“Kinatibuk-ang Pagpasabot alang sa mga Indibidwal,” Tabang alang Kanako (2021)
“Kinatibuk-ang Pagpasabot alang sa mga Indibidwal,” Tabang alang Kanako
Kinatibuk-ang Pagpasabot alang sa mga Indibidwal
Normal lamang ug himsog ang adunay sekswal nga mga hunahuna ug mga pagbati. Kon kini nga mga hunahuna ug mga pagbati mapakita sa tukmang paagi diha sa usa ka mahigugmaon nga kaminyoon, ang pagkabugkos sa magtiayon mahimo nga “usa ka kinatibuk-an ug usa ka panagbugkos nga giorden ug gilatid sa Dios.”1 Ang pornograpiya usa ka gamhanan ug makaguba nga himan nga makapaluya ug makadaot niini nga panagbugkos ug makamugna og mga pagbati sa pagkadismaya, pagluib, ug truma.2
Apan dili ka kinahanglan nga mag-atubang niini nga hagit nga mag-inusara. Ikaw mahimong makakuha og tabang ug giya gikan sa mga propesyonal ug mga tawo kinsa suod nimo. Makakita ka usab og paglaom ug kalig-on diha sa ebanghelyo ni Jesukristo. Sama sa gitudlo ni Presidente Russell M. Nelson, si Jesukristo motabang nimo kon ikaw modangop Kaniya.3