“Nahigugma pa ba ang Dios kanako?” Tabang alang Kanako (2021)
“Nahigugma pa ba ang Dios kanako?” Tabang alang Kanako
Nahigugma pa ba ang Dios kanako?
Ang gugma sa Dios alang kanimo walay kataposan. Siya mohigugma kanimo hangtod sa kahangtoran.1 Tingali miabot ka sa punto diin imong gibati nga walay bisan usa nga mohigugma gayod kanimo kon sila makahibalo sa “tinuod” nga ikaw. Tingali gibati nimo nga dili ka angayan og tabang gikan ni bisan kinsa ug nga dili ka sarang sa kaluoy sa Dios. Daghang ubang tawo ang nanlimbasog sa sama niini nga mga isyu. Ang ilang mensahe: wala ka mag-inusara, ug posible nga mausab ang paagi sa pagkakita nimo sa imong kaugalingon.
Mahimong sayon ang masulod sa laang sa pabalik-balik nga paggamit sa pornograpiya ug pagpakaulaw sa imong kaugalingon. Apan, ikaw usa ka anak nga lalaki o babaye sa Dios, ug ikaw adunay walay kinutoban nga bili. Dili mahitabo nga dili ka maabtan sa tabang ni Jesukristo ug sa Iyang Pag-ula. Kon ikaw makahimo og mga sayop, wala kana magpasabot nga daotan ka na nga tawo. Sama sa gitudlo ni Elder Dale G. Renlund, mas naghunahuna ang Dios kon si kinsa kita ug kinsa kita sa umaab[o]t kay sa unsa kita kaniadto.2