“Vakai Fakalūkufua maʻá e Fakafoʻituituí,” Tokoni Maʻaku (2021)
“Vakai Fakalūkufua maʻá e Fakafoʻituituí,” Tokoni Maʻaku
Vakai Fakalūkufua maʻá e Fakafoʻituituí
ʻOku angamaheni mo lelei ke maʻu e ngaahi fakakaukau mo e ngaahi ongo fakasekisualé. ʻI he taimi ʻoku fakahaaʻi totonu ai ʻa e ngaahi fakakaukau mo e ngaahi ongo ko ʻení ʻi ha nofo-mali ʻoku fonu ʻi he ʻofá, ʻoku hoko leva ʻa e feohi ʻa ha ongomeʻa mali “ʻo kakato pea mo ha nofo-mali naʻe tuʻutuʻuni pea finangalo ki ai ʻa e ʻOtuá.”1 Ko e ponokalafí ko ha meʻangāue mālohi mo fakaʻauha ia te ne lava ʻo fakavaivaiʻi mo maumauʻi ʻa e feohi ko ʻení pea fakatupu ha ngaahi ongoʻi loto-foʻi, lavakiʻi, mo ha loto-mamahi fakaʻulia.2
Ka ʻoku ʻikai totonu ke ke fehangahangai toko taha pē mo e pole ko ʻení. Te ke lava ʻo maʻu ha tokoni mo ha fakahinohino mei he kau mataotao mo e kakai ʻoku ofi atu kiate koé. Te ke lava foki ʻo maʻu ha ʻamanaki lelei mo ha mālohi ʻi he ongoongolelei ʻo Sīsū Kalaisí. Hangē ko ia naʻe akoʻi ʻe Palesiteni Lāsolo M. Nalesoní, ʻe tokoni atu ʻa Sīsū Kalaisi ʻi hoʻo tafoki kiate Iá.3