Vaaiga Aoao mo Taitoalua

Afai ua e mauaina o matamata lou toalua i ponokalafi, o le mea masani lava le lagonaina o se ofaga o lagona. Atonu e te lagona le ita, fenumia’i, le faatuatuaina, teenaina, le mautonu, po o le te’i. Atonu e te le iloa pe faapefea ona taulima, pe o fea e liliiu i ai, pe o le a foi le isi laasaga e tatau ai.

E taua le iloa e tele lava ina i ai mea e tele e saofaga i le faaaogaina o ponokalafi, ma o nisi taimi e mafai ona lavelave. Atonu e le malamalama atoa lou toalua pe aisea na aafia ai o ia i le faaaogaina o ponokalafi. Ae faamolemole aua e te tuua’ia oe lava.

A o e agai pea i luma i le faatuatua, e mafai ona e mafanafana i le iloa e le na o oe. Na aoao mai Elder Dieter F. Uchtdorf, “O le a le faavavau ona e lagonaina le tuua toatasi, faanoanoa, tiga, po o le lotovaivai. Ua ia i tatou le folafolaga faamaoni a le Atua, o le a Ia le faagaloina pe tuulafoai i latou o e lilifa atu o latou loto ia te Ia. Ia faamoemoe ma faatuatua i lena folafolaga.”¹