Vaaiga Aofai mo Tagata Taitoatasi

O le mea masani ma le maloloina le i ai o mafaufauga ma lagona tauafineaitane. A oo ina faaalia ma le tatau nei mafaufauga ma lagona i se faaipoipoga alofa, e avea se tuufaatasiga a se ulugalii “ma se atoatoaga ma se tuufaatasiga ua faauuina ma faauigaina e le Atua.”¹ O ponokalafi o se meafaigaluega malosi ma le faataumaoi e mafai ona faavaivaia ai ma lepetia ai lea tuufaatasiga ma fatu ai ni lagona o le faanoanoa, tau’ole’ole, ma le faamanu’alia.²

Ae e te le tau sagai atu na o oe i lenei luitau. E mafai ona e maua le fesoasoani ma le taitaiga mai polofesa ma tagata e vavalalata atu ia te oe. E mafai foi ona e maua le faamoemoe ma le malosiaga i le talalelei a Iesu Keriso. E pei ona sa aoao mai e Peresitene Russell M. Nelson, o le a fesoasoani Iesu Keriso ia te oe, pe a e liliu atu ia te Ia.³