lalaki nga nagtan-aw sa pagsawop sa adlaw

Unsaon nako paghimo og plano aron mahunong ang pagtan-aw og pornograpiya?

Si Presidente M. Russell Ballard nagtudlo, “Ang uban maglis[o]d sa pag-ila sa kalainan tali sa usa ka tumong ug usa ka plano hangt[o]d nga makakat-on sila nga ang tumong usa ka destinasyon o katap[o]san, samtang ang plano mao ang rota aron makaab[o]t mo didto.”¹ Ang paghimo og tumong nga mohunong sa pagtan-aw og pornograpiya ug maghinulsol nagkinahanglan og mainampingon nga pagplano.

Pagtubag sa mga Kapakyasan ug Kalisdanan

Samtang ikaw magsugod sa pagsubay sa dalan sa pag-usab sa imong kinaiya, posible nga makasinati ka og mga kapakyasan ug kalisdanan. Apan samtang ikaw makasinati og mga kapakyasan, makakat-on ka ug mahimong mas lig-on. Ang importante mao ang dili pag-atras sa imong kaugalingon ug sa imong mga plano tungod lang kay nasayop ka o ang mga butang wala mahitabo sigon sa imong gilaoman.

Kon gibati nimo nga dili sigurado kabahin sa paghimo og plano nga mosalir alang nimo, makapangayo ka og tabang sa Ginoo, ug Siya mogiya kanimo ngadto sa mga tawo kinsa makatabang nimo sa pagplano ug paghimo og mga pagpahaom.

Lihoka

• Ikonsiderar ang pagkonsulta sa pamilya, mga higala, usa ka grupo nga tigsuporta, usa ka propesyonal sa kahimsog sa pangisip, medikal nga mga propesyonal, ug uban pa kinsa mahimo nga makatabang.

• Pangita og makatabang sa kaugalingon [self-help] nga mga libro o mga artikulo sa mga hilisgotan nga tingali makaapekto nimo.

• Tun-i ang mga ehemplo sa mga tawo diha sa mga kasulatan kinsa nakabuntog sa mga pagsulay. Unsay imong makat-onan gikan kanila?

• Ikonsiderar kon unsa ang imong mahimo aron maayo ang naguba nga mga relasyon. Sa himsog nga mga relasyon, ang magkapares gilaoman nga dili motan-aw og pornograpiya. Unsa ang imong mabuhat aron mabalik ang nawala nga pagsalig?

Mubo nga sulat

1. M. Russell Ballard, “Mobalik ug Modawat,” Abr. 2017 nga kinatibuk-ang komperensiya.