Saili le Lagolagosua

E faaopoopo atu i le faalagolago i le Alii, o le sailia o le lagolagosua mai isi e mafai ona fesoasoani tele pe a e oo i luitau faigata.

Na faasoa mai e se tasi alii lana tauiviga i le vaai atu ua amata ma pa’ū atu ma faafafagaina e lana avā se vaisu i vaifolo. Sa taulai uma atu lona malosi i mea sa ia [avā] faia ma mea e mafai ona ia faia e taofi ai o ia [avā]—sa faomalo i lona olaga. Ina ua tuua e lana ava le aiga, sa ia lagona le maasiasi, faafitifiti, ma sa fefe o le a leai se isi e mafai ona malamalama i le mea sa feagai ma ia ma sa le mafai ona ia toe faaauau. A o ia iloaina sa ia manaomia se fesoasoani mo ia lava, sa ia auai atu i se vaega lagolago mo tagata o aiga ma uo a i latou e i ai vaisu. Sa ia aoao e sailia le lagolago mai isi.

E toatele tagata e lagona le fefefe po o le lotovaivai pe a faasoa atu a latou tauiviga. Ae peitai, o se mea talafeagai ma e taua le fesili atu mo se fesoasoani. Ua folafola mai le Alii, “O Aʼu le Alii lou Atua o le ua taofi lou lima taumatau, o le ua fai atu ia te oe, Aua e te fefe; o au o le a ou fesoasoani ia te oe” (Isaia 41:13).