Pe alofa pea ea le Atua ia te a’u?

O le alofa o le Atua mo oe e le uma. O le a alofa o Ia ia te oe e faavavau.¹ Atonu ua e taunuu i le tulaga ua e lagona ai ua leai se tasi e mafai ona alofa moni ia te oe pe a latou iloaina lou tagata “moni”. Atonu ua e lagona e peiseai ua le o toe tatau mo oe se fesoasoani mai se tasi ma ua e le agavaa mo le alofa mutimutivale o le Atua. E toatele isi tagata sa tauivi foi ma nei lava faafitauli. O la latou savali: e le tuuaunoaina oe, ma e mafai ona suia le ala e te vaai ifo ai ia te oe lava.

E mafai ona faigofie ona apilitia i se faataamiloga o le faaaogaina o ponokalafi ma faamaasiasia ai oe lava. Peitai, o oe o se atalii po o se afafine o le Atua, ma ua ia te oe se taua e le faamutalia. E le sopoloa lava oe i le fesoasoani a Iesu Keriso ma Lana Togiola. Pe a e faia ni mea sese, e le faapea ua avea ai oe o se tagata leaga. E pei ona sa aoao mai e Elder Dale G. Renlund, e matuai sili atu ona manatu mai le Atua i ituaiga tagata o le a avea ai i tatou nai lo mea sese sa tatou faia.²