Faatutu Tuaoi

Na faaalu e se tasi tina tausaga e tele o lona olaga e taumafai ai e fesoasoani i lana tama tama o lē sa matuai mamafa lona aafia ai i vaisu ma isi filifiliga leaga. Sa ia lagona faapei ua toilalo ona sa le mafai ona ia laveaia lana tama mai ana filifiliga. Sa tele tausaga sa alu ese ai lana tamai mai le aiga. A o ia taumafaia se malaga faifai malie e toe foi mai ai e fausia ai se sootaga, sa faatutu e le tina ia tuaoi o mea sa ia faatagaina ma mea foi e le faatagaina i lona fale. O nei tuaoi na puipuia ai o ia ma faamautinoa ai o le a ia le faatagaina lana vaisu. “O tuaoi tatou te faatutuina o le a fesoasoani tatou te faafetia’ia ai o tatou manaoga faaleagaga, faalelagona, ma le faaletino ma i’u ai ina fesoasoani tatou te lagona ai le saofalemu ma le filemu.”

O filifiliga leaga e lauolaola i le faalilolilo, ma o le taufaasese o lona totoola lea. O le vaega o le liliuga mo e pele ia i tatou, e tupu pe a latou iloa le matafaioi a le faalilolilo ma le taufaasese e fai i le faatagaina o a latou filifiliga leaga. Pe a pelogia pe taufaasese i tatou e i latou e pele ia i tatou ma ta’u itiitia a latou amioga leaga, e le toe i ai so tatou faatuatuaga ia i latou. O talanoaga saoloto ma faamaoni o le amataga lea o le toefauina o le faatuatuaina.