaktet janë të krijuara njësoj. Sa më personale që të mund t’i bëni kontaktet tuaja, aq më efektive do të jenë. Të folurit ballë për ballë me dikë është më i efektshëm sesa një postë elektronike apo mesazh me celular. Të paktën dy nga kontaktet tuaja ditore duhet të jenë ballë për ballë. Kjo është arsyeja përse një deklaratë Unë në 30 Sekonda mund të jetë kaq e fuqishme.

Deklarata juaj Unë në 30 Sekonda është një nga aftësitë për kërkim vendi pune që ju lejon të punoni me mençuri. Ju e dini se keni një deklaratë të mirë Unë në 30 Sekonda kur ajo çon qëndrueshëm te ndihma që ju nevojitet. Ushtrojeni shpesh deklaratën tuaj Unë në 30 Sekonda dhe merrni përshtypje. Le të fillojmë menjëherë!

Veprimtari _{(5 minuta)}

Hapi 1: Ngrihuni që të gjithë dhe ndahuni në dy rreshta ballë për ballë.

Hapi 2: Tregojani deklaratën tuaj Unë në 30 Sekonda personit përballë jush.

Hapi 3: Jepini shpejt përshtypje njëri‑tjetrit:

• A e tregoi partneri/ja juaj vendin e punës të cilën ai ose ajo po kërkon?

• A e tregoi partneri/ja juaj përse ai ose ajo është i/e mirë për atë punë?

• A kërkoi ndihmë partneri/ja juaj? Në ç’mënyrë?

• A ishte afër te 30 sekonda?

Hapi 4: Secili në një rresht kalon pastaj pas një personi. Personi në fund qarkullon te fillimi i rreshtit. Rreshti tjetër nuk lëviz. Përsëritni hapat 1–3 derisa t’ia keni treguar deklaratën tuaj Unë në 30 Sekonda çdonjërit dhe të keni marrë përshtypje.

Diskutoni:Si do të ishte akt besimi puna në rrjet me deklaratën tuaj Unë në 30 Sekonda?

Veprimtari _{(5 minuta)}

Hapi 1: Secili nga ju zgjidhni një person nga lista tuaj e kontakteve të mundshme në faqen 28 dhe telefonojini atij ose asaj. Ia thoni deklaratën tuaj Unë në 30 Sekonda atij ose asaj dhe shihni se çfarë ndodh.

Hapi 2: Mblidhuni përsëri si grup dhe tregoni përvojat tuaja.

Përfundim

Shikoni:“Basketball Got Me a Job” [“Basketbolli më Dha Vend Pune”], në dispozicion te srs.lds.org/videos. (Nuk keni material filmik? Lexoni faqen 36.)

Diskutoni:Cilat janë gjërat më të rëndësishme që mësuat nga ky kapitull?

Lexoni:Një kërkim i suksesshëm për vend pune ndjek këtë formulë:

Veproni me Besim + Punoni Fort + Punoni me Mençuri = Sukses

Puna në rrjet kërkon besim dhe punë të fortë. Puna në rrjet është gjithashtu një mënyrë më e mençur për të gjetur vend pune dhe ju tani keni një mjet të shkëlqyer, deklaratën Unë në 30 Sekonda, që t’ju ndihmojë të filloni. Zoti ka premtuar: “Hapini gojët tuaja e ato do t’ju mbushen” (DeB 33:8). Tani dilni dhe bëjeni punën në rrjet një pjesë të përditshme të kërkimit tuaj për vend pune.

Për ide të mëtejshme për punën në rrjet, lexoni vetë gjatë kësaj jave faqet 197–202 te shtojca.