“2: Buokia n Reireiniia Ami Ataei” Buokiia Ami Ataei ni Kanakoraoi aia Reirei: Kairi Ibukiia Kaaro (2021)
“2: Buokia n Reireiniia Ami Ataei,” Buokiia Ami Ataei ni Kanakoraoi aia Reirei: Kairi Ibukiia Kaaro
2
Buokia n Reireiniia Ami Ataei
Titiraki ni Marooroakinaki
-
Tarai tamnei aikai. Tera ae Ko Nooria?
-
A na kanga tiina n reireiniia aia ataei inanon tamnei aikai?
-
Tera te bwai teuana ae ko reireiniia ami ataei?
Reiakinna
Kaaro a tabe ibukiia natiia ni kawai aika mwaiti. Ko kakabwaiaia natim ni katoa bong man buokakiia n reiakinaki. Ngkana ami ataei a reiakinaki, a namakina te tamaroa irouiia ao a tangiria riki n reiakinna.
Aomata tabeman a kona ni buokiia ami ataei n reiakiniia, ma bon kaaro moa aia moan tia reirei ami ataei aika tamaroa. Ko kona ni buokiia natim bwa a na ataia ae a na kona riki n ai aron Tamara are i Karawa ao Natina Iesu Kristo, ngkana a reiakinna.
Ami ataei a na nooria bwa tera ae ko karaoia. Ngkana a nooria bwa ko karaoa te tai n reiakinaki, a na ataia bwa te reirei e kakawaki. A mwaiti kawai aika ko kona n reitinako n reiakinna:
-
Kamatebwai booki aika tabu.
-
Wareki booki.
-
Marooro ma aomata taekan rongorongo ake a riki irarikim ao rongorongo ake a riki rinanon te aonaaba.
-
Karekei riki kataneiai ni buokiiko ni katamaroa am mwakuri.
-
Karekei riki reirei aika a kinaaki.
-
Reiakin rabakau aika a boou.
Iangoia ao Tataro
Iangoa taekana bwa tera ae ko a tia n reiakinna. Korei mwiin iango nako ake ko karekei ke iango are a roko mairoun te Tamnei ae Raoiroi. Tera ae ko iangoia bwa te Uea e tangiriko ni karaoia? Ko na kanga ni bairea te katooto ibukiia ami ataei man reitinako n reiakinna?
Waaki ni Kakukurei
Ko na kanga ni buokiia kaain am utu n tatabeman bwa a na reiakinaki? Titirakiniia kaain am utu bwa tera a tangiria n reiakinna ao ko na kanga ni buokiia. Korei aia reke inano.
|
Kaain te Utu |
Tera ae A Kainanoia n Reiakinna? |
Ko na Kanga ni Buokiia? |
|---|---|---|
Kaain te Utu Te Katooto Derek (te nati te mwaane) | Tera ae A Kainanoia n Reiakinna? -Bwaati te ukeuke n te aro are e na kona n roko n te kauarinan n reirei -Reiakina te Ingiriti n ae tamaroa | Ko na Kanga ni Buokiia? -Reiakina tain te ukeuke -Manga rinanoi bwain te reirei n te mweenga -Taetae n Imatang inanon mweengara |
Kaain te Utu
| Tera ae A Kainanoia n Reiakinna?
| Ko na Kanga ni Buokiia?
|
Kaain te Utu
| Tera ae A Kainanoia n Reiakinna?
| Ko na Kanga ni Buokiia?
|
Marooro ma Am Utu
Maroroakinna ma am ut iaona bwa tera ae ko a tia n reiakinna. Maroroakin titiraki aika inano. Tuangiia kaain am utu n tibwauai aia iango ao ni kakaungo imarenaia.
-
E kanga te reiakinaki ni buokiira ni kona n riki n ai aron Tamara are i Karawa?
-
Ti na kanga ni buokiia kaain ara utu ni kabane n reiakinaki ao n reitinako inanon aia reirei?